|
مطلوب كريستاله نظيفه جدا
السلام عليكم ورحمة الله وبركاته
معلش يا جماعه عاوز مساعدتكم في الموضوع ده لاني اول مرة اشتري عربية وخايف اقع على بوزي وربنا يستر اولا انا اعرف ان افضل انواع اللانسر هو الكريستاله - صح ولا غلط؟ ولو غلط ايه الصح؟ ثانيا اعرف برده ان افضل موديل في الكريستاله هو 2000 صح ولا غلط؟ ثالثا لو عاوز اشتري كريستاله 2000 او الموديل اللي حتقولوا عليه احسن منه يبقى اعمل حسابي في كام بالظبط؟ رابعا ايه امكانيات العربيه دي اذا كانت فول اوبشنز اوتوماتيك ولو فيها حاجه ناقصه هل ينفع اركبهالها بعد كده ؟ خامسا هل العربيه دي انجكشن ولا كاربيراتير؟ سادسا العربية دي الاحسن فيها مواصفات الخليجي ولا لا؟ سابعا حجم الموتور اللي باتكلم عنه هو 1600 سي سي طبعا مش اقل ثامنا حد يدلني على معرض سيارات محترم وعنده عربيات نظيفه احسن ما اروح لاي حد ارجو ان اجد اجابات شافيه عندك جزاكم الله خيرا واسف على الاطاله |
رد: مطلوب كريستاله نظيفه جدا
اقتباس:
|
رد: مطلوب كريستاله نظيفه جدا
اقتباس:
اشكرك يا ميدو على ردك المحترف واحب اطمنك انا الحمد لله باعرف اسوق بس على قدي يعني:HAPPY_~211: والحمد لله معايا رخصة سواقه من 20 سنه بس اما العربيات اللي كانت معايا فهي كالتالي ميه ثمانية وعشرين ثم بولونيز في مصر هوندا اكورد 89 ثم هوندا اكورد 92 ثم اخيرا هوندا اكورد 2008 وكنت جايبها زيرو ولله الحمد بس ده في الامارات ولما رجعت مصر قلت اشتري عربيه زيرو بس للاسف اتصدمت بالاسعار المبالغ فيها جدا وقررت اجيب عربية في الحدود دي ولو لفترة مؤقته اشوف فيها الدنيا ماشية ازاي بس ياسيدي هو ده تاريخ حياتي وتحياتي ليك واشكرك على ردك مرة تانيه |
رد: مطلوب كريستاله نظيفه جدا
الكرستاله الموجود في مصر معظمها 1300 كاربيراتير و قليل اوي منها 1500 بيكون موتور متغير و بيركب الكابيراتير بالمنافو مكان الانجكشن
بالنسبه لافضل ما فيها فهيا كلها واحد و 2000 مش احسن و لا حاجه و كل الفرق بين ال2000 و ال99 هو الشبكه الاماميه فقط و اختلاف طفيف كمان. اما بالنسبه للخليجي و المصري فالكريستاله كلها اللي جات مصر الفتره دي كانت مواصفاتت خليجيه و مافيش منها مواصفات مصريه نهائي اما بالنسبه للسعر لو عاوز عربيه نضيفه اوي حتلاقيها غاليه انا جايب واحده من 6 شهور بسم الله ما شاء الله فابريكه و نضيفه جدا و 98 و تكييف و باور فقط و دافع فيها 50 الف علشان نضافتها فلو حبيت تجيب اتوماتيك و موديل اعلي و فول اوبشن حتلاقيها اغلي بكتير |
رد: مطلوب كريستاله نظيفه جدا
اشكرك يا كريم باشا على المعلومات القيمه دي
جزاك الله خيرا وربنا مايحرمنا من نصائحك |
رد: مطلوب كريستاله نظيفه جدا
بص ياباشا
انا والله كنت زيك من اسبوعين بالظبط بردو بدور علي عربيه نضيفه ومش لاقي خالص اغلب الكريستالات اللي في السوق وحشه ومتهانه وعاوزه فعلا شغل والنضيف منها غالي ومبالغ فيه بس الصراحه العربيه فعلا ركوبه تحفه ناعمه وجميله وتستاهل فعلا تدور عليها انا كنت بدور في حتتين مواقع بيع العربيات عالنت وسوق السيارات يوم الجمعه والاحد السوق ميزته ان العربيه بتكون قدامك وشايفها وعيبه ان العربيات بتاعت تجار ودول متشتريش منهم حاجه خالص وخصوصا تجار المنصوره والشرقيه والدقهليه يعني اي عربيه ملاكي الحاجات دي ابعد عنها من غير ما تفكر لان العربيات دي كلها متظبطه هناك واغلبها طالع من حوادث ومهما حترفعها ولا حتعرف لانهم محترفين سمكره ودوكو هناك بالنسبه للسوق انا رفعت عربيتي في بنزينه وطنيه اللي جمب السوق اللي بيكشف هناك اسمه فيشه اطمنت عالاساسايات وطلعت تمام عشان خدتها من تاجر للاسف طبعا مكشفتش عالكهرباء والتكييف ودي نصيحتي ليك عشان انا خدت العربيه بطاريتها بايظه والكباس بتاع التكييف بايظ حتكشف عالبطاريه تشوفها كهربتها اد ايه وان طلعت بايظه تشيله تمنها والكباس لو قالك التكييف عاوز يتشحن ياريت ياتشحنه وتشوفه يااما تخليه يشحنه عشان انا اتقالي كده وطلع الكباس مش شغال اما لو رايح تشوفها من عالنت طبعا حتسمع اسعار غريبه شوف المنطقه فين وشوف اقرب توكيل لمتسوبيشي فيها فين لو مفيش ارفع في اي بنزينه بس يفضل التوكيل عشان فاهمين في العربيه اوي اوي انا جربت بتاع بنزينه موبيل اللي في المعادي تحفه واسم العامل اللي هناك عبده راجل بيراعي ربنا وفاهم شغله كويس وانا بقي اي حاجه كنت بلاقيها بقول هنا في المنتدي عليها والناس تنصحك بالمفيد ونصيحه متشتريش من اول مره انا قعدت شهر الف واشوف هنا وهنا اللفه اول مره بتفرق عن تاني مره عن تالت مره وانا كمان مبفهمش في العربيات خالص بس فعلا اللف بيعلم وتسأل ده وتسأل ده لحد ما تتعلم وتلاقي حاجه كويسه انا علي فكره معايا لانسر 2000 اخر موديلات اللانسر والفرق بينهم تقريبا علي ما اتقالي ان التابلوه ابانوس ومقابض الباب متنكله وفيها ار بي ام بس كده علي ما اعتقد وعلي فكره انا بردو واخدها ب50 عشان حالتها مش اكتر وربنا يوفقك وتلاقي حاجه كويسه زي مانا لقيت |
رد: مطلوب كريستاله نظيفه جدا
كلامك مضبوط يا ميكي لكن اعترض معاك في انك تلف مره و اتنين و تلاته
انا من رأيي لو لقيت عربيه سليمه تاخدها فورا حتي لو تمنها غالي شويه لان فعلا الاتومبيل النضيف من الصعب تلاقيه و خصوصا في اللانسر عن الكورولا مثلا لان اللانسر معظم اللي راكبينها شباب علشان كده تلاقي فيها حالات بشعه و كميه اهمال لا حصر لها |
| الساعة الآن 10:32 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017