|
فيات جراند بونتو ولا سيراتو
انا محتار يا جماعه مابين جراند بونتو و السيراتو ؟
الجراند بونتو ايطالي و امكانيات بس خايف من التوكيل دا غير اني معرفش اي حاجه عن الفيات . السيراتو شكل و انتشار بس في الفتره الاخيره بسمع كلام كتير عن عيوبها من المنتدي هنا . لو حد ليه تجربه يفيدني بيها لو سمحتم .... |
رد: فيات جراند بونتو ولا سيراتو
المقارنة صعبة اوي ,,,
انت ممكن تقارن بين السيراتو و ال لينيا تربو ,,, كده ممكن انما تقارن السيراتو بالجراند بونتو ,, هيبقي صعب الفئتين مختلفتين بس برضو نقول الفروق ,,,, الاداء هيكون لصالح السيراتو 1600 سي سي و بتاع 120 حصان تقريباً ,,, بينما الجراند بونتو 1400 سي سي 77 حصان و موفر في البنزين ... التقفيل الداخلي ,,, الجراند بونتو تفوز من حيث الخامات و الجودة ,,, الامان ,,, الجراند بونتو افضل 5 نجوم في اختبارات الامان الاوروبية ,,, و السيراتو معنديش فكرة بس اعتقد انها ممكن تبقي 4 نجوم ,,, الثبات ,,, الهاتش باك عموما ثباته اعلي ,,, الوسع الداخلي ,,, اكيد السيراتو لانها سيدان قطع الغيار ,,, الاتنين عربيات جديدة بالتالي مش هتبقي رخيصة تماما ,,, سعر اعادة البيع ,,, السيراتو افضل لان عليها طلب اكتر من الجراند بونتو مشاكل حقيقة في السيراتو ما سمعتش غير كلام ناس ما جربتش ,,, و اللي جرب شكر فيها ,,, و اسأل د. عبد السلام ( Dr.Bolbolan ),,, معاه السيراتو الجديدة و بيشكر فيها ... في النهاية العربيتين كويسين ,,, بس كل واحدة ليها مميزات عن التانية ... لان الفئات مختلفة اوي انا شايف ان اللي قلبك يستريحلها توكل علي الله ,,, الاتنين كويسين بصراحة بس بما اني بشجع الاوروبي اكتر ,,, انا شخصيا هفضل ال جراند بونتو ,,, |
رد: فيات جراند بونتو ولا سيراتو
يا راجل حرام عليك
مفيش وجه مقارنة ايش جاب ل جاب اولا لكثرة عيوب السيراتو فا هنستبعدها خالص و دي نصيحة توكيل الفيات معقووول جدا و قطع غيار زي الفل و العربية نفسها بتعييش و مش هتلاقي انها بتشتكي من حاجة غير كل فين و فييييييين |
رد: فيات جراند بونتو ولا سيراتو
شكرا علي الرد ...
علي فكره انا ركبت الجراند و الينيا في التوكيل تقريبا نفس الوسع من الداخل وبردو تقريبا نفس وسع السيراتو بس الفرق في وسع الشنطه مشكلتي مع العربيتين اني ماجربتش ولا واحده فيهم و ماعرفش ايه اخبارهم في السفر لاني بسافر كتير و مع العلم انا معايا سكودا A5 ياعني ثبات عالي و امان ... في ناس بتقول ان توكيل اوماترا وحش اويي .. لو تعرف عنه حاجه ياريت تفيدني ... انا قريت موضوع عن السيراتو ملخصه انها عربيه ورق و مش عارف ان كان ده فعلا صحيح ؟؟ |
رد: فيات جراند بونتو ولا سيراتو
اقتباس:
و حضرتك بتسافر كتير فا الموضوع ده هيكون ب مثابة رحلة شاقة للقمر ptmnlo123per1127 انا مش عاوز اكرهك فيها بس والله عن تجربية و اخبار *** بتجلي |
رد: فيات جراند بونتو ولا سيراتو
أولا : - أنا مش بأشكر فى السيراتو ! أنا قلت المميزات والعيوب اللى شفتها فى 700 كم فقط !
ثانيآ :- أنا بس مستغرب و تأكدت بعد شراء السياره من ان معظم اللى كتب عن السيراتو كتب بالسمع وليس عن تجربه بامتلاكها ! يعنى ممكن يكون قادها لمدة 200 متر بس و ماعرفش يتحكم فيها وطلع يتكلم ! ثالثآ : معظم الناس اللى بتدلى بأرائها يمكن عمره كله 20 أو 25 سنه أو ركب عربيه ولا اثنين أو لسه متعلم السواقه و بيطلع يقول رأيه كأنه شوماخر ! رابعآ :- لا توجد سياره كامله كما أنه لا يوجد انسان كامل و كل شىء له مميزاته و عيوبه ! ايه رأيكم فى انسان قاعد ياكل مع ناس بتاكل بنهم و فى وسط الآكل يقول لهم الآكل وحش و زباله ؟؟ خامسآ : مافيش داعى واحد راكب أوكتافيا يفكر يغيرها و يجيب أى عربيه تانيه ( مش سيراتو ) ! سادسآ :- السيراتو دى معموله خصيصا للناس الهبله و محدثة النعمه و عايزه تتقرنن وبس ! ptmnlo123per1106 Dr. Bolbolan ptmnlo123per1127 |
رد: فيات جراند بونتو ولا سيراتو
اقتباس:
التعليق في الاقتباس ,,, |
| الساعة الآن 09:47 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017