يا جماعة حد يعرف اذا كانت كورولا 2009 زيرو لسه بتتباع ولا لا؟؟؟
 

ازيكم يا جماعة اتمني تستحملوني شوية

انا كنت عملت موضوع في مقارنة السيارات بين كروز وسيراتو موديل 2010 وتويوتا كورولا 2009

وبصراحة بعد ماكنت ناوي علي السيراتو لقيت رجالة المنتدي بتنصحني بالتويوتا

وقولت ان شاء الله اشتري كورولا 2009 زيرو اوتوماتيك 1600

هي سعرها نزل خالص وبقت ب 120 الف

يعني فرق اكتر من 30 الف جنيه عن سعر بتاعة 2010

زي ما موقع كونتاكت كارز بيقول
http://contactcars.com/NewCars_All.a...ID=5&ModelID=3

بس واحد من الاعضاء قالي انها تقريبا خلصت وماعادش فاضل غير كورولا فول اوبشن

ودي سعرها ب 131 الف

وبصراحه سعرها عالي اوي انا اخري 100 او 110 واقسط الباقي

فياريت لو حد فيكم يعرف معرض لسه بيبيعها يقولي عليه ولو تعرفو عنها اي عيب او كده ياريت تقولولي

ولو مفيش اوتوماتيك ياريت تقولولي لو في لسه مانيوال بيتباع ويبقي جزاكم الله كل خير

رد: يا جماعة حد يعرف اذا كانت كورولا 2009 زيرو لسه بتتباع ولا لا؟؟؟
 

تويوتا 2009 اللى ب 120 الف مش اوتوماتيك . دى فتيس جديد اسمه MMT بين المانيوال والاوتوماتيك وفكرته مثار جدل .
لكن على نفس الموقع 2009 مانيوال ب 113 الف انا شايفها لقطه والله واحسن من الكورى . ياريت الاخوه المتخصصين يفيدونا بالموضوع ده انا قلقان من تدنى سعر التيوتا 2009 عموما لان لو مافيهاش مشاكل نلحق نشتريها قبل ما تخلص.

رد: يا جماعة حد يعرف اذا كانت كورولا 2009 زيرو لسه بتتباع ولا لا؟؟؟
 

خلصوا ياباشا مبقاش الا الام ام تى وبلااش منها ممكن تلاقى مستعمل عامل 10000 ولا حاجة فى حدود 115000 بس لازم واحد تكون ضامنه

رد: يا جماعة حد يعرف اذا كانت كورولا 2009 زيرو لسه بتتباع ولا لا؟؟؟
 

والله صدمه الاسعار دى ده فى ناس شاريها ب 155 الف زيرو يعملوا ايه بس ptmnlo123per144
دى محصلتش حتى الصينى.
بس مجرد النزول فى السعر 35 الف جنيه مره واحده اعتقد انه مبرر مغرى للشراء ولا الساده الافاضل هنا ليهم رأى تانى؟

رد: يا جماعة حد يعرف اذا كانت كورولا 2009 زيرو لسه بتتباع ولا لا؟؟؟
 

لو كان فيه خير ماكان رماه الطير
Have a look at this article

أعلن جهاز حماية المستهلك تلقي عدد من الشكاوى الخاصة بمشكلة "الفصل" خلال نقلات السرعة في السيارة "تويوتا كورولا" المزودة بنظام MMT لنقل الحركة في موديلي 2008 و 2009، وهما اللذان تم دخولهما السوق المصرية من هذا الطراز.

وقرر الجهاز في بيان صدر يوم الخميس حصل ContactCars على نسخة منه إلزام الشركة باستدعاء السيارات التي ظهرت فيها المشلكة والبالغ عددها نحو 6500 سيارة والقيام بإصلاح هذا العيب، بالإضافة إلى إلزام شركة "تويوتا ايجيبت" الوكيل الحصري لـ"تويوتا" في مصر بتحمل كافة التكاليف والمصروفات الخاصة بذلك دون تحميل المستهلك أية تكلفة، وذلك حتى 31 يوليو

http://www.contactcars.com/News_View...sp?NewsID=4244

رد: يا جماعة حد يعرف اذا كانت كورولا 2009 زيرو لسه بتتباع ولا لا؟؟؟
 

شكرا يا باشا على اهتمامك بالرد والتوضيح
بس والله موضوع مؤسف وربنا يعوض اللى اشتراها خير

رد: يا جماعة حد يعرف اذا كانت كورولا 2009 زيرو لسه بتتباع ولا لا؟؟؟
 

السلام عليكم ان الكرولا 2009و2010 فيها مشاكل فى دواسه البنزين وانسحب بسببها سيارات كتير من السوق لكن انا شايف ان موديل 2005و2007 هما احسن موديل كرولا نزل حتى الان وذلك بسسب آله الجر فيها قويه بالاضافه الى الشكل العام للسياره من انسيابيه وشكلها الرياضى وتماسكها اثناء السير وسرعه استجابتها اثناء القياده ptmnlo123per154