مصر موتورز مجتمع السيارات - ارجو الافادة للاهمية وشكرا

صفحة 1 من 2

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

- - ارجو الافادة للاهمية وشكرا (https://www.masrmotors.com/vb/showthread.php?t=22595)

عبد الغنى

22-03-2010 04:22 PM

ارجو الافادة للاهمية وشكرا

السلام عليكم

ارجو الافادة للاهمية

امامى عربية اوبل استرا 2005 عاملة 70 الف كيلو فبريكة برة وجوة على 64 الف ؟؟ هل السعر دة مناسب واذا كان غالى اية سعرها العادل

واية رايكم فيها كعربيبة واسعار قطع غيارها مناسبة لا حريقة ؟ ومعدل استهلاك البنزين فى حدود كام كيلو فى 20 لتر ؟؟

وشكرا جزيل لكم

corsair

22-03-2010 05:00 PM

رد: ارجو الافادة للاهمية وشكرا

طبعا مفيش علي الاوبل الالماني بردك وبالنسبة لسعرها كويس جدا بس لو تعرف تظبطها علي 60000 الف تبقي انتا كدا 10/10 بس مشكلة قطع الغيار غالية نار بس معمرة وبالنسبة للبنزين موفرة جدا وبتعمل 7 لتر لكل 100 كيلو في المناطق المفتوحة وعلي سرعة ثابتة وبتعمل 9 لتر لكل 100 كيلو داخل المدن وطبعا الاوبل ممتازة وربنا يوفقك في شرائها بس نصيحة وديها عند سمكري معرفة وتكون ضامنه زي اسمك وتخليه يكشفلك علي العربية بالكامل وتوديها عند ميكانيكي يشوفلك اخبار الميكانيكا في العربية عاملة ايه والافضل انك توديها التوكيل يكشفولك عليها

عبد الغنى

22-03-2010 05:08 PM

رد: ارجو الافادة للاهمية وشكرا

ربنا يكرمك متشكر جدا جدا

Bendary

22-03-2010 05:14 PM

رد: ارجو الافادة للاهمية وشكرا

شوف يا استاذ عبدالغنى
انا معرفش اوى فى اسعار الاوبل
لكن كموديل طبعا الاوبل سيارة مشهود لها بالنجاح فى السوق المصرى لكل موديلاتها : فيكترا - استرا - كورسا
بالرغم من ارتفاع اسعار قطع غيارها جدا الا ان قطع الغيار الاصلى تعييييييش معاك .
بس خد بالك ان الاسترا فى منها نوعين : 1600 cc ودى تجميع محلى (منصور ) & و 1100 cc ودى بقى المانى اصلى
فلو العربيه اللى قدامك من النوع التانى 1100 المانى يبقى لا تتردد فى شرائها بعد ما تسال عن سعرها
مش معنى كلامى ان ال 1600 وحشة - لكن 1100 اكيد موفرة اكتر فى البنزين الى جانب انها تقفيل بلدها

وربنا يوفقك .

luckyman

22-03-2010 05:20 PM

رد: ارجو الافادة للاهمية وشكرا

عزيزى عربية بالحاله دى والسعر دة معناها كويس جدا مش كتير لان اى عربية تصرف عليها طالما اساسيات العربية كويس ومن عداد اليكلومتراج محدود جدا معناها استخدام بيتى راقى بس اـاكد من حالتها تانى وعى فكرة معظم الملاك الاوائل للسيارات دى بيكونوا بيستخدموها بنظافها جدا ووعى مبروك مقدما بس مع احترامى لكلام الاخ بندارى بلاش 1100 وهى اساسا مش موجودة 2005 لان مع التحميل والتكييف حتحس بالفرق الشاسع والمحرك ديما حيكون مجهد لان سعتة محدودة والعربية مش صغيرة
ملاحظة 1100 دة اول ما نزلت الاسترا يمكن اكتر من 10 سنين مضت
خالص شكرى وتحياتى ودمت بود

Bendary

22-03-2010 05:27 PM

رد: ارجو الافادة للاهمية وشكرا

اقتباس:

المشاركة الأصلية كتبت بواسطة luckyman (المشاركة 153669)

بس مع احترامى لكلام الاخ بندارى بلاش 1100 وهى اساسا مش موجودة 2005 لان مع التحميل والتكييف حتحس بالفرق الشاسع والمحرك ديما حيكون مجهد لان سعتة محدودة والعربية مش صغيرة
ملاحظة 1100 دة اول ما نزلت الاسترا يمكن اكتر من 10 سنين مضت
خالص شكرى وتحياتى ودمت بود

ملاحظة جديرة بالاحترام ومنطقيا معاك حق فيها
لكن مش معقول الألمان هيعملوا عربيه 1100 بدون مراعاة لهذه الجزئية .
بصراحة انا معرفش بالظبط الاسترا موديلها سنه كام
لكن هذا ما اعرفه من صديق عزيز معاه ال 1100 وبيشكر فيها جداجدا .

عبد الغنى

22-03-2010 05:35 PM

رد: ارجو الافادة للاهمية وشكرا

متشكر جدا لكم جميعا لاهتمامكم ، معلش مرة تانية ، العربية فول اوبشن اتنوماتيك ، سعة 1600 سى سى ، بس فية ناس بتقلى بلاش الالمانى خليك فى النوبيرا او فيرنا ، اعتقد كلامهم مبنى على اساس سعر اعدة البيع وقطع الغيار ، فية حد ممكن يفيدنى فى سعر اعادة بيع الاول استرا موديل 2005 جميع الكماليات كويس ولا وحش

وشكرا لاهتمامكم

الساعة الآن 12:00 PM.

صفحة 1 من 2

عرض 7 مشاركات من هذا الموضوع لكل صفحة