|
عاوز اشتري بروتون فماذا تنصحوبي باي فئة
السلام عليكم ورحمة الله وبركاته ،،، أخواني أريد منكم النصحية لمن له خبرة في بروتون بماذا تنصوحني باي فئة من موديلات بروتون علما بأني أريدها اتوماتيك وهل الاتوماتيك افضل من العادي قوة 1600 سي سي يا ريت منكم الرد لمن له خبرة ما هو افضل موزع استلامها في نفس اليوم وهل قطع غيارها متوفرة وهل يوجد تقسيط لو هدفع 40 الف والسعر لا يزيد عن 85 الف والف شكر وجزاكم الله خيرا |
رد: عاوز اشتري بروتون فماذا تنصحوبي باي فئة
اقتباس:
بما انك عاوزها 1600 سى سى او مافوق يبقى نستبعد الساجا ويتبقى الجين 2 والبيرسونا والواجا الاكثر انتشار الجين 2 وبالتالى قطع العيار اسهل وسعر اعادة البيع افضل وفى رائ الشخصى الافضل شكلا (اذواق) الواجا عربية حلوة بس مش منتشرة عائلية قطع غيارها مش حتلاقيها بسهولة بره التوكيل البيرسونا لسه جديدة تعتبر السيدان من الجين 2 نفس المحرك وتقريبا نفس الاماكانيات اما فى حدود المبلغ المذكور ممكن تجيب الجين 2 المانيول والبيرسونا مانيول واتوماتيم والواجا مانيول وانا فى راى الشخصى اجين 2 الافضل |
رد: عاوز اشتري بروتون فماذا تنصحوبي باي فئة
ألف شكر يا استاذ بد على الرد الجميل وكنت عاوز اعرف من حضرتك ايه الافضل العادي ولاه المانول وانا قدامي التيجو 1600 أو جين 2 ويا ريت تفدني اكثر وجزاك الله خير وربنا يحفظك |
رد: عاوز اشتري بروتون فماذا تنصحوبي باي فئة
ألف شكر يا استاذ بدر على الرد الجميل وكنت عاوز اعرف من حضرتك ايه الافضل العادي ولاه المانول وانا قدامي التيجو 1600 أو جين 2 ويا ريت تفدني اكثر وجزاك الله خير وربنا يحفظك |
رد: عاوز اشتري بروتون فماذا تنصحوبي باي فئة
اقتباس:
العفو ياباشا انت تامر وبالنسبة للمانيول والاتوماتيك دى عملية نسبية فلو انت بتسوق جديد ولسه متعلم يبقى الاتوماتيك وريح دماغك لو انت بتسافر كتير وطبيعة شغلك بتعتمد على الصفر يبقى المانيول عادى لكن لو انت بتلف فى الزحمة كتير وجوه البلد يبقى الاتوماتيك من الاخر الاتوماتيك نزل بعد المانيول فى العربيات يعنى حاجة اريح ليه تتعب نفسك الالو كنت بتحب الجرى والحرق يبقى المانيول غير كده الاتواماتيك بالنسبة للتيجو العربية حلوة وعجبانى انا شخصيا بس العربية مش مجربة لفترة طويلة فى السوق المصرى يعنى قدرة احتمالها بعد 5 سنوات استخام غير مختبرة وده مايهيبش العربية خالص بس حيحيط فى موقف التجربة وبصراحة 85 الف مش مبلغ حتجرب فيه والمشكلة ان كل اللى جابها منقسمين بين انها عربية تحفة وتجنن وانها سيئة للغاية وده مخلينى انا شخصيا متحير بخصوص العربية دى لكن المضمون الجين 2 متجربة وموثوق فيها ومعروف عيوبها لذا فى افضل من التيجو ولو فى اى حاجة انا تحت امرك |
رد: عاوز اشتري بروتون فماذا تنصحوبي باي فئة
ربنا يخليك يا استاذ بدر على المجهود الجميل اللى بتعملو معايا عاوز اقلوك حاجة ان اتصلت بوكيل في ابو رواش عز العرب وسالتهم هم برسونا اوتو قالي 97000 ليه مش عارف الجشع ده وعلى فكرة العربيات غالية جدا في مصر يعني في دول الخليج الكورولا بتدأ من 45 الف شوف بقى الفرق كام وكمان الكمري تبدا من 67 الف في حين الكورلا في مصر 130 الف والكمري 600 الف ده والله حرام المهم انا قررت هتشري الصيني أو الماليزي اما اي ماركة تاني لا علشان المبالغة في السعر والصيني سمعت عنه انه كويس وكمان اسعاره مفيش زيادة ام بروتون زادة علشان كدة عاوزك تنصنحي باي بالضبط وربنا يحفظك |
رد: عاوز اشتري بروتون فماذا تنصحوبي باي فئة
اقتباس:
لا يافندم البيرسونا الاوتو بـ 91900 المانيوال بــ 85900 والجين الاوتو بــ 90900 المانيوال بــ 84900 حضرتك كلمت مين فى الصحراوى وقالك كده ؟؟؟؟ ولو فى اى استفسار عن البيرسونا ... انا تحت امرك فى اى وقت تحيــــــــــــــاتــــى |
| الساعة الآن 04:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017