فئه جديده من الخليجي للنيو سيراتو
 

يا جماعه دي اول مشاركه ليا وانا بعد لف كتير استقريت علي الالنترا ولقيت واحده خليجي 2009 زيرو بجنوط وفتحه سقف وكاسيت بيلت ان وسوداء ودي سعرها نزلتو 4000 عن ال 2010 وانا رايح اخلص والدي قلي تعالي نبص علي المعرض الي جنب البيت روحت عندو اعد يقنعني بالسيراتو ويوحش في الالنترا مع ان الاثنين عندو وانا جايلو زبون لقطه هشتري النترا في زمن كله بيجيب سيراتو وكمان موديل مركون . وكل اصحابي بردو اقنعوني بيها بس انا كانت مشكلتى في الفلوس فصاحب المعرض قالي انا جيالي مواصفه ب105 خليجي بالكماليات الاساسيه و يذيد عليها جنوط 15 + فوجات و الكاسيت بيلت ان والمرايا كهرباء و بردو اللون الي انا عاوزو اسود . قولت الف و اسال لقيت السوق كل الي فيه خليجي بدون جنط ولا فوجات ب104 فانا ارجو المشوره لحسن تكون مقلب ودي تحويشه العمر فلو اي حد عندو معلومه عن المواصفه دي يا ريت يقولها عشان السيراتو دي الاستلام بكره وانا قلقان و شكرا .

رد: فئه جديده من الخليجي للنيو سيراتو
 

بس انا عندي راي لو انت في مصر ابعد عن الخليجي علشان مش هتلاقي مكان تتصلح فية يعني الوكالة مش هترضة تاخد منك السيارة تتصلح فوجهة نظري انك تشتريها من الوكالة افضل بس عموما السيراتو افضل بمرراحل من الالنترا

رد: فئه جديده من الخليجي للنيو سيراتو
 

ممكن استاذ سيف مشرف القسم التجارى يرد عليك بالتفصيل فى فروق الاسعار بتاعة الخليجى بس عامة الخليجى فيه منه مواصفات كتير وكل مواصفة بسعرها وظروف معرضها فاذا انت شايفة كويس استخير ربنا وتوكل على الله
بس مهم تستلم العربية كويس وتتأكد من سلامة مكوناتها الظاهرية كلها طبعاً علشان مفيش ضمان

رد: فئه جديده من الخليجي للنيو سيراتو
 

مبدئيا يا رجاله شكرا علي الردود و انا من مصر بس الخليجي ممكن يدخل صيانه عادي جوه التوكيل بس في حاجه انا سمعتها قلقتني شويه و هي موضوع العزل الحراري و قريت كتير علي الموضوع ده بلاقي مشاركات كتير و بيتجاب فيها سيرت الموضوع ده بس مفيش رد صريح و ناس قلتلي الخليجي فيها عزل و تصفيح فمش عارف اعمل ايه فيا ريت لو حد عنده معلومه اكيده يفيدني و لكم جزيل الشكر .

رد: فئه جديده من الخليجي للنيو سيراتو
 

عزيزى اولا الانترا عربية كويسة والسيراتوا وزى مبنقول دائما الزمن القادم زمن كيا
عربية كويسة وبها موصفات كثيرة احنا حتى فى بعها بنتلخبط جدا كل يوم مستورد يجيب من بلد بمواصفة وسعر وسعرها كل يوم متغير
وموضوع الضمان للخليجى اليوم ممكن تشترى ضمان بسعر من 2500 الى 3000 وتتعامل مع كل مراكز الخدمة التابعة للوكيل عدا انك تتعامل مباشرتا مع الوكيل
اسال المعرض فى ان العربية ال عندة من الانترا وكيل ولا خليجى
والسيراتوا هتجدها فى اغلب المعارض خليجى
هتجد فى السيراتوا الفروق بسيطة فى السعر لختلاف الموصفات يعنى ممكن تجد عربية زى الثانية فى كل الموصفات الاساسية بس تجد سعر واحد اعلى من الثانية بشى بسيط لوجود 3 مخادع فى الخلف بدل 2 مخدع
شوف حضرتك محتاج اية وان شاء الله نقدر نساعدك فى شى كويس وسعر معقول

رد: فئه جديده من الخليجي للنيو سيراتو
 

رد: فئه جديده من الخليجي للنيو سيراتو
 

ربنا يكرمك ان شاء الله و يوفقك
العربيتين ممتازين و معظم المكونات واحده فى الإتنيت (هيونداى و كيا شركه واحده) بس السيراتو شكل جديد و اوسع و مفيهاش مشاكل و ربنا يوفقك ان شاء الله