مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   كيا KIA (https://www.masrmotors.com/vb/forumdisplay.php?f=38)
-   -   توكيل كيا يمتنع عن صياتة الخليجي (https://www.masrmotors.com/vb/showthread.php?t=22879)

horas3000 27-03-2010 10:42 AM
توكيل كيا يمتنع عن صياتة الخليجي
 
ده صورة لاعلان نزل في ملحق الاهرام للسيارات

http://img404.imageshack.us/img404/1337/scan0001g.jpg
و زي ما انتم شايفين قايلين انهم غير مسؤلين عن ضمان و خدمة هذة السيارات
يا تري ايه موقف ملاك الخليجي من ده
و هل ده اصلا من حق التوكيل

hazem_khidr 28-03-2010 02:46 AM
رد: توكيل كيا يمتنع عن صياتة الخليجي
 
هو في مصر دا من حق التوكيل و ما عرفش ليه
ماهي كلها عربيات كيا و الضمان اساسا من كيا و بتدفع تمن قطع الغيار
مافيش غير تويوتا فقط بتسمح بصيانه السيارات الخليجي حاليا لكن طبعا باسعار اعلي
و لو عاوز ضمان تشتري ضمان من عندهم!!

horas3000 28-03-2010 01:14 PM
رد: توكيل كيا يمتنع عن صياتة الخليجي
 
اقتباس:
المشاركة الأصلية كتبت بواسطة hazem_khidr (المشاركة 156564)
هو في مصر دا من حق التوكيل و ما عرفش ليه
ماهي كلها عربيات كيا و الضمان اساسا من كيا و بتدفع تمن قطع الغيار
مافيش غير تويوتا فقط بتسمح بصيانه السيارات الخليجي حاليا لكن طبعا باسعار اعلي
و لو عاوز ضمان تشتري ضمان من عندهم!!
ما لو ده من حق الوكيل يبقي لازم نعرف الشركات الام التوكيلات بتاعتها بتعمل ايه
طوابير للحجز و اسعار مبالغ فيها مقابل كماليات اقل

اعتقد ان حماية المستهلك او وزارة التجارة مش فاكر انهي الزمت كل التوكيلات بصيانة العربيات التابعة لها حتي لو مش من استيرادها و ليهم الحق في طلب 2 % من سعر العربية في التوكيل نظير الصيانة زي ال 7000 جنية بتوع سكودا كده.
توكيل تويوتا من اكبر التوكيلات اللي مانعة دخول الخليجي و انا شخصيا عانيت معاهم لما كان معايا كرولا خليجي و كنت بعملها صيانة برة. اعتقد انك قصدك توكيل ميتسوبيشي لانهم بيحملوا 25% زيادة علي قطع الغيار و المصنعية .

Ahmed_lol2007 28-03-2010 01:25 PM
رد: توكيل كيا يمتنع عن صياتة الخليجي
 
لا حول وقوة الا بالله العلى العظيم طب اللى معاه خليجى يعمل فيها ايه
والله الناس دى بتستهبل وربنا يرحمنا جشع التجار دة

m_o_sakr 28-03-2010 03:26 PM
رد: توكيل كيا يمتنع عن صياتة الخليجي
 
هو من حق الوكيل انه ميضمنش عربيه مش هو الى بايعها علشان مكسبش فيها و من حقه بردو يقولك الصيانه مش عندى علشان هو بيعمل مراكز خدمه و صيانه و يدرب عمال و يعمل مخازن قطع غيار بناء على عدد العربيات الى بيبيعها هو و دى كلها اثتثمارات و صاحب العربيه الى من الوكيل دافع فيها جزء من تمن العربيه!!!!
بس حتى الأن كل عربيات كيا حتى الخليجى بتعمل الصيانه فى الوكيل بس بيزودو نسبه على المصنعيات و/او قطع الغيار, و لكن من المتوقع قريباً يمنعو دخول العربيات الخليجى مراكز الخدمه الخاصه بالوكيل فقط و لبس كل مراكز الخدمه المعتمده نظراً للزحام الشديد و انتشار العربيه

horas3000 28-03-2010 03:36 PM
رد: توكيل كيا يمتنع عن صياتة الخليجي
 
لو علي الضمان يبقي من حقة فعلا
لكن الصيانة لا هو وكيل الماركة دي و ملزم يستقبل اي عربية من نفس الماركة و هو ده السبب في تدريب عمالة في الاساس
و لو علي قطع الغيار مهو كده كده بيكسب فيهم و هو اكبر مورد ليهم في البلد بحكم انه الوكيل يعني برضة مصلحة
و بعدين هو حر في فرض اي رسوم علي العربيات الغير مستوردة من قبله لكن يرفض استقبالهم تماما لا

و بعدين هو في ايده يمنع الحوار ده كله بانة يستغني عن القليل من هامش ربحة المبالغ فيه اصلا و انه يجيب العربيات بنفس كماليات الخليجي و بنفس اسعارهم او اعلي حاجة بسيطة و انه يوفر العربية بكميات كافيه و بسعر محدد و يبديش مصلحة الموزعين علي المستهلك

بكده محدش هيشتري الخليجي من اساسة و باب استيرادهم هيتقفل لوحده الا طبعا للناس العاملين بالخارج و اللي بينزلوا بعربياتهم و ده قصة تانية

m_o_sakr 28-03-2010 03:58 PM
رد: توكيل كيا يمتنع عن صياتة الخليجي
 
اقتباس:
المشاركة الأصلية كتبت بواسطة horas3000 (المشاركة 156747)
لو علي الضمان يبقي من حقة فعلا
لكن الصيانة لا هو وكيل الماركة دي و ملزم يستقبل اي عربية من نفس الماركة و هو ده السبب في تدريب عمالة في الاساس
و لو علي قطع الغيار مهو كده كده بيكسب فيهم و هو اكبر مورد ليهم في البلد بحكم انه الوكيل يعني برضة مصلحة
و بعدين هو حر في فرض اي رسوم علي العربيات الغير مستوردة من قبله لكن يرفض استقبالهم تماما لا

و بعدين هو في ايده يمنع الحوار ده كله بانة يستغني عن القليل من هامش ربحة المبالغ فيه اصلا و انه يجيب العربيات بنفس كماليات الخليجي و بنفس اسعارهم او اعلي حاجة بسيطة و انه يوفر العربية بكميات كافيه و بسعر محدد و يبديش مصلحة الموزعين علي المستهلك

بكده محدش هيشتري الخليجي من اساسة و باب استيرادهم هيتقفل لوحده الا طبعا للناس العاملين بالخارج و اللي بينزلوا بعربياتهم و ده قصة تانية
حضرتك انا قلت انه حتى الأن كل العربيات الكيا حتى الخليجى بتعمل صيانتها فى التوكيل ولو اتمنعت مش حتتمنع من مراكز الخدمه المعتمده من الوكيل, و بعدين حضرتك قطع الغيار الى فى المخازن دى اثتثمارات بمءات الملايين مش موضوع سهل و على فكره العربيه الكيا من العربيات القليله جداً الى الوكيل منزلها تقريباً بنفس كماليات الخليجى, يعنى فروق بسيطه جداً و سعرها مش اغلى كتير من الخليجى!!
اما موضوع انه يوفر العربيه و يتحكم فى سعرها مع الموزعين بتوعو انا متفق معاك فيه 100%


الساعة الآن 05:36 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017