اريد معرفة سعر كشافات 131 الخلفية ومدى توافرها
 

السلام عليكم ورحمه الله وبركاته

لقيت فى محل قطع غيار سيارات جوز كشافات خلفية ل فيات 131 المعدله اللى شكلها زى الصور اللى فى المرفقات والجوز لسه جداد و كاملين حتى بالفيبر بتاعهم وبيلمعوا الراجل قال كمنه معرفه قال لي انه شايلهم ليا مخصوص لانهم نادرين و هوا طالب فيهم 600 جنيه وهوا مستنى منى رد

نزلت اسئل تجار الاستيراد عليهم مش موجودين و اتقال لى انهم نادرين و لو موجودين يعملوا 450 جنيه

انا محتار اجيبهم ولا لأ مع العلم ان فيه كشاف من اللى راكبين عندى البلاستيك اللى ورا اللمبه سايح ( من حرارة لمبه) و ملصمه بواسطه مشمع وسيلكون

فكرى بيقول اجيبهم دلوقتى علشان لما اشد العربية المرة الجايه اركبهم وخايف اسيبهم مش الاقيهم تانى
وبرضه متخوف من موضوع الاحلال
ممكن تساعدونى فى الموضوع ده

رد: اريد معرفة سعر كشافات 131 الخلفية ومدى توافرها
 

الكشافات الموجوده عند الراجل بنفس حاله الصور كده (شكلهم مغرى اوى)

رد: اريد معرفة سعر كشافات 131 الخلفية ومدى توافرها
 

حلوين يا مجدي
بس 600 جنيه كتير اوي علي فوانيس 131
انا مستغرب سعرهم الصراحه
يا تري هما صناعه ايه؟؟
استحاله يكونوا ايطالي ابدااااا
انا من رأيي لو عاجبينك هاتهم مش حيخسروا لو مش ناوي تبيع العربيه بس تمنهم بصراحه عالي

رد: اريد معرفة سعر كشافات 131 الخلفية ومدى توافرها
 

معرفش هما صناعه ايه اغلب الظن انهم تركى
هل لو سبتهم ومش اشتريت بعد كده هيكون من السهل انى الاقى زيهم؟ كنت قولت انى سئلت عليهم تاجر استيراد قال لى انهم مش موجودين وسعرهم بيعمل 450

من ناحيه البيع مفيش نيه للبيع ولكن اللى مقلقنى الاشاعات عن الاحلال مخليانى أفكر قبل ما اعمل اى شغل فى العربية

رد: اريد معرفة سعر كشافات 131 الخلفية ومدى توافرها
 

مافيش احلال و لا حاجه
بس شايف سعرهم مبالغ فيه جدا
ابقي انزل التوفيقيه او وكاله البلح و اسأل شوف الجديد و المستعمل بكام
لان بصراحه المبلغ دا كتير اوووي و علي تركي كمان

رد: اريد معرفة سعر كشافات 131 الخلفية ومدى توافرها
 

انا اول مره اعرف ان فيه منهم جديد اصلا كنت فاكر ان كل الموجود استيراد
هل مثلا الكيلانى يبقى عنده الجديد؟؟

رد: اريد معرفة سعر كشافات 131 الخلفية ومدى توافرها
 

ال125 شوفت منها فوانيس جديده بس استثماري و لكن نضيف فأكيد ال131 حتلاقي لها
الكيلاني اكيد تلاقي عنده و دا رقم تليفونه
0225799069