مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   اجهزة تشخيص الأعطال (https://www.masrmotors.com/vb/forumdisplay.php?f=224)
-   -   استفسار عن اجهزة التشخيص (https://www.masrmotors.com/vb/showthread.php?t=144925)

omarusama 27-04-2016 06:26 PM
استفسار عن اجهزة التشخيص
 
ارجو الافاده
هل اجهزة التشخيص واحده .. يعنى لو عندى جهاز ELM 327 USB وعندى خبره جيده سواء بالويندوز او اللينكس واشتريت معاه برنامج OBD Auto Doctor هل يمكن ان اتعامل مع جميع انواع السيارات .. وهل فيشة الاعطال DLC واحده فى الشكل والتوزيعه .. يعنى برجاء التوضيح

وائل شريف 27-04-2016 07:08 PM
رد: استفسار عن اجهزة التشخيص
 
تقدر تقول عربيات كتيير ولكن بامكانيات محدودة، قيمكن الكشف علي الموتور فقط وبعض الحالات الفتيس ولكن لا يوجود فرامل او اي اجهزة اخري

omarusama 27-04-2016 07:24 PM
رد: استفسار عن اجهزة التشخيص
 
شكرا على الرد السريع ..
طيب ممكن اطمع فى شرح اوسع .. ممكن اشترى ايه علشان احاول ابتدى واكون شغال فى المجال بشكل معقول

ahmed_eng2001 27-04-2016 08:29 PM
رد: استفسار عن اجهزة التشخيص
 
حضرتك تقصد تشتغل فى تشخيص الاعطال ؟ و لا انت عاوز حاجة صغيرة تكشف بيها على عربيتك و تعرف العيب ؟

لو حضرتك عاوز حتشتغل فى التشخيص ... حتحتاج جهاز افضل من وصلة ال USB و اللاب توب العادى
اجهزة متوسطة للتشخيص ... زى اللانش و زى ال G Scan و دول تقريبا يعملوا 15 الف جنيه.... و فيه حاجات اعلى من كدة و ممكن ثمنهم يصل ل 30 الف جنيه ... و دول اجهزة عامة تنفع لانواع عربيات كتير

فيه اجهزة متخصصة ... بتشتغل على انواع معينة ... زى مثلا فيه جهاز بيشتغل على المرسيدس فقط ... بداية من عربيات الركوب و حتى الشاحنات الكبيرة
الاجهزة دى بتخليك تعرف العطل .... تمسح الاعطال ... تتحكم فى بعض الحاجات فى العربية .. و ممكن تدى اوردرات لبعض الاجزاء على حدة ... للمساعدة فى التشخيص

omarusama 27-04-2016 09:40 PM
رد: استفسار عن اجهزة التشخيص
 
شكرا لحضرتك على الرد .. هو انا عوز اشتغل فى المجال ده . لكن فى سؤال .. هل الاجهزه الكبيره دى والغاليه لمجرد ان مفيش بديل عنها ببرامج على الكمبيوتر .. ولا لأن الاجهزه الغاليه دى فيها كمبيوتر ومريحه اكتر .. يعنى هل استطيع التعامل من خلال اجهزه على اللاب توب ولا لازم الاجهزه اللى انت ذكرتها

ahmed_eng2001 28-04-2016 04:58 PM
رد: استفسار عن اجهزة التشخيص
 
اقتباس:
المشاركة الأصلية كتبت بواسطة omarusama (المشاركة 1050618)
شكرا لحضرتك على الرد .. هو انا عوز اشتغل فى المجال ده . لكن فى سؤال .. هل الاجهزه الكبيره دى والغاليه لمجرد ان مفيش بديل عنها ببرامج على الكمبيوتر .. ولا لأن الاجهزه الغاليه دى فيها كمبيوتر ومريحه اكتر .. يعنى هل استطيع التعامل من خلال اجهزه على اللاب توب ولا لازم الاجهزه اللى انت ذكرتها
العفو يا فندم .... كلنا بنتعلم من بعض...
ممكن حضرتك تعمل بحث على النت و تتفرج على شكل الجهازين دول ... لانش برو 3 .. و الجى سكان 2

اللانش برو عامل زى النوت باد التتش ( اللمس ) و هو بالفعل نوت باد لينوفو ... و متحمل عليه السوفتوير بتاع اللنش ... و اتصاله بالكومبيوتر بيكون لنقل المعلومات زيه زى اى نوت باد .. و احدث اصدار فيه ... الفيشة الى بتتوصل بالعربية تعمل بلوتوث
الجى سكان حجمه اصغر و بيتوصل بالكابل بفيشة العربية ... و الاصدار الحديث منه ... مش بيحتاج شحن او كهرباء خارجية ... بيشتغل على كهرباء فيشة العربية .. و هو الجهاز المعتمد من كيا و هيونداى .. و يتميز بامكانياته العالية فى التعامل مع السيارات الكورى و اليابانى و الايرانى.. و ضعيف شوية فى تعامله مع الامريكى و خاصة الليبرتى .. و متوسط مع الاوربى و نص نص مع الصينى
اللانش .... انتشاره اكتر ... يعنى بيتعامل مع الكورى و اليابانى ... و كمان الاوروبى و الصينى و الامريكى
للأسف ... لو حتشتغل باحتراف ... مش حينفع معاك البرامج الى على اللاب توب
و على حد علمى .... قريبا ان شاء الله .. فيه جهاز حينزل بيكود المفاتيح و يكشف الاعطال معا
ربنا يوفقك


الساعة الآن 06:40 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017