سيور الكيا سايبا
 

السلام عليكم يا جماعة
انا مسافر برة مصر والعربية مع المدام وحصل موقف وحش جدا من 3 ايام
سير الدينامو قطع والبكرة وقعت
المهم اخوها اخد العربية للميكانيكي ولفوا على البكرة والسيور (دينامو وتكييف) التكييف علشان الميكانيكي لقاه وحش
المهم ما لقوهمش خالص
وفي الاخر لقوا سير صيني ينفع يركب وده كان بعد حوالي 3 ساعات لف

دلوقت ارجوكم فهموني
هي السيور مش موجودة ولا ايه
ولو موجودة نلاقيها فين
ويا ترى سير الكاتينة بيتغير بعد كام الف
شكرا جزيلا

رد: سيور الكيا سايبا
 

صباح الخير يا جماعة
هو مفيش حد هنا معاه السايبا من زمان ولا ايه
معقولة ما حدش اضطر يغير السيور لغاية دلوقتي
اخونا الاستاذ توفيق بياكد ان السيور هي هي سيور البرايد وانا ميال لكلامه لكن والله المشكلة دي قابلتها الاسبوع الي فات
يا ريت حد يفيدنا

رد: سيور الكيا سايبا
 

نفس سيور البرايد الكورى والمازدا 121 لانه نفس الموتور حضرتك هلاقى السيور عند نافع فى شارع دمشق او الجندى فى نفس الشارع دول اللى بجيب انا نفسى منهم بس اكيد هتلاقى فى التوفيقية والحرفيين وفى حتت كتير
تغيير سير الكاتينه على 50 الف بس انا غيرته على اربعين

رد: سيور الكيا سايبا
 

شكرا جزيلا لحضرتك
بس سؤال اخير
هل تغيير سير الكاتينة بيحتاج التوكيل ولا ممكن الميكانيكي يعمله

رد: سيور الكيا سايبا
 

لاء اى ميكانيكى بيعمله بس لو العربية فى الضمان اعمله فى التوكيل

رد: سيور الكيا سايبا
 

شكرا يا ابو نورا ربنا يخليك
العربية خرجت من الضمان من زمان
موديل 2006 من ايام شركة الامل.

رد: سيور الكيا سايبا
 

اسف على ازعاجك يا أستاذ وائل
انا دلوقت برة مصر زي ما قلت قبل كده
وانا قلت للمدام تروح عند الجندي زي ما حضرتك افدتني اداها سير الكاتينة الكوري وقالها ده بيركب على السايبا 2006
وبص على سير الدينامو وقالها ده مقاسه 850 والي عندي بتاع البرايد مقاسه 900 بس خديه يمكن يركب ولو ما ركبش رجعيه
اما بالنسبة لسير التكييف فقال ان العربيات بتختلف في سيور التكييف فاحسن الميكانيكي يفكه ونجيب زيه
ايه راي حضرتك يا ريت تفيدني
انا اسف على الازعاج بس والله لو انا في القاهرة كنت حليت المشكلة دي
على فكرة انا كلمت شركة الامل وقالولي ان السيور عندهم وبيركبوها بس بصراحة لقيت انهم حرامية تخيل سعر سير الكاتينة 248 من غير تركيب
وعند الجندي 50 جنيه الايطالي
و125 جنيه الكوري
يا ريت تفيدني