|
اغرب موقف حصللك من اى ضابط او امين شرطة
ايه هو اغرب موقف حصللك من اى ضابط او امين شرطة فى اى كمين؟
|
رد: اغرب موقف حصللك من اى ضابط او امين شرطة
كنت راجع من مطار النزهه اللي في اسكندرية وكان الوقت متأخر وعند ايتاي البارود لقيت كمين بيوقفني ورافعين الرشاشات في وشي انا اتذهلت قلت انا عديت الحدود وبقيت في اسرائيل ولا ايه وظهر لي ظابط المباحث وبيقولي الرخص ادتهاله تقريبا مبصش فيها ورجعهالي تاني والحمد لله مشيت وعدت علي خير
|
رد: اغرب موقف حصللك من اى ضابط او امين شرطة
اقتباس:
معلش اصل اليومين دول الامن مش مستتب و النفوس مش صافيه |
رد: اغرب موقف حصللك من اى ضابط او امين شرطة
كنت فى طريقى لمرسى مطروح ، وقابلت كمين رادار وكانت سرعتى 120كم / ساعة وكنا فى فصل الشتاء حيث كنت متوجهاً لزيارة قريب لى مريض ، وعنما حكيت لضابط الكمين الموضوع أعاد لى الرخص ودعا لمريضى بالشفاء وعدت على خير
|
رد: اغرب موقف حصللك من اى ضابط او امين شرطة
كنت راجع من مرسي مطرووح و في طاريق العالمين وادي النطرون كنت راجع الساعه 10 كده
و كنت ماشي 160 لقيت نقطه تفتيش في اخر الطريق قولت علطول رادار لقيت الظابط بيقولنا الرخص و اركنو علي جمب و كله ينزل !!!!!!!!!!!!!!!!! نزلت فتشو اصحابي كلهم و انا كمان بس تفتيش اي كلام ز فتشو العربيه فا الظابط عيز يشيل فرش الشنطه و مش عارف قولتله عن اذنك اشلهولك قالي خالص خالص يعني لو فيه حاجه هتشلهولي و اداني الرخص و مشيت و لما وصلت بوابه القاهره بعدي من الشرطه العسكرية بطلع الرخص و المفاجاة !!!!!!!! اخدت رخص مش بتاعتي :S رجعت والله العظيم في نص ساعه من البوابه لي اول طريق العالمين و لقيتهم ادو الرخص بتاعتي لواحد ال انا اخدت رخصه و اخو نمرته و لما انا وصلت كلمنا عشان يرجلعنا و بعد ربع ساعه كان وصل و بدلنا الرخص و مشيت و اتعلمت اني ماخدش اي حاجه من حد و مبصش فيها |
رد: اغرب موقف حصللك من اى ضابط او امين شرطة
فى مره تعبت وانا سايق وكان معايا واحد صاحبى خليته يسوق هوا ومكنش معاه رخصه وفجأه لقينا كمين وقفنا قبله بشويه وبدلنا ( سوقت انا ) لما وصلنا الكمين اظاهر ان الظابط كان شافنا واحنا بنبدل لما كلمنا قال بما معناه انتو عايزين تضحكو عليا قلتله لا حضرتك دا نوع من الاحترام وعدم الجهر بالخطئ صمم على اخد رخصة العربيه قلتله حضرتك تعرف مسعد بيك سكين قالى طبعا اعرفه قلت فى سرى الحمد لله جالى الفرج وقلتله مسعد بيك يبقى عمى قالى الظابط تعرف ان مسعد بيك اتسبب فى تأخير ترقيتى سنتين قلت فى سرى جالك الموت يا تارك الصلاه وبان على وشى ضحك الظابط وقالى قول لمسعد بيك ان المقدم محمد ..... اللى اخرت ترقيته سنتين بيسلم عليك وادانى الرخص ومشيت |
رد: اغرب موقف حصللك من اى ضابط او امين شرطة
بصراحه موقف نور و ايجبت فارمر يفطسوا من الضحك
ههههههههه بالنسبالي ماليش اي مواقف من النوع دا تقريبا من يوم ما طلعت رخصه من 12 سنه ما طلعتهاش غير مرتين و اتسحبت مره واحده الحمد لله و جبتها تاني من غير ولا مليم:) |
| الساعة الآن 07:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017