يــا جمــاعه ......... ياريت تيفودوني في شراء الانوس
 

السلام عليكم ورحمه الله وبركاته

أنا محتار جدا في شراء سياره مستعمله أنا معايا حوالي 42 الف جنيه وأنا مقتنع بالانوس

وعجباني كشكل بس طبعا لأني مجربتهاش سألت العفشجي والميكانيكي قالولي ابعد عن

الانوس .. فياريت تقولولي عن مميزات وعيوب الانوس .... وبالأخص عيوبها ولو في عربيه أحسن بنفس السعر ياريت تقولولي

رد: يــا جمــاعه ......... ياريت تيفودوني في شراء الانوس
 

من 65000 الى 70000 جنيه ممكن تجيب
رينو لوجان كامله مانيوال 2010 68000
شيفروليه لانوس كامله مانيوال 2010 69990
هيونداى فيرنا ستار كامله مانيوال 2010 69500

بس الافضل فيهم من وجهه نظرى شيفروليه لانوس
دا رأيى الشخصى
فيرنا سياره كويسه بس واطيه اوى على الارض فلو معاك ناس راكبه معاك العربيه هتكون مزعجه فى المطبات
رينو لوجان عربيه مش معروفه الى الان .... جديده على السوق المصرى .... فى انتظار اثبات الوجود

طبعا فى سيارات تانيه كتير بس فئه اقل مثل :-
بروتون ساجا
كيا برايد
وغيره

رد: يــا جمــاعه ......... ياريت تيفودوني في شراء الانوس
 

انا رايى تجيب لانوس نضيفه استعمال نضيف وحاله كويسه
واللانوس ممتازه وعيبها طلمبه البنزين بتاعتها

رد: يــا جمــاعه ......... ياريت تيفودوني في شراء الانوس
 

شكرا ليكو علي الردود

ياريت ردرو أكتر

رد: يــا جمــاعه ......... ياريت تيفودوني في شراء الانوس
 

يا باشا العربية مفيهاش مشاكل ولا ميكانيكي ولا عفشة دة لو العربية حالتها كويسة

رد: يــا جمــاعه ......... ياريت تيفودوني في شراء الانوس
 

رد: يــا جمــاعه ......... ياريت تيفودوني في شراء الانوس
 

بس يا باشا انا ليا تجربتين مع اللانوس :-
اول تجربة :-
لانوس 2001 معانا من الزيرو لحد النهارده والعربية ماشاء الله عليها مشفناش منها اي مشاكل وخصوصا ان استخدامنا انا و والدي نظيف 9 سنين مغيرناش غير 4 فرد كاوتش
و حساس الانجكشن عشان في الاول الموتور اتغسل بالمياه وغيرنا فيوز طرمبة البنزين وسير التقسيمة وطبعا البطارية وشحن التكييف بمعدل كل سنتين او سنتين ونصف غير كدا عدا الصيانه الدورية وغيار الزيت مفيش اي مشاكل

ثاني تجربة :-
واحد زميلي حبيبي يعني اشتري لانوس 2005 استعمال بس اللي قبليه كان مبهدلها
في غير فيها الاتي :-
1- مجموعة السيور والزيوت والفلاتر (وده راي يتعمل في اي عربية استعمال )
2- 4 فرد كاوتش
3- عدد 4 مساعدين
4- جوان وش السلندر
5- مرجيحه الفتيس عشان كانت بتعض في الغيار التاني والثالث

والعربية ماشاء الله عليها دلوقتي 10/10

اهم حاجه لو حتشتري لانوس مستعمله حالتها *
ومن خلال 9 سنين في اللانوس اقولك :-
*عربية جيده ومناسبة لاحتياجات الاسرة
*موتور وسحب ممتاز مناسب لفئتها وطبيعه استخدامها
*اعتمادية عاليه جدا يعني بتعطل كل فين وفين (ما شاء الله )وده طبعا بيرجع لمعاملتك و حفاظك علي صيانة العربية
*صالونها واسع ومريح يشيل 5 مستريحين
* استهلاكها للبنزين اقتصادية جدا
* قطع غيارها ممكن تشتريها من عند اي بقال
*اي ميكيانيكي وكهربائي بيفهم فيها وغير معقده ميكانيكيا
* عفشتها طرية وناعمة مش زي الفيرنا خشنة عنها شوية
* ثبات عن الفيرنا في السرعات علي 140 مش طوالي مناورات علي 140 وثابته

ولو ليك اي استفسار تاني اسألني*