|
حيرة بين اللانوس ولا سبيرانزا m11
ارجو من اصحاب الخبرة لو اراد احد ان يشترى سيارة وحاطط فى نصب عينيه سيارة مانيوال واحدة من الاتنين لانوس ولا اسبيرانزا m11 فما هى النصيحة وشكرا جزيلا
|
رد: حيرة بين اللانوس ولا سبيرانزا m11
اسبيرانزا m11 تصميم عصري مش من التسعينات زي اللانوس
|
رد: حيرة بين اللانوس ولا سبيرانزا m11
يمكن اكون مش من اهل الخبره فى العربيات بس اعتبرنى من اهل الخبره فى الحياه
بص ياسيدى لو حضرتك عندك فلوس كتير وال 75 الف مش هيفرقو معاك كتير وعايز تستمتع بعربيه شكلها حلو يبقى اتكل على الله واشترى ال m 11 وحافظ عليها واحترمها وان شاء الله هتفى بالغرض وان كانت الفلوس دى تعبان فيها قوى قوى ومش فائضه عليك انصحك تخليك فى المضمون وتجيب اللانوس انا على المستوى الشخصى كنت محتار حيره زى حيرتك دى وكنت فى حاله وسطيه بين الظرفين اللى افترضتهم لحضرتك , مع فروق بسيطه .. وانتهيت بانى جيبت التيجو 1600 وهى لحد دلوجتى مش مزعلانى |
رد: حيرة بين اللانوس ولا سبيرانزا m11
اكيد طبعا الm11هتقولو صيني هقولك اة هتقولو زبالة هقولك اة مهما كانت وحشة اكيد100% احسن من الانوس كفاية شكلها وقوة موتورها مش موتور الانوس اللي بيسقف والصالون بتاعها حكاية مش تابلوة الانوس التسعينات كفاية انها تكنولوجيا احدث
|
رد: حيرة بين اللانوس ولا سبيرانزا m11
طب ليه مبتفكرش فى الفيرنا اهى احسن من الانوس شكلها خارجيا وداخليا
|
رد: حيرة بين اللانوس ولا سبيرانزا m11
الانوس اتحفظت بقالها اكتر من 10 سنين ... بعيوبها بمميزاتها ...
اللي بيجيبها عارف كويس هو بيجيب ايه لكن ام 11 .... عربيه لسه جديده ... شكل جديد .. اوبشنز ... تقنيه احدث ... بس العربيه لسه جديده على التقييم و سبيرانزا مكونتش السمعه و التاريخ اللي تخليني اجيب منها عربيه جديده وانا مغمض الانوس ... خيار تقليدي ... بدون مخاطر ام 11 ... الرغبه في التغيير الي الاحدث ... مع أمل طموح الاختيار تحدده شخصيه الشاري وميوله عن نفسي ... متعاطفتش مع اي واحده فيهم ... لكن يوم ما حختار لغيري ما بينهم ... اكيد حختار اللي اعرفها ... او اختار اللي معرفهاش و اقوله لما تجربها كويس .... يعني سنتين تلاته كده ....ابقى طمني :) |
رد: حيرة بين اللانوس ولا سبيرانزا m11
لانوس اضمن واوفر واسهل في الصيانة اسبرانزا احدث واشيك واكتر تكنولوجي
|
| الساعة الآن 04:59 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017