الفولكس فاجن باراتى مارأيكم فيها ؟
 

السلام عليكم

كنت بفكر اشترى العربيه الباراتى وكنت عايز اعررف ايه هيا عيوبها وهل قطع غيارها غاليه بردو

زى بقيت الالمانى وهل هيا عربيه عمليه وعفشتها وموتورها ؟؟؟؟؟

وشكراااااا مقدما

رد: الفولكس فاجن باراتى مارأيكم فيها ؟
 

و الله لاينصح خالص بالعربيه دي
العربيه ضيقه
قطع غيار اغلى من البسات و الجيتا
التوكيل زي الزفت مش مدين اهتمام للعربيه
غير كده فهيا عربيه محترمه جدا
سريعه و ثبات و معمره
سعرها محليها شويه
شكلها غير مقبول يمكن ليا

رد: الفولكس فاجن باراتى مارأيكم فيها ؟
 

شكرا ليك جدا يا dr_3eshoo

على الاهتمام والرد

اما بالنسبه للشكل فهيا مش وحشه شكلها تحفه بصراحه وفعلا زى مانتا قولت ان سعرها هوا اللى محليها

بس انا فكرت فيها لان الالمانى لا يعلى عليه

وبالنسبه لمساحتها من جوة فاعتقد انها مش بطاله خصوصا انها على نظام الاستيشن

وديه شويه صور ليها

وياريت حد يكون جربها يرد ويقولنا رايه فيها ؟

رد: الفولكس فاجن باراتى مارأيكم فيها ؟
 

بصراحة هي من ناحية الشكل قيمة جدًّا خاصة لعشاق الهاتشباك اللي زي حالاتي
لكن سعرها كام ؟؟؟

رد: الفولكس فاجن باراتى مارأيكم فيها ؟
 

سعرها تقريبا 85 الف وده حسب اللى موجود فى

موقع كونتاكت كارز

بس فى سوال محيرنى هوا ان كل الالمانى اللى نازل جديد سعره

فوق ال 120 وال140 كمان وده المعروف عنه لكن ازاى الباراتى تكون بالمواصفات

ديه والسعر ده ؟؟؟؟؟

رد: الفولكس فاجن باراتى مارأيكم فيها ؟
 

الباراتي و البوينتر موديلات قديمة من فولكس بتتجمع في البرازيل

ده اللينك بتاعها

http://www.vwbr.com.br/automoveis/parati/1-6.aspx

و عشان كده سعرها منافس جدا

انا كان عاجبني جدا الباراتي بالنسبة لسعرها

بس فاكر ساعتها لما سألت عليها قالولي هتيجي كمان شهر

و مش عارف عشرين عربية و لا كام اللي هايجوا

فمستريحتش الصراحة من اولها ندرة

رد: الفولكس فاجن باراتى مارأيكم فيها ؟
 

بس هيا مش المشكلة انها بتتجمع فى البرازيل لان مصنع البرازيل بيطلع عربيات فاخرة برده بس هيا عربية اقتصادية فى تصنيعها وخامتها وعربية زى كده بصراحة الافضلية للكورى لتوفر قطع غياره وعدم احتكارها وتوفر مراكز الصيانة معتمدة وغير معتمدة + رخص قطع الغيار نفسة وده كلها حاجات مش موجوده فى توكيل فولكس كنا نتمنى ان التوكيل الجديد يقدر يقدم حلول لمعضلات الفولكس بس حتى الان اقتناء سيارة تحمل علامة فولكس حتى لو متصنعة فى البرازيل مكلف جدا