عايز ازبط f124
 

انا عندى فيات 124 عاوز ازبطها من حيث العفشة والثبات ومش عايزها تعطل منى فى مشاويرى وتبطل وكدة يعنى وياريت حد يقولى التكاليف

رد: عايز ازبط f124
 

ممكن حضرتك تقول الميزانيه اللي حضرتك حاططها لتطوير العربيه

رد: عايز ازبط f124
 

انا عايزانت تقولى اعمل فيها اية وانا الميزانية 5000

رد: عايز ازبط f124
 

من رأيي تجيب عفشه كامله جديده مساعدين ويايات و خزنه دركسيون و بيض و مقصات
كده العربيه حتضبط في مشيها كتير
بعدين بالنسبه للموتور لو الموتور تعبان يبقي تشتري موتور 131 واحد كامه 1400 او 1600 كامه علويه موديل تمانينات
و بكده تبقي نسيت العربيه لفتره من الزمن
لكن انا افضل شراء العبد ولا تربيته
يعني لو عربيتك حتجيب 10 الاف مثلا و انت تقدر تتصرف في عشره الاف كمان
ممكن تجيب لادا موديل 95 نضيف و لسه حالتها نضيفه افضل من انك تصرف علي عربيه موديل سبعينات
انا مش بنقص من قدر العربيه لا سمح الله
بالعكس الفيات 124 كان لها شنه و رنه
لكن انا بستحرم اصرف فلوس علي عربيه بتفتح بوقها للمصاريف و بعدين ابيع بخساره

رد: عايز ازبط f124
 

معلش انا اسمع ان اللادا موتورو مش حلو او مش ناعم على الطريق وتقيل

رد: عايز ازبط f124
 

من جهه اخري اللادا موديلاتها اعلي و منها عربيات كتير بحالات كويسه و انتاجها ممتد الي هذا العام مما يضمن
توافر قطع الغيار سواء جديده او مستعمله لفترات طويله من الزمن
بعكس ال 124

رد: عايز ازبط f124
 

بص انا معايا عربيه قديمه لو العربيه موتورها كويس و كفاته كويسه انت كل اللي هاتعمله تجيب طقم سرفيس 4 بوجيهات و ابلتين و كوندنسر و بوبينه الكتروني جديده دول هايبقوا جوالي 150 جنيه

و تطمن علي الردياتير علشان السخزنيه و العربيه ماتسخانش و تعطل و طبعا زيت الموتور
بالنسبه للعفشه تشوف انت محاتج ايه و تجديد عفشه كامله مش بيعدي الف جنيه
بس اهم حاجه تكون المكانيكي كويس وامين