احتاج مساعده ل 405 بيجو استيشن..حد عنده فكره
السلام عليكم ورحمه الله وبركاته
انا لسه جايب عربيه اول امبارح بيجو 405 موديل 1991 فبريكه بره وجوه ماشاء الله عليها موتورها 1600 سي سي بس اوتوماتيك و استيشن انا عايز اعرف ايه عيوب العربيه دي وكده علي ما ان عايز اعرف هو صوت الموتور عالي ليه و العربيه مش بتسحب لانها مش بتحرق علي الغيار يادوب بتيجي علي 20.5 في rpm و تروح جايبه النقله ف العربيه تحس انها مكتومه ومش بتجري الجريه اللي هيه متعودها في البيجو وحاجة كمان عايز اسئل عليها عايز اعرف سعر الشكمان كامل بتاعها الاصلي عامل كام...و الكشاف الامامي بيعمل كام التيواني ولو حد يعرف العربيه في كذا لمبه كده بتنور في التابلو عندي واحده لونها احمر كده وبتدي حرف K و التانيه لمبه لونها برتقالي وديره وطالع منها نور دي ايه بقي وياريت تقولي العربيه فبريكه بره وجوه ومتورها عامل 200 اللف وهيه موديل 91 لونها احمر و استيشن تعمل في حدود كام في السعر وشكرا اووي لو حد ساعدني |
رد: احتاج مساعده ل 405 بيجو استيشن..حد عنده فكره
يا صديقى مبروك عليك العربية و ربنا يكفيك شرها
الحقيقة انا أول مرة أسمع عن بيجو 405 1600 استيشن اوتوماتيك من فضلك تتأكد من الرخصة و الموتور لأن الاوتوماتيك فى ال 405 نزل فى ال 405 البرستيج ال 2000 س س فقط أما بالنسبة للأنوار اللى فى التابلوه .... لازم تبعت صور عشان نقولك هى ايه و عموما ... المفروض ان مفيش لمبات تنور فى التابلوه و العربية ماشية الا لو عندك عطل أو خلل فى النظام بالنسبة للأسعار ممكن تلاقيها فى موضوع (كل ما يخص 405) الايميل بتاعى m2rizk@yahoo.com |
رد: احتاج مساعده ل 405 بيجو استيشن..حد عنده فكره
الله يباااارك فيك ياباشا وهيه زي مانا ذكرت بظبط لو تقدر تفيدني اكتر يارييت وانا متاكد من سعه الموتور هيه 1600 سي سي
اوتوماتيك استيشن :) وهيه موديل 91 و اللمض اللي في التابلو دي انا عرفت ان في واحده بتاعت اعطال و التانيه للكمبيوتر علي حسب ما الكهربائي قالي |
رد: احتاج مساعده ل 405 بيجو استيشن..حد عنده فكره
ضرتك العربيه دي كانت جيه معوقين لا ال 1600 الاوتو مبينزلش غير معوقين بس
و بخصوص تاخير النقله بسيطه جدا هتشد سيلك الكيك داون حاجه بسيطه و الدنيا هتبقي حلوه |
رد: احتاج مساعده ل 405 بيجو استيشن..حد عنده فكره
معلش ممكن تفهمني ازاي ... لان معظم العربيات الاوتوماتيك بيبقي فيها زي كبسه كده زياده في دواسه البنزين بتحرق علي النقلات و بيبقي فيها زرار هولد برضه بيدي نفس القوه
لكن دي لا فيها كده ولا كده وياريت تقولي بخصوص برضه اللمبه اللي بتنور في التابلو علي شكل حرف k كده بالاحمر ومعلش حاجة كمان اسعار الطنابير الاماميه ليها بكام وشكرا |
رد: احتاج مساعده ل 405 بيجو استيشن..حد عنده فكره
سعر الطنابير العندك ب 180 جنيه البندك و مدام هتغير طنابير غير تيل فاليو ب 95 جنيه و سيلك الكيك دوان ده هتلقيه جي من الفتيس هلي نحيه الكلبرتير كده ده ليه سموله بيتشد منها و هتبقي تمام
|
رد: احتاج مساعده ل 405 بيجو استيشن..حد عنده فكره
تسلم ياباشا يعني انا اروح لمكنيكي اخليه يشدلي السيلك بتاع الكيد داون ولا اروح لمين
|
الساعة الآن 11:21 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017