|
الاستاذ وائل والاستاذ حازم شاهين والدكتور بولبولان
انا قريت في موضوع الحادثه للسيراطو حقيقي لاقيت ناس باهبل بتقطع في الكوري والسيراطو لدرجة ان في ناس بتتكلم وخلاص واحدبيقول ان مقصات السيراطو نفخ مش صب طب مين ال قلللك يقول ميكانيكي وكلام كتير لدرجة ان انا واحد من الناس ال ي عندها سيراطو ابتديت اخاف من اي مطب فهل ممكن يكون في تفسير --ضروري
|
رد: الاستاذ وائل والاستاذ حازم شاهين والدكتور بولبولان
ساعه القدر بيعمى البصر
خليها على الله و اللى رايده هايكون |
رد: الاستاذ وائل والاستاذ حازم شاهين والدكتور بولبولان
اقتباس:
اقرا الرابط ده ! http://www.masrmotors.com/vb/showthr...593#post108593 مع العلم انى ان شاء الله سأستلم واحده الآسبوع القادم ! و بعدين انت أصلا معاك العربيه ! المفروض انك انت اللى تقول لنا ! ولا الواحد بعد ما يتجوز واحده و يعرفها وييجى واحد يقول له مراتك مش ولابد يصدقه على طول ولا ايه ؟؟ Dr. Bolbolan ptmnlo123per122 |
رد: الاستاذ وائل والاستاذ حازم شاهين والدكتور بولبولان
اقتباس:
|
رد: الاستاذ وائل والاستاذ حازم شاهين والدكتور بولبولان
مع العلم اني احرجت من الرد
الحمد لله العربيه زي الفل وخليجي جنط 16 تكييف تاتش العربيه باكل بيها كل المطبات وعىون قطط وكلاب ربنا انعم عليا بيها وربنا يكرمك وتبقي زييي ويبارك لك فيها |
رد: الاستاذ وائل والاستاذ حازم شاهين والدكتور بولبولان
اقتباس:
أنا لم أقصد احراج أى أحد من الرد ! بس حبيت أخللى البساط أحمدى لآقلل من الشعور السىء عندك حاليآ من السياره ! معلش أنا راجل دقه قديمه و غالبآ ما أتعامل مع الناس ببساطه قد تكون محرجه للبعض أحيانآ ! ( حقك على يا باشا ) ! Dr. Bolbolan ptmnlo123per122 |
رد: الاستاذ وائل والاستاذ حازم شاهين والدكتور بولبولان
والله يا ابو ادهم انا كمان مش عارف اقول لحضرتك ايه الموضوع متشابك وليه اكثر من جانب
والحديث فى كل جانب يطول اولاً التعليق على الحادث المشار اليه قمت بالفعل بالتعليق على الحادث فى الرابط اللى اشار ليه دكتور بلبلان وتعليقى باختصار ان الحادث يمكن حدوثة لاى سيارة اياً كانت وفقا لظروف الحادث اللى اتحكت سواء من ناحية الطريق او من ناحية ردود افعال الراوى ولا يصح انه يفسر على انه عيب فى السيارة لان ده غير منطقى ولا دليل عليه اصلاً ثانياً التعليق على الردود التى تتسم بالمغاله فى السيارة اصبحت شىء معتاد بالنسبالنا عن اى عربية بتحقق نجاح فى المبيعات فى فترة قصيرة ان يبقى فيه تفاوت كبير فى اراء الناس عنها خاصة التحزب والتعصب لسيارات معينة او ضد سيارات معينة سمة غالبة فى الموقع ده والعربية ديه نفسها كان عليها جدل كبير بنفس الطريقة حتى من قبل الحادثة وحتى من قبل ما تنتشر فالموضوع سمة عامة اكتر من كونه خاص بالسيارة ديه تحديداً ثالثاً الموقف العام من الصانع الكورى عامة وكيا تحديداً بالرغم من كون ناس كتير مازالت بتحكم بانطبعاتها الشخصية الغير موضوعية خاصة الميالين لتعظيم اليبابانى وكانه خاتم الصناعات ومفيش صناعة هتيجى تانى بعده وطبعاً