|
بروتون جين 2 ولا نيسان صني ولا جراند بونتو 2010
ارجوكوا حد يفيدني يا جماعة انا عايز اشتري عربية في حدود من 80 ل 90 الف اتوماتيك ودي هتكون اول عربية ليا ان شاء الله ويهمني الامان والثبات ومتانة العربية قبل اي حاجة لاني مش ناوي اغير بسرعة
وهل هم دول افضل 3 اختيارات في الفئة دي ولا في حاجة تانية افضل |
رد: بروتون جين 2 ولا نيسان صني ولا جراند بونتو 2010
اقتباس:
من الناحية الموتور الجين2 1600 سى سى ويولد قوة قدرها 110 حصان النيسان 1600 سى سى 118 حصان الجراندبونتو 1400 سى سى تولد 77 حصان واعتقد ان ال3 الاتوماتيك بتاعهم ماحدش اشتكى منه بس 1400 مع الاتوماتيك مش افضل اوتوازى 1600 سى سى بالذات فى السفر مع اوزان وشنط مع التكييف الجين 2 ماليزى تقفيل ماليزى من متوسط لمقبول النيسان يابانى تقفيل مصرى مقبول الجراند بونتو ايطالى تقفيل ايطالى افضلهم قطع الغيار بيتهيالى ال3 ش رخاص لدرجة بس اعتقد ان الجين 2 ارخصهم يليها النيسان يليها الفيات من حيث الصالون النيسان تتربع يليها الجين2 يليها الفيات(والاختيار على حسب حاجات للعربية) من حيث سعراعادة البيع النيسان ثم الجين2 واخيرا الفيات |
رد: بروتون جين 2 ولا نيسان صني ولا جراند بونتو 2010
السلام عليكم
لايا بوب متنساش ان الالنترا سعرها نزل وهى احسن عربيه اقل من الميه بس لو عاوز رأى فى التلات عربيات دول الصنى عربيه زباله شكل موجود من 2002 مع اختلاف اشياء قليله الصالون ضيق خامات الطابلوة زباله وزى الزفت وسئ تقفيل اى كلام وكيل غبر محترم ثبات وقوة ... كان زمان يا نيسان الجين 2 شكلها حلو وصالونها واسع وتقفيلها كويس وثباتها جيد واختيار جيد بعد الالنترا جراند بونتو عربيه كويسه بس قطع غيار غاليه وتقريبا لاتوجد خارج التوكيل الترتيب 1 الالنترا 2 جين 2 3 جراند بونتو 4 ....... 5..... 6..... 1119 النيسان صنى وعن تجربه |
رد: بروتون جين 2 ولا نيسان صني ولا جراند بونتو 2010
طبعا الجراند بونتو ملهاش حل بس مشكلتها ان قطع غيرها في التوكيل فقط
|
رد: بروتون جين 2 ولا نيسان صني ولا جراند بونتو 2010
اقتباس:
اقتباس:
الامان والثبات ومتانة نيسان صنى بجدارة افضل اختيار بعد الاستخارة |
رد: بروتون جين 2 ولا نيسان صني ولا جراند بونتو 2010
خليك فى الجين تو سيياره ناجحه
ولو مش عاوزها هات النترا نيسان صنى اوبترا لكن سيبك من فيات بكل موديلاتها |
رد: بروتون جين 2 ولا نيسان صني ولا جراند بونتو 2010
يا جماعة بجد اللي انتوا عاملينه ده شئ جميل اوي ,,, توهتوا الراجل ما شاء الله ...
واحدمش عجباه الصني و بيقول عن تجربة و التاني بعده علي طول يقوله الصني افضل بعد الاستخارة ,,,, و اخيرا رأي الاستاذ خالد خليك في الجين و يليها الانترا و نيسان صني و اوبترا و سيبك من الفيات ,,, يا جماعة مش لازم نقول الاسباب ... و اسباب يقدر صاحب الموضوع يشوفها بعينه ,,, و الا نبقي بنقول اراء شخصية ,,, شكرا ليكم طبعا علي المساعدة و انا اسف انا ما اقصدش اضايق حد ,,, بس للحظة حسيت ان الموضوع شكله غريب جدا ... انا هقول اللي اعرفه ,,, الجين تو ,,, عربية عملت لنفسها اسم من غير دعايا , موتور كويس و ثبات كويس امان اختبارات الامان الاوروبية لم تجري علي العربية دي بالتالي مش هقدر احكم , بص صاجها ناشف شوية عن عربيات تانية ( و الصاح الناشف مش دليل ان العربية آمنة ) مميزاتها الموتور القوي و شكل الكويس العيوب , التقفيل الداخلي الخامات مش كويسة و ده واضح للعين و كمان الوان الزاراير و مقبض تغير الحركة لونه بيقشر رقم اتنين الوكيل بيستعبط شوية في المصنعيات بس قطع غيرها متوفرة في شارع دمشق الخيار التاني النيسان الصني ,,, مش هقدر اتكلم بصراحة عنها خالص لاني ما اعرفش عنها كتير الخبار التالت ,,, الجراند بونتو ,,, اول حاجة الاوتوماتيك منها بيبدأ بسعر 98 الف مش 90 الف ,,, المميزات , امان 5 نجوم في اختبارات الامان الاوروبية , ثبات مميز , خامات التقفيل ممتازة و تشعر بفخامة بمجرد دخولك للسيارة ( علي الاقل بالمقارنة بكتير عربيات تانية قريبة منها في السعر و اعلي شوية ) استهلاك بنزين اكيد اقل , بس في المقابل اقل شوية في الاداء الرياضي بس مش معني كده انها ما بتجريش ,,, هي تجميعها ما بيبقاش حلو في الغيار الاول و بيبقي افضل كتير في الباقي و الموضوع ده بيتظبط بعد اول 5000 كيلو ( نقلا عن كلام احد التقارير عن السيارة من مالك لها ) شنطة العربية تعتبر من اوسع العربيات الهاتشباك ,,, 300 لتر اللي اعرفه عن الجراند بونتو ان التكييف علي دينامو خاص ما فهمتش اوي بصراحة بس اللي فهمته انه افضل علشان الموتور و التأثير اثناء التشغيل , بصراحة متناهية ,,, مش شايف للجراند عيوب و قطع غيارها مش غالية اطلاقا ( بالنسبة للاوروبى ) و تعتبر من ارخص الاوروبى و حضرتك اسأل بنفسك بجد في الموضوع ده لان كتير اوي الناس تقول الاوروبى قطع غياره غالية ,,, اسأل الوكيل عن قطع الغيار او حاول تشوف قطع غيار اختها اللينيا هتلاقي انها كويسة جدا بالنسبة لعربية اوروبى ,,, اخيرا و قبل ما امشي ,,, هفولك ان الجراند افضل و يليها الجين تو بس عايزة محافظة عليها من الداخل و عناية ,,, و مش هتكلم عن الصني لسببين الاول هو اني ما اعرفش عنها كتير بس هي ما فيهاش ABS زي العربيتين التانيين اللي في المقارنة ,,, و ده بيقلل من امانها |
| الساعة الآن 07:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017