|
رأى فى الساجا واللوجان وطلب نصيحه
فى البدايه انا ما سقتش أى عربيه منهم بي كلامى هيكون على الللى أنا شفته فعلا
1. شكل البروتون بيوحى انها عربيه صغيره على عكس الواقع من جوه العربيه, اللوجان شكلها واسع وهى فعلا واسعه جداً . 2. تنجيد الكراسى حلو فى الاثنين . 3. التبلو فى الساجا زباله بس مش زفت زى ما انا كنت متخيل اللى صمم العربيه زود قوى فى استخدام البلاستك السيئ بس استخدم برده بلاستك من المستخدم فى الافيو , اللوجان تبلو عادى مش فخم بس لو قورن بالساجا يبقى فخم 4. حد بص على المكان اللى بيخش مفتاح العربيه فيه (الكونتكت) هتحس انه من خامات رخيصه جدا. اللوجان عادى. 5. الابواب مستخدم فيها بلاستك زباله فى الساجا معقول فى اللوجان والحديده اللى بيمسك فيها باب الساجا زباله. 6. فتحات التكيف فى الساجا صغيره ومفاتيح التكيف صغيره تحس انها عربيه لعبه , اللوجان تكيفها مش مريح وسمعة تكيف الرينو زفت فى الاشارات عاوز اشترى واحده من الاثنين ومحتار جداً شكل اللوجان احلى واوسع بس ماتور الساجا اقل استهلاك للبنزين وبيعطى نفس الكفاءه فياريت كل واحد يرشح عربيه ويقول السبب بلاش يعرضلى المميزات والعيوب وبعدين يقلى اختار لا انا عاوز يختار عربيه ويقول ليه |
رد: رأى فى الساجا واللوجان وطلب نصيحه
انا بصراحة مع الساجا
اوتوماتيك Parking Sensor موتور 1300 سى سى بس بردو ادا جامد Air Bag for driver |
رد: رأى فى الساجا واللوجان وطلب نصيحه
انا هاررد عليك نقطه نقطه
1-فعلا شكل الساجا صغيره لكن من جوه واسعه جدااا ودى ميزه مش عيب طبعا 2-فعلا التنجيد كويس فى الاتنين 3-تابلوه الساجا كويس مش وحش اوى كده بل افضل من تابلوهات اللانوس والفيرنا واقل من اللوجان شويه 4-انا بصيت ومالحظتش الصراحه عادى يعنى على قد سعرها 5-لا عادى يعنى زى اللوجان 6-تكييف الساجا جامد جدا وماعرفش تكييف اللوجان الصراحه فعلا الموضوع محير جدا لكن ااكدلك ان الساجا افضل فى كل شىء عدا قطع الغيار اللى لسه مانعرفش عنها حاجه حتى الان موتور احدث واقوى واقل فى الاستهلاك كماليات ووسائل امان اكتر فتيس اوتوماتيك ميتسوبيشى تجميعه جامد جدا شكل افضل بمراحل فى رأيى ثبات افضل تقفيل افضل ولازم تجرب قيادة العربيتين عشان تحس بالفرق |
رد: رأى فى الساجا واللوجان وطلب نصيحه
يعنى الساجا عربية حلوة ولا وحشة
|
رد: رأى فى الساجا واللوجان وطلب نصيحه
الساجا احلي بكتير من اللواجان |
رد: رأى فى الساجا واللوجان وطلب نصيحه
الاختيار الرينو لوجان
الاسباب عربية واسعة من جوه تكفى 5 اشخاص بصورة جيدة عالية عن الارض ومطباتها كويسة خاماتها افضل (عشان اغلى من الساجا) منتشرة بصورة جيدة فحتلاقى قطع غيارها بره التوكيل سعر اعادة بيعها افضل من البرتون العربية واسعة من جوه ومن الشنطة كمان الموتور 1600 سى سى العيب الموتور قديم عالى عكس الساجا اللى موتورها 1300 سى سى بس برقبت اللوجان |
رد: رأى فى الساجا واللوجان وطلب نصيحه
فى مصر الناس بتركب العربيه الى بيضحك عليهم فيها وبتعجبهم كمان مثال او امثله
التويوتا كرولا 122 حصان اول منزلت الوكيل كتب وقال 142 حصان كداب طبعا والحقيقة بتتقال دلوقتى ووعندك الهوندا سيفك 120 حصان بس الوكيل بيقول 140 حصان مع العلم ان موقع هوندا بيقول ان 1800 هى الى 140 حصان والانسر الوكيل بيقول 122 وموقع الشركه الام بيقول ان الانسر 1600 بتخرج 98 حصان وحاجه تانيه انت عارف ان مفيش حاجه اسمها رينو لوجان فى فرنسا البلد الام للرينو انما اسمها هناك داتشيا لوجان تخيل ببيعو الدتشيا على انها رينو حاجه عاشرة انت عارف ايه العربيات الى اتسببت فى افلاس وبيع مصنع دايو للجنرال موتورز تخيل ايه لانوس ونوبيرا انت دلوقتى تهت منى ومش عارف تختار ايه صح ادخل اى وكيل وخد معاد لتجربه السيارة ولو مرديش قله حبعت ميل للشركه الام اقول ان مفيش تست درايف وادخل على موقع الشركه وشوف قدرات السيارة من الشركة الام وبعد كده اطلب الوكيل فى التليفون وادعى انك معاك السياره عاوز ليها فانوس امامى وتيل فرامل وفلتر زيت وفلتر بنزين انت كده اختبرت العربيه وعرفت الامكانيات الحقيقيه للسياره وعرفت سعر قطع الغيار بدون محد يضحك عليك |
| الساعة الآن 01:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017