عشاق الاوربى اللى بينظرو للعربيات الاسيوية عامة كانها عربيات درجة تانية الا ان السوق عموماً سواء المحلى او العربى او العالمى قال كلمتة بالفعل بخصوص مجموعة هيونداى كيا وانكار نجاحاتهم على مستوى التصميم الشكلى والهندسى والاعتمادية والمتانه مع العوامل الاقتصادية لا يخرج عن كونه تحيز اعمى لا يستند على منطق او دليل اما كيا تحديداً فمنذ بدايتها اعتماداً على تقنيات مازدا وهى ناجحة على صعيد اعادة التجميع او اضافة المكون والتصميم المحلى للتصميم الاصلى مقارنة بهيونداى او دايو وهو ما جعل جميع فئاتها تحوز على رضاء المستهلك الاوربى والامريكى قبل العربى او المصرى فقط تأثرت فى الفترة اللى بمشاكل وتنازع رجال الاعمال على التوكيل واعتقد انها لحد دلوقتى لم تتعافى بالشكل الكامل لكن ده ليس له علاقة بالتشكيك فى جودة او قيمة الماركة ككل رابعاً موقفناً كإدارة موقع اتفقنا من البداية على ان الموقع ساحة لعرض جميع الاراء بحرية كاملة وللجميع حق الرد ودورنا العمل على تحقيق التوازن بين الاراء باتاحة الفرصة بدون اى تحرشات او مضايقات لكل صاحب راى ايا كان رايه وبالتالى لا نلوم اى مكان يسمح بعرض راى شاذ او غير واقعى لكن نلوم تخاذل ادارة المواقع (فى بعض الاحيان) لتغاضيها عن وجود لوبى من المتحييزين لماركة معينة او ضد ماركة معينة بشكل عصابات لا يجرؤ احد على التعرض لهم او مخالفتهم والحمد لله حتى الان لم نصاب بهذه الداء ونعمل دائماً على التصدى لهذه بكل السبل فاى مجموعة اصحاب بشكل اجتماعى فى المنتدىمقبولة بالطبع اما مجموعة منتفعين هدفهم الترويج لماركة معينة او تشويه سمعة ماركة اخرى فده مش مسموح بيه هنا ابداً ورغم كل ده بنشوف ناس بتهاجمنا هناك باننا متحيزين للصينى تاره وللكورى تاره اخرى ومرة يقولو احنا بنتحيز للكورى لمصلحة ابوغالى مع ان ابو غالى اوتوموتيف معندوش ولا ماركة كورى والماركة الوحيدة اللى تخصة هى المابل الصينى ولم نعرض عنها الا تغطية اعلامية لنزول العربية وحتى التست درايف امتنعنا عن قصد عن تغطيتة وغير كده هو ليه مراكز خدمة معتمدة من اوبل وبى ام زى ما ليه مراكز معتمدة من هيونداى وشيفرولية وماهنيندارا ومابل ومن المعلوم لاى انسان بيفهم ان التسويق لبراند مسئولية الوكيل اما مراكز الخدمة فملهاش علاقة بالتسويق للبراند نفسه من قريب او من بعيد ولو ليها كنا سوقنا للبى ام اللى لا يختلف عليها السواد الاعظم من الناس علماً باننا رفضنا عرض من البافارية لدعم الموقع مقابل الترويج لماهيندارا وسنرفض دائما وابداً اى عرض للترويج لاى ماركة بعينها كما هو اساس الموقع وسياستة الثابتة منذ تاسيسة علشان كده انا شخصياً لن اشترك فى اى موقف مع او ضد اى سيارة فقط لى حق التعليق والرد على كل راى بشكل مباشر فى حاله وجودة فى موقعنا غير كده كل اناء ينضح بما فيه والناس بقى عندها القدرة للتميز بين الغث والثمين اعتذر للاطالة لكن الموضوع كما اوضحت فى البداية له ابعاد اكبر من ما اوجزت فى هذه السطور |
| الساعة الآن 01:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017