سؤال على سحب هيواندى اكسيل 1500
 

اخوانى انا معايا هيواندى اكسيل كورى 1500 سي سي موديل 96 انا لسه شاريها من اسبوع و بصراحة انا اول مرة اركب هيواندى و الحمد لله سحب العربية على الطريق مرتاح اوى

بس المشكلة انى حاسس ان سحب البنزين عالى اووى فما مش عارف اية سبب فى سحب بنزين هل العيب هيكون فى كاربراتير و لا هيكون طبيعى و لا فى اشياء تانية لازم اشوفها او افصحها

فمعلش محتاج مساعدتكم كيفية عيب سحب البنزين كتير ده من اية

رد: سؤال على سحب هيواندى اكسيل 1500
 

لا الاكسيل مش بتاخد بنزين كتير ممكن يكون الكاربيراتير عايز يتظبط
وفعلا زى ما حضرتك قولت العربية بسم الله ماشاء الله عليها سحبها جميل
ممكن أعرف العمة اللى موجودة على الموتور عند حضرتك حديد ولا بلاستيك

رد: سؤال على سحب هيواندى اكسيل 1500
 

فعلا انا تقريبا مخمن ان المشكلة هتكون فى الكاربيراتير عموما هاروح اكشف عليه و اشوف و بالنسبة الى العمة هى حديد

رد: سؤال على سحب هيواندى اكسيل 1500
 

شكرا لرد حضرتك
وان شاء الله تكون حاجة بسيطة وتتحل على خير

رد: سؤال على سحب هيواندى اكسيل 1500
 

اعتقد انها مصرى مش كورى

رد: سؤال على سحب هيواندى اكسيل 1500
 

لو لقيت مشكله في الكاربيراتير
خدها من قاصرها و هات واحد استعمال ب 700 جنيه و يكون علي تجربه
لان تصليح الكاربيراتير عديم الفائده و حتصرف فلوس كتير و هو اسبوع او اتنين بالكتير و حيرجه لوضعه
لو المشكله مشكله بيكات فقط يبقي غيرها و مش حتصرف كتير و حتلاقي بيكات اوريجنال في السوق عند تجار قطع غيار الكوري

رد: سؤال على سحب هيواندى اكسيل 1500
 

انا معايا اكسيل 97 ومفيش مشكله فى البنزين هو الكاربرتير ممكن يكون عاوز يظبط وعلى فكره انا باحطلها بنزين 80 وماشيه تمام مفيش اى مشكله, وهى فعلا تجميع مصرى وانا شاريها زيرو والحمد لله لسه كويسه معايا لغايه دلوقت, وربنا يديك خيرها ويكفيك شرها