وضوع إسمه الأيدل ليرن جاب معايه نتيجة عكسية
السلام عليكم أنا العربية قطعت كهرباء مرة ثم رجعت تاني "مش ديه المشكلة" قلت يمكن البطارية فقمت بتثبيتها كويس ومعملتش الحركة ديه تاني المهم أنا كنت قرأة عن موضوع إسمه الأيدل ليرن علاشان يظبط حاجة إسمها إيدل كنترول بتتعمل لما البطارية بتتفك المهم عملتها وبعدين جابت نتيجة عكسية العربية أصبحت أبطأ في الدوارة حتى لو العربية سخنة وصت الماتور علي سنة والماتور بقه بيتهز لما أبطل الكونتكت أرجو أن تنصحوني ماذا أفعل العربية دايو لانوس 99 عاملة 94 ألف كيلو مافيش ماشكل في العربية أخرى غير الحكاية ديه |
رد: وضوع إسمه الأيدل ليرن جاب معايه نتيجة عكسية
لازم تنضف الأيدل الأول و البوابه
|
رد: وضوع إسمه الأيدل ليرن جاب معايه نتيجة عكسية
انا مش متاكد انت عملت ال idle learn ازاى لكن جرب اعمله تانى
1- يفضل تكون العربية باردة 2- افصل البطارية لمدة 10 ثوانى على الاقل ( يكفى فصل الطرف السالب ) 3- وصل البطارية 4- افتح الكونتاكت على الوضع on بدون ادارة المتور لمدة 5 ثوانى 5- الكنتاكت off لمدة 5 ثوانى 6- الكنتاكت on لمدة 5 ثوانى ثم قم بادارة السيارة ( على الوضع p لو الفتيس اتوماتيك ) 7- انتظر حتى تصل السيارة لدرجة حرارة التشغيل الطبيعية ( و ذلك عندما تعمل المروحة و قد يمر من 10 الى 15 دقيقة للوصول لهذه الحرارة ) 8- قم بتشغيل التكييف لمدة 10 ثوانى ( لو بها تكييف) 9- افصل التكييف لمدة 10 ثوانى ( لو بها تكييف) 10- لو السيارة فتييس اوتوماتيك امسك فرامل اليد ثم اضغط على الفرامل و ضع الفتييس على وضع d 11- قم بتشغيل التكييف لمدة 10 ثوانى ( لو بها تكييف) 12- افصل التكييف لمدة 10 ثوانى ( لو بها تكييف) 13- بطل الماتور و بهذا تنتهى عملية التعليم جرب و قول لى و انشاء الله خير |
رد: وضوع إسمه الأيدل ليرن جاب معايه نتيجة عكسية
إن شاء الله وليس..... جزاك الله خير موضوع جامد الإيدل ليرن
|
رد: وضوع إسمه الأيدل ليرن جاب معايه نتيجة عكسية
استاذ احمد ايه الايدل ليرن وايه فايدته ؟
|
رد: وضوع إسمه الأيدل ليرن جاب معايه نتيجة عكسية
ده تقريبا مالوش لازمة الا فى حالات نادرة
لان لو البطارية اتفصلت لمدة تزيد عن عشرة ثوانى فبيتمسح من كميوتر العربية خطوات التعامل مع صمام ضبط هواء السلانسيه IDLE AIR CONTROL VALVE لان كميوتر العربية هو الى بيحدد حركات الصمام (تقريبا حاجة و خمسين وضع للصمام) بناءا على الاتى 1- درجة حرارة المياه (يعنى زى الشفاط ايام زمان ) و انت بتسخن بيقبى قافل الهواء علشان يعلى نسبة البنزين الى الهواء و بعد ما العربية تسخن بالتدريج الصمام بيفتح حتة حتة من خلال الكمبيوتر الى بيعرف من خلال الثرموستات الكهرباء الى راكب على يمين البلوك تحت الكويل 2- لو شغلت التكييف المفروض لو مافيش تحكم فى الصمام ده العربية حتبطل على السلانسيه لكن الكميوتر لما يحس ان التكييف اشتغل (من خلال حساس ضغط الفريون) علاطول يحرك الصمام علشان يحافظ على RPM السلانسيه و العربية متبطلش 3- اثناء التغيير ما بين النقلات ( يعنى لما تدوس دبرياج ) الصمام ده بيحافظ على الRPM انها متقلش علشان العربية متبطلش 4- التوقف السريع تلاقى برضه الصمام ده معلى ال RPM شوية يديك فرصة لو حتمشى تانى تبقى سهل تطلع و لو طولت شوية فى الوقوف بيرجع ال RPM طبيعى تانى 5- و يمكن ليه حاجات تانية انا مش عارفها دلوقتى المهم الطبيعى ان الكمبيوتر عارف فلما بتفصل البطارية و تيجى توصلها تانى بعد مدة (10 ثوانى فاكثر) الكميوتر بينسى كل حاجة عن التحكم فى الصمام ده فتعمل الخطوات دى علشان يتعلم IDLE LEARN بس ممكن تمشى بالعربية من غير ما تعملها و تلاقى العربية مبرجسة كام يوم (او اقل من يوم لو مشييت و بطلت كتير) و تظبط لوحدها بعد كدة (يعنى بالبلدى اتعلمت لوحدها من تجارب الحياة من غير ما حد يعلمها) و الى عايزها ما تبرجس معاه الكام مرة دول يعلمها هوا بالطريقة دى و فى النهاية مفيش ضرر من عدم عملها |
رد: وضوع إسمه الأيدل ليرن جاب معايه نتيجة عكسية
اقتباس:
بالمناسبة هل حضرتك مهندس |
الساعة الآن 11:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017