تغيير زيت الفيتيس
 

عندى سؤال بانسبة لتغيير زيت الجيربوكس و الكورونه
هو من امهم تغييرهم؟؟؟!! ولا هم بيتزودو بس؟!!

أص احنا شاريين عربيتنا من أخر 2003 و هى موديل 94
و عمرنا ما غيرنا زيت الفتيس ولا الكرونه
بس كل مدة نسأل الميكانيكى عليه.. مستواه عامل ايه؟!! يقول كويس و ممكن يزوده شية
بس عمرنا ما غيرناه ولا ممكن نفكر نغيره

السؤال بقى هو كدة غلط ولا عادى ولا الأحسن نغيره؟؟؟!!
و بيتغير كل قد ايه؟؟
و ازاى؟؟

رد: تغيير زيت الفيتيس
 

طالما مفيش مشكلة و مش حاسس بأى تغيير سيبه أحسن
هيه عربيتك نوعها ايه و عاملة كام كيلو ؟

رد: تغيير زيت الفيتيس
 

الفيتيس اليدوي يتم يجب تغييره في كل مرة تغير فيها الدبرياج.

رد: تغيير زيت الفيتيس
 

رد: تغيير زيت الفيتيس
 

ياريت لو حد عنده تجربة أو بيغير الزيت ده كل فترة يحكى عنها

ياريت كل واحد بيعمل ايه

رد: تغيير زيت الفيتيس
 

المفروض انو يتغير كل فترة معينة محددة فى كتالوج السيارة غالبا 30-40 الف كم و ده الأفضل للحفاظ على الكرونة و الفتيس فى حالة جيدة, لأن اى زيت له عمر افتراضى يفقد خصائصه بعدها نتيجة للسخونة و التبريد.
لكن تغيير زيت علبة التروس و الكرونة ليس اجراء حيوى مثل زيت المحرك مثلا.و ناس كتير بتسيبه بدون تغيير و تقوم بتزويده فقط, و ليس لذلك أضرارا ملحوظة لأن زيت الكرونة و علبة التروس لا يتعرض للضغط و الحرارة و الاجهاد الذى يتعرض له زيت المحرك مثلا.
انا غيرته عند 50 الف, و هغيره ان شاء الله تانى مع تغيير الزيت القادم عند 84 الف كيلو.
ممكن تغييره فى أى محطة وقود و المكنة موجودة فى معظم المحطات, لذا فانه اجراء سهل و غير مكلف لأن زيت علبة التروس رخيص, فلا بأس من تغييره مع تغيير زيت المحرك.

رد: تغيير زيت الفيتيس
 

انا غيرته قبل كده فى عربيتان مختلفتان و الزيت القديم بينزل اسود حبر

و كيلو شل بيعمل 12.5 جنيه معظم العربيات بتاخد اقل من 2 كيلو بحاجة بسيطة

و تغييره سهل عن طريقة طبة و فيه بعض العربيات ملهاش طبة فبنحل الكارتيرة وتركب بجوان جديد