مصر موتورز مجتمع السيارات - مساعدة في اختيار موتور لإيبيزا99

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - مساعدة في اختيار موتور لإيبيزا99 (https://www.masrmotors.com/vb/showthread.php?t=15484)

مساعدة في اختيار موتور لإيبيزا99

السلام عليكم يا رجاله دلوقتي انا معايا إيبيزا99 الموتور ال1000 سي سي فوت وكده وبقي يجيب زيت عالبوجيهات وهسقط موتور بداله إن شاء الله يا 1400 او 1600 سي سي المهم لفيت الحرفيين لقيت الموتور ال1400 منه 59 حصان وفي منه 73 حصان فعلا متقدرش تحدد كام حصان لأن في اكواد مشتركة بينهم ولقيت ال1600 75 حصان يعني 2 حصان زيادة عن ال1400 ايه الأفضل في رأيكم ال1600 فرق 2حصان بس واغلي شويه ولا ال1400 اللي مش متأكد كام حصان؟ وده بالنسبة للسفر والتحميل وتشغيل التكييف والمواتير دي من 95 ل99 يعني تتسقط بسهولة علي عربيتي ارجو الرد بسرعة محتاج رأيكم لأن في واحد قاللي خليك في 1400 لأنه انعم من 1600 وبيجي مع الموتور طرمبة زيت باور للدركسيون اشلها ولا اخليها علما اني معنديش باور ومش ناوي اركبه...هتعبكم معايا ربنا يجعله في ميزان حسناتكم

مساعدة عاجلة في اختيار موتور لإيبيزا99

السلام عليكم يا رجاله دلوقتي انا معايا إيبيزا99 الموتور ال1000 سي سي فوت وكده وبقي يجيب زيت عالبوجيهات وهسقط موتور بداله إن شاء الله يا 1400 او 1600 سي سي المهم لفيت الحرفيين لقيت الموتور ال1400 منه 59 حصان وفي منه 73 حصان فعلا متقدرش تحدد كام حصان لأن في اكواد مشتركة بينهم ولقيت ال1600 75 حصان يعني 2 حصان زيادة عن ال1400 ايه الأفضل في رأيكم ال1600 فرق 2حصان بس واغلي شويه ولا ال1400 اللي مش متأكد كام حصان؟ وده بالنسبة للسفر والتحميل وتشغيل التكييف والمواتير دي من 95 ل99 يعني تتسقط بسهولة علي عربيتي ارجو الرد بسرعة محتاج رأيكم لأن في واحد قاللي خليك في 1400 لأنه انعم من 1600 ياريت بسرعة يارجالة محتاج رأيكم ضروري

رد: مساعدة عاجلة في اختيار موتور لإيبيزا99

ايه يارجالة اي حد يفدني برأيه

رد: مساعدة عاجلة في اختيار موتور لإيبيزا99

ال1400 الابيزا نزلت بيه في مصر و قطع غياره موجوده و سحبه كويس
و ال2 حصان دول مش حيفرقوا حاجه.
توكل علي الله بس هات الموتور بالفتيس بالكنترول يونت بالضفيره كااااااامل
علشان تركب حاجه الموتور كله علي بعضه

رد: مساعدة عاجلة في اختيار موتور لإيبيزا99

جزاكم الله خير ياحازم

تحويل العربية لباور مع تغيير الموتور

السلام عليكم ورحمة الله.....كل سنة وانتم طيبين تقبل الله منا ومنكم
دلوقتي انا موتوري1000 سي سي فوت وانا داخل علي تغيير موتور 1400 او1600 الأثنين جايين بطرمبة باور وانا كان عندي عادة مش باور في ال1000 فممكن امشي بعلبة الدركسيون العادة مع تسقيط الموتور عشان مدخلش نفسي في الباور ومشاكله وتكاليفة لأني ساعتها هجيب خراطيم وخزنة زيت وكده ولا اتوكل علي الله ومشيها باور

العربية:سيات ايبيزا99

رد: تحويل العربية لباور مع تغيير الموتور

هو مفيش مانع انك تركب الباور ومش صعب بس انا رائى تجرب العربية بعد تسقيط الموتور الجديد اذا متقبلها من غير باور يبقى وفر على نفسك التكاليف والصيانة العربية من غير باور اكثر اعتمادية وامان وخاصة لو عربية صغيره سهل التعايش معاها من غير باور بس خد بالك الموتور الجديد اكيد اتقل فى الوزن واكيد اكيد حركة الدريسكيون هتبقى اتقل معاك خاصة لو العربية محملة لكن اثناء الحركة من غير باور افضل