اشتريتها وللان لم استمتع بها
 

السلام عليكم ورحمة الله
انا بفضل الله اشتريت عربية لادا روسى موديل 94 ب 20000 الف واخويا كان الوسيط على اساس انه بيفهم شو يه فى العربيات المهم العربيه بتطلع دخان من يحت الموتور وناس كتير قالت الموتور خفيف قالوا عليه الفايظ وبصراحة انا خبرتى فى العربيات لا تتعدى 1 على مليون ناس نصحونى اركب طقم شمبر وناس قالوا عايزه عمره وناس تانيين قالولى حطلها زيت تقيل شوية ولما ادور العربية علشