|
موتور لابيزا
السلام عليكم
انا لسة شاري ابيزا 1993 1300 مانوال كاربراتير الموتور خفيف .. فكنت عايز اغير الموتور خالص .. عايز اجيبلها موتور 1600 انجيكشن .. ينفع ولا لا .. وهيتكلف كام الموتور بتركيبه ؟ دي النقطة الاولي .... النقطة التانية .. لو حبيت اجيبلها موتور 1600 بفتيس اوتوماتيك .. ينفع ولا لا ويتكلف كام؟ النقطة الاخيرة باة ... لو عايز اجيبلها موتور 1600 اوتوماتيك وتكييف كمان .. يتكلف كام؟ ياريت يا جماعة اي حد عنده معلومة يقولها .. وشكرا مقدما ... |
موتور لابيزا 1993
السلام عليكم
انا لسة شاري ابيزا 1993 1300 مانوال كاربراتير(مش سيستم بورش) الموتور خفيف .. فكنت عايز اغير الموتور خالص .. عايز اجيبلها موتور 1600 انجيكشن .. ينفع ولا لا .. وهيتكلف كام الموتور بتركيبه ؟ دي النقطة الاولي .... النقطة التانية .. لو حبيت اجيبلها موتور 1600 بفتيس اوتوماتيك .. ينفع ولا لا ويتكلف كام؟ النقطة الاخيرة باة ... لو عايز اجيبلها موتور 1600 اوتوماتيك وتكييف كمان .. يتكلف كام؟ ياريت يا جماعة اي حد عنده معلومة يقولها .. وشكرا مقدما |
رد: موتور لابيزا
وعليكم السلام ورحمة الله وبركاتة
مبدئيا انت بتتكلم عن موديل 93 الجيل الاول ولا التانى SEAT Ibiza Mk1 ولا SEAT Ibiza Mk2 ده علشان تحدد المواتير اللى تركب بالظبط ثانيا سواء ديه او ديه ينفع تركبلها موتور 1600 حتى اعلى كمان بس لازم تغير كل ما يلى الموتور والفتيس وقواعد الاتنين ووحدة ال ECU يعنى مكنة بكل حاجتها بس الاهم من كل ده انك تغير العفشه والا مش هتستحمل المكنة الجديدة التكاليف بقى صعب تتحدد الا والحاجة قدامك والميكانيكى جمبك |
رد: موتور لابيزا
شكرا يا باشا علي الرد ..
بصراحة انا معرفش عربيتي جيل اول ولا تاني ... بس عموما هي شبه ال 94 مش شبه ال 92 .. وياريت حضرتك تقولي اعرف ازاي عربيتي جيل اول ولا تاني ... ثانيا انا عايز اعرف هتتكلف في حدود كام مش عايز رقم بالظبط تحياتي وشكرا لاهتمامك |
رد: موتور لابيزا
روحت فين يابو نورا ...
منتظر ردك ... وعربيتي جيل تاني |
رد: موتور لابيزا
انا اسف والله اتاخرت عليك
عربيتك الجيل التانى حسب كلامك https://upload.wikimedia.org/wikiped...t_20071004.jpg https://upload.wikimedia.org/wikiped..._rear_view.jpg وزى ما قولتلك المواتير بتاعة الفولكس كتير سواء 1600 او 1800 او 2000 سى سى اللى بيركب فى الجولف 2 يركب عندك بقواعدة بكل حاجته بس الاسعار ايه بجد معرفش خالص فى مواتير الفولكس وتخمين سعر فى الايام ديه شبه مستحيل زى مانت عارف كل التجار بيسعرو بمزاجهم بحجة الدولار وقلة البضاعة لكن هقولك انا لو مكانك احط ميزانية من 8 - 10 الاف جنية واعمل حسابى ان المكنة بحاجتها متزيدش عن 5 واعمل حساب مصنعيات الفين جنية والف طقم سرفيس زيوت وفلاتر وبوجيهات وسيور وسيرفيس فرامل وعفشه اقل حاجة ده لو مش هنغير فيهم هما كمان وانت شطارتك مع التتجار والصنايعية اخيرا زى ما بقول دايما مشوار تغيير المكنية بيدباء وينتهى عند الميكانيكى لو مش معاك ميكانيكى تمام وخبرة فى تسقيط مكن الجولف هيخسرك وقت وفلوس والعكس لو كويس هيوفرلك ويشترى معاك ويفاصل فابداء بالميكانيكى الاول وشاورة وانزل اتمشى فى الحرفيين وورا حديقة بدر هتلاقى تجار قطع غيار الفولكس والورش مفيش اكتر منها واسمع بنفسك وخد فكرة هتوصل لارقام واقعية اكتر |
| الساعة الآن 08:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017