علاقة نوع البنزين بالشكمان
 

انا بلاحظ حاجة غريبة بين نوع البنزين و الكمان
ازاى؟؟؟!!!!

بلاحظها أكتر فى عربية واحد صاحبي مقرب ليا
كل لما يغير نوع البنزين الشكمان يتخرم!!!!..غريبة
هى عربية لادا
مره هو جرب يحط لها بنزين 90 لاقاها ماشية مرتاحه معاه
فقرر مايحوطش غير 90
فى مرة كنا طالعين الساحل أيام لما كنا طلبة قلنا نوفر حطينا 80
على اللى جرا للعربية بعدها!!! يالهوووووى
كركرت احنا بقى مايهمناش الصوت
لما وصلنا الساحل العربية صوتها بقى عااااالى
لقينا الشكان مكسووور كسرة غريبة من الحتة اللى تحت الموتور على طول بعد المشترك
و مفيش غير حتة بتاعة 2 سم اللى ماسكاه
قلنا نروح نصلحه تانى يوم و كنا فى الشتا
أقرب حتة فيها ميكانيكى فى الحمام 20 كيو كدة
وصلنا الحمد لله و صلحنا الشكمان
و ندور نجرب مش راضية تدور و زق يا بيه زق ياخويا أبدا
طلع أبلاتين و كان يوم اسود
أحسن حاجة في اليوم ده ان احنا اكلنا سمك من الحمام بعد عناء كام يوم في الساحل على النواشف
وبعد كدة العربية فله

مرة تانية بنفس العربية
مكانش لاقى بنزية فيها 80 ف مطر يحط 90
الشكمان باظ برده مع انه كان لسة مصلحه
و سمعت من أحد الأعضاء أن الشكمان بتاعه باظ عشان مش مستخدم البنزين اللى ناصح بة المصنع
عاوز أعرف دا بقى من ايه بالظبط؟؟؟

رد: علاقة نوع البنزين بالشكمان
 

صدفة بس مش اكتر لان الشكمان ملوش علاقة مباشره بنوعية البنزين

رد: علاقة نوع البنزين بالشكمان
 

رد: علاقة نوع البنزين بالشكمان
 

انا مش شايف انها صدفة أبدا
لأن الشكمان لو شفه ساعتها تقول حت حديدة مصدية و بقالها 10 سنين فى الهوا مش شكمان ابدا

انا فى حاجة جت فى دماغى بس ممكن تكون صح
طبعا زي ما كلنا عارفين ان لما أغير نوع البنزين لازم أظبط الكهربا معاها عشان ما تكركرش
بالذات من 90 ل 80
و احنا مظبطناش حاجة
ف بيتهيألى على ما أظن أن البنزين مايكونش محروق كويس فبيطلع مواد بتاكل الحديد
أو اختلاط النوعين للبنزين و يتحرقوا مع بعض بيطلع مواد بتاكل الحديد

وطبعا ال لادا دي منتشرة أوي و كمان تاكسيات ف قطع غيارها رخيصة و بتتغير بسرعة
ف طبعا الخامات اللى بتتباع ليست على المواصفات القياسية
دا بتوع الشكمانات بيجيبوا صفيح و يطلعوا منه شكمان
هو طبعا ابداع بس خامات سيئة جداً

اللى عندة خبرة أو معلومات يقولنا عشان نستفاد كلنا

مستنى ردودكوا.................. ..............

رد: علاقة نوع البنزين بالشكمان
 

صح نوع البنزين يغير من عزم السيارة واشياء كثيرة

بس مش للشكمان مباشرة مثل 90 هو افضل نوع للسيارت با الذات الحديثة

رد: علاقة نوع البنزين بالشكمان
 

البنزين ليس له تأثير مباشر علي الشكمان
حتي لو له تأثير مش حيظهر من اول مره تغير فيها البنزين

رد: علاقة نوع البنزين بالشكمان
 

ممكن توضيح أكتر أ/ حازم
أصل كل لما يغير البنزين الشكمان يبوظ