|
بطء في التدوير
غيرت البطارية غيرت طقم الكهربا والبوجيهات غيرت للكربراتير آكس وباب وكلفني 120 جنيه والله وبعد كده العربية بتقوم بالعافية ، ياترى العيب إيه ؟؟؟؟؟؟
قالوا لي ركب سلك الشفاط علشان تسخن العربية معاك !!!! بس أنا مش مقتنع بالكلام ده ماهو فيه عربيات 128 كتير من غير سلك شفاط وبتدور بسرعة0 وبعدين أنا مش عاوز أحمل على المارش ولا البطارية فأخش في موال تاني أفيدوني أفادكم الله وكل عام وأنتم طيبين.... |
رد: بطء في التدوير
انا اسف والله, معنديش خبره فى ال128
|
رد: بطء في التدوير
حاول تغيرلها الموبينة كمان |
رد: بطء في التدوير
الموبينة لسه جديدة لانج ماباقالهاش أسبوعين؟؟؟؟؟؟؟؟؟؟؟؟؟؟؟
وأشكركم على الإهتمام............. |
رد: بطء في التدوير
طب انت متأكد ان التاخير ده مش من المارش نفسة او من البطارية والتاخير ده بيبقى فى اول دواره الصبح بس ولا على طول
|
رد: بطء في التدوير
البطارية لسه جديدة مابقالهاش أسبوع ...والموضوع ده بيحصل لما في أول دواره ولما العربية بتبرد عموما ً لكن بعد مالعربية بتسخن بتدور معايا على طول .
وهوه أنا شاكك أصلا في إن اللي صلح الكاربراتير ده مش كويس وخد فلوس عالفاضي بس حتأكد من الميكانيكي إنشاء الله بعد العيد .......وإن بعض الظن إثم... وشكراً على الإهتمام........... |
رد: بطء في التدوير
غير وش الاسبراتير !!!!!
ايوه ما تستغربش ممكن يكون وش الاسبراتير مرطب او الفحمه اللي جواه خلصت فبتخلي العربيه ما تدورش بسرعه و هيا بارده لكن لما بتاخد حرارتها العاديه تلاقي العربيه بتدور كويس حاول كده تغيره بواحد يكون نوعه كويس و بجمله المصاريف مش حتخسر حاجه. اما بالنسبه لتصليح الكاربيراتير انا مش بقتنع بالموضوع دا نهائي الافضل تشتري كابيراتير جديد او استعمال مهما كان غالي حيظبطلك العربيه ظبطه تمام |
| الساعة الآن 07:17 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017