|
إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000
الحيرة فظيعة و القرار كل شوية يتأجل و أنا زهقت
دى أول عربية حاسوقها و ما عنديش إستعداد أصرف عليها قطع غيار و بنزين و فى نفس الوقت مش عاوزة حاجة تتبهدل لأنها بالنسبالى عربية العمر و مش ناوية أشترى عربيات تانى لكن مش عاجبنى 800 cc لأنى ناوية أسافر بيها القاهرة و طنطا حجم الماروتى مش عاجبنى علشان كدة فكرت فى ألتو لكن خايفة تكون أى كلام ...كمان أنا لقيتها بالعافية فى معرض واحد و ماحدش بيبيعها خلاص علشان كدة سعرها مش حينزل عن 49000 و طبعا بتكييف و أنا عارفة إن مش له لازمة و مزود سعر العربية على الفاضى و مش حاستعمله أنا أصلا كنت حاموووت على i10 و فكرت فى الأوتوماتيك لكن الموضوع كده كان حيوسع ل 66000 جنيه و أنا أولى بالفرق دلوقتى فى عرض نازل على بيكانتو 1100 cc ب 57000 ...أجى على نفسى و أجيبها ولا أخلينى فى الألتو ..بس فى ناس قالتلى إن ألألتو موديل 2009 و كده أنا حاخسر فيها , لكن بيكانتو 2010 و قرأت هنا فى الموقع إن العجل بتاع بيكانتو بيبوظ بسرعة و أتوس ب 53000 لكن ماحدش شكرلى فيها خالص و إحنا دلوقتى فى شهر مارس ..أستنى شوية لحد ما موديلات 2011 تنزل ولا ألحق أجيب دلوقتى أرخص؟؟ أفيدونى أفادكم الله |
رد: إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000
يا جماعة حد يرد علياااااااااااااا
ptmnlo123per144 |
رد: إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000
انا زيك كونت محتاره لاكن بعد ما لفيت وشوفة عرفة انى لازم اجيب جاحه جديده وانسى السوزوكى خالص بالنسبه للأتوس انا كمان فكرة فيها لاكن الموضوع فاشل فكر فعلا فى موضوع البيكانتو او انسى بقى زى خالص الموديلات العاليه وابتدى تفكر فى الموديلات الى مش عاليه اوى وربنا يوفقق ويوفقنى انا تعبت زيك من كتر التدوير
|
رد: إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000
طب عندك فكرة أحسن وقت نشترى فيه ...يعنى هي الأسعار ممكن تنزل وللا حتعلى
إنت إيه رأيك فى بيكانتو ؟ |
رد: إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000
ان راى انك تستنا شوية ممكن الاسعار ترخص او تلاقى عروض على رمضان
او اشترى التو عربية جميلةكدة كدة انت حتخسر فى الجديد لو مش عايز تخسر هات المستعمل بس استحمل الى ممكن يحصلك |
رد: إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000
بص ياباشا انا كان معايا التو 2006 اهم عيوب العربية دة العفشة ناشفة وقطع الغيار حتلاقيها بره التوكيل بطلوع الروح غير كده العربية كويسة فمابالك عن قطع الغيار بتاعو 2009
والعيب العام لكل العربيات الصغيرة الحجم العفشة بتبقى ناشفة بالمقارنة بباقى العربيات الاكبر بحكم صغر المساعد واليايات وكل حاجة من تحت البيكانتو الافضل عربية كورى لتوكيل محترم وضمان 5 سنوات او 100.000 كم وانا شخصيا بحب الاسبيرانزا A113 عربية شكلها حلو و1300 سى سى وانتشرت وفيها كل الامكانيات والاوبشنز وABS &EBD الاى 10 سعرها مبالغ فيه مع الاعتبار انها مش وحشة طبعا الاسبارك ماانتشرتش جامد ليه مش عارف بسهى الجديد من موديل الدايو ماتيز برغم توكيل منصور قوى طبعا |
رد: إستشارة عاجلة :أشترى سوزوكى ألتو 2009 وللا أجيب حاجة 2010 المهم ماتزيدش عن 50000
اشترى فيرنا 2008 هاتكون ب
50 000 |
| الساعة الآن 03:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017