مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

- - اجيب C4 ولا بلاش (https://www.masrmotors.com/vb/showthread.php?t=22834)

اجيب C4 ولا بلاش

ازيكم يا شباب

انا بفكر فى السى4 و كنت عاوز رائيكم

فى حاجات مقلق منها

1- قطع الغيار انا عارف انها غالية بس ياترى معمرة ولا لأ؟؟

2- الصيانة بتاعتها برة التوكيل غالية ولا ايه نظامها

3-اعطال الكمبيوتر كتيرة ولا ايه ؟؟

4- فى حد شغال فى الكمبيوتر بتاعها ولا هبقى تحت رحمة التوكيل؟؟

5-اانا ناوى على مانوال ان شاء الله لو فى حد عندوا تعقيب يبقى كتر الف خيره

رد: اجيب C4 ولا بلاش

انت ممكن تسال الدكتور ايمن عبد الرازق ابعتله علي الخاص وهو هيرد عليك لانه معاه واحدة c4 وبيتابع الصيانة مع واحد ممتاز في الحرفيين هو عضو معانا في المنتدي

رد: اجيب C4 ولا بلاش

السيتراوين عربية جميلة جدا بس شرط الحالة لان الفرنسي عمتا بيكون الكمبيوتر هوه اللي متحكم في العربية ولازم قبل ما تشتريها تخدها علي اقرب مركز صيانة سيتراوين وتعرف حالتها بجد علشان العربية ديه بالذات الكمبيوتر هوه المتحكم الرئيسي فيها وتقبل تحياتي

رد: اجيب C4 ولا بلاش

السيتراوين عربية جميلة جدا وجامده تتحدي اي عربيه على الشارع . فقط بيجو لانهم اخوه.!!
بس المشكل ما يفهمولها و بيقولو بيفهمو.
الكهربائي بيخرب بيها ما يعمر .
اي مشكله في الكهرباء افحص على الكمبيوتر لتشخيص العطل وان شاء الله لا تحدث اي مشاكل .اما الاعطال قليله اذا ابتعت على كلشي قلته لك.
تحياتي

رد: اجيب C4 ولا بلاش

و الله يا جماعة انا شاكر لردكم و اهتمامكم بعد ان فقدت الامل

رد: اجيب C4 ولا بلاش

شوف حضرتك انا كنت املك سياره ستروين من طراز اكسارا II موديل 2003 وتقريبا هى نفس مكونات السياره C4 من حيث الموتور والعفشه والفتيس... وتعلمت شئ هام جدا هو انك عندما تحب تشترى مثل هذه السيارات يجب ان تقوم بفحصها والتحرى وبدقه متناهيه عن اماكن صيانتها من مالكها السابق والتأكد تماما بان الصيانه كانت تتم عند متخصصين (توكيل -مراكز خدمه معتمده- او اشخاص بروفيشنال وذوى خبره قويه فى صيانة مثل هذه السيارات) وفحصها والتأكد ان السياره ليس بها اى عيوب فى كل من:
1-الفتيس
2- الكنترول الخاص بها ECU
3- الـ PSI
ويتم الاطلاع على مستندات وفواتير الصيانه ان امكن وذلك للأطمئنان .

اما من حيث قطع الغيار (السيراتو اغلى منها) ومتاحه جدا وكل حاجه فيها موجوده جديده ومستعمله والقطع الميكانيكيه والعفشه وما الى ذلك تكون غالبا معمره جدا.

بالنسبه لمشاكلها معايا معنديش غير مشكله واحده ان الكاسيت بتاعها audio وكنت عاوز يبقى mp3

اما من حيث الصنايعيه اللى بيشتغلوا فيها
هتحتاج كهربائى كويس جدا وكان شغال فى التوكيل قريب موجود
هتحتاج ميكانيكى وبرضه موجود
هتحتاج حد يشتغلك فى الكنترول وبرضه موجود

اهم من ده كله انك تقع على سياره سليمه وتكمل معاها هتريحك غيركده انسى
ويارب اكون افدتك

رد: اجيب C4 ولا بلاش

اقتباس:

المشاركة الأصلية كتبت بواسطة ayman abdelrazek (المشاركة 164365)

الف شكر على اهتمام حضرتك

بس يعنى ايه PSI و وظيفته ايه ؟