مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   سيات SEAT (https://www.masrmotors.com/vb/forumdisplay.php?f=20)
-   -   سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني (https://www.masrmotors.com/vb/showthread.php?t=17851)

mostafa shalan 28-12-2009 07:31 PM
سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني
 
انا عندي سيات ابيزا موديل 94 شاريها بقالها 3 الي 4 اسابيع وعاوز اعرف حاجات كتير محيراني ومش عارف هيا اصلها اية لاني مش عارف اي حد تاني معاة ابيزا والحاجات دي زي الدريكسيون تقيل ولا خفيف ومش عارف المتور بتاعها مظبوط ولا اية لان الشكمان بيطلع منة دخان اسود رائحتة سيئة وبتستهللك نسبيا بنزين
اسف جدا علي الاطالة

mostafa shalan 28-12-2009 11:17 PM
رد: سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني
 
هو مفيش حد عاوز يرد عليا لية

mohamed ibiza 29-12-2009 02:44 AM
رد: سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني
 
اديني اسألة محدده يا استاذ مصطفي عشان اقدر ارد عليك لو سمحت..

mostafa shalan 30-12-2009 07:01 PM
رد: سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني
 
اولا مشكورر علي الرد وبعدين انا عاوز اعرف اولا الدريكسيون بتاعها تقيل ولا خفيف لاني غسلتها من تحت في البنزينة لاقيتة بق خفيف جدا وبعدين رجع تقيل تاني كدة يبقي فية اية والشكمان بيطلع دخنة سودة وبتستهلك بنزين نسبي وقريب لاقيت الغيارات زي ماتكون بتعض روحت مغيرلة زيت ودلوقتي مرة بيبقي عادي واخري بحس ان هيا مش عاوزة تاخد الرابع اسف جدا جدا للاطالة

mostafa shalan 30-12-2009 07:14 PM
رد: سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني
 
اقصد اني غيرت زيت للفتيس بزيتISO 90 جديد

mohamed ibiza 31-12-2009 03:21 AM
رد: سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني
 
اقتباس:
المشاركة الأصلية كتبت بواسطة mostafa shalan (المشاركة 117669)
اولا مشكورر علي الرد وبعدين انا عاوز اعرف اولا الدريكسيون بتاعها تقيل ولا خفيف لاني غسلتها من تحت في البنزينة لاقيتة بق خفيف جدا وبعدين رجع تقيل تاني كدة يبقي فية اية والشكمان بيطلع دخنة سودة وبتستهلك بنزين نسبي وقريب لاقيت الغيارات زي ماتكون بتعض روحت مغيرلة زيت ودلوقتي مرة بيبقي عادي واخري بحس ان هيا مش عاوزة تاخد الرابع اسف جدا جدا للاطالة
بص يا باشا موضوع الغسيل ده لو الكاوتش مبلول او واقف في رمله بتلاقي الدركسيون بقي ناعم نعومه غريبه ولا الباور و انا جربت الموضوع ده كذا مرة و انا بغسلها في البنزينه تمام

اما بالنسبة للدركسيون نفسه فا هو مش باور ستيرنج هو سكاترا عاديه و ناعم بالنسبة ليا انا ممكن انت بالنسبة لك يكون تقيل بس عشان اديك راي وسط هو في الملفات لو ايدك جامده بتلفه بأيد واحده و مش بتحس بتقل لو ايدك ضعيفه لازم تجيبه بأيدك الاتنين انما هو معقول بس الاكسنت و السويفت و الكلام ده انعم منه

ثانيا المفروض الابيزا بيتحطلها زيت تقيل مش 90 بس شيك علي طقم الدبرياج عندك و علي السلك

-اعمل للعربية صيانة و ده الطبيعي لما تشتري اي عربية مستعمله و الصيانة يعني :طقم سيور (كاتينه-دينامو)طقم فلاتر(بنزين-هوا-زيت)و تغير زيت موتور و طقم بوجيهات و تجيب منظف كربراتير من البنزينه و تخلي الميكانيكي ينضف الكربراتير تنضيفه حلوه هتلاقي الموتور فاق معاك و الدخنه السودا راحت

ملحوظه:سير الكاتينه بيتغير كل 40 الف كيلو و عن نفسي بغيره كل 35 عشان ابقي في الامان و لو سبته و مغيرتوش و اتقطع منك و انت ماشي النتايج هتبقي مش كويسه و الموتور هيضرب في بعضه اقل واجب هتغير طقم صبابات لانهم هيضربوا في بعض و دي تبقي اقل الاضرار

و لو طقم الدبرياج عندك خلصان و ده اللي هيقوله الميكانيكي لو سليم خلاص لو تعبان غيرو عشان لو تعبان هيبقي مموت العربية و سحبها هيبقي وحش ظبطها و انت هتشوف منها احلي سحب و اي سؤال انا موجود

رياح التغيير 31-12-2009 05:52 AM
رد: سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني
 
شكرا لأخونا وحبيبنا محمد ايبيزا وانا اقول المنتدي منور ليه


الساعة الآن 06:16 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017