|
ماهى الأمور الى تجعل السيارة تعتبر من سيارات سوبر كارز؟
ماهى الأمور الى تجعل السيارة تعتبر من سيارات سوبر كارز؟
هل هى قوة المكينة؟ التسارع؟ الشكل؟ السعر؟ ....... فى سيارات بها مكائن قوية وتسارع ممتاز ولكنها لا تعتبر من سيارات السوبر. لنأخذ اللانسر إيفو كمثال. قوة وتسارع وتحكم ولكنها لا تعتبر سوبر كار سؤالى هو لمعرفة هل فى معايير محددة للسيارة لكى تصنف من سيارات السوبر؟ |
رد: ماهى الأمور الى تجعل السيارة تعتبر من سيارات سوبر كارز؟
سوبر كارز زى سوبر كمبيوتر زى سوبر طيارة زى سوبر اى حاجة يعنى ببساطة حاجة متفوقة على الغالبية وبيتم فيها تغليب معايير القيمة والاداء على المعايير الاقتصادية ومش بس تغليب ديه بتتلغى تماما وبيبقى اهم حاجة يوصلوا بالعربية او المنتج لاقصى اداء فى كل النواحى
ومن هنا نقدر نقول ان فيه محددات لمعنى السوبر كار منها التصنيع بشكل مفرد وبعدد محدود جداً وغالباًَ بالطلب اغلب مراحل التصنيع يدوية وخاصة فى الفرش وبعض الاكسسوارات واحيانا فى الموتور نفسة اللى بيجمع الموتور كله مهندس واحد وبيمضى علية باسمة تفوق حقيقى فى جوانب الاداء وده بيخلى دائما السيارات ديه متميزة ونادرة الوجود على المستوى العالمى فبتتسمى احيانا exotic cars او سيارات الشهرة اما الايفو ولا حتى ال z ديه مهما كانت عربيات رياضية اقتصادية ليها خطوط انتاج وشبكة موزعين تنزل بكرة الصبح تجيب واحدة وتروح بيها لكن الحاجات التانية ديه بتتحجز بالسنين عقبال ما يعملوهالك مخصوص ptmnlo123per1127 |
رد: ماهى الأمور الى تجعل السيارة تعتبر من سيارات سوبر كارز؟
الله ينور يا وائل باشا ومثال للعربيات دي المايباخ والبنتلي
|
رد: ماهى الأمور الى تجعل السيارة تعتبر من سيارات سوبر كارز؟
شكرا ليك يا وائل باشا على التوضيح
|
رد: ماهى الأمور الى تجعل السيارة تعتبر من سيارات سوبر كارز؟
تسارع من صفر لمئة في أقل من خمس ثواني
جسم من الفايبر كربون محرك بوضعية وسطية دي مواصفات دايما بلاقيها في السوبر كارز بالإضافة للحاجات التانية زي اللي قالها وائل بس مش عارف دي تعتبر شروط و لا مجرد سمات لمرحلة عموما خش علي ويكبيديا و هات منها التعريف الدقيق لتصنيف سوبر كارز |
رد: ماهى الأمور الى تجعل السيارة تعتبر من سيارات سوبر كارز؟
المفترض ان السيارة الرياضية هى اى سيارة تتسارع من صفر لمئة فى اقل من 6 ثوانى.
أقل من 5 ثوانى اذن فهى سوبر رياضية. ليس لها تصميم معين, بل ان هناك سيارات سيدان عادية تدخل فى نطاق السوبر كار او السيارة الرياضية مثل البى ام دبليو ام 5. لكن طبعا هناك فارق كبير بين سوبر كار و سوبر كار! ففيما لا تعرف الشركات الأمريكية و اليابانية شيئا عن السوبر كار سوى انها سيارة منخفضة على الأرض بمحرك كبير و بابين! فان الشركات الاوروبية العريقة فى هذا المجال تصمم السوبر كار كاعجاز علمى يجمع كل التقنيات الحديثة لدعم التسارع و الثبات و متعة القيادة, و هذه التقنيات طبعا تأتى اولا من سباقات السرعة, و هذا هو سر تفوق الفيرارى مثلا فى صناعة السوبر كار, فان سمعتها فى السباقات و انتصاراتها المتتالية تعنى ان سيارات فيرارى هى اعلى تقنية توصل اليها عالم السيارات الرياضية. أفضل صانعى السوبر كار فيرارى بلا منازع(و هى الأغلى ايضا), يأتى بعدها مرسيدس و لمبرجينى و بورش. |
| الساعة الآن 11:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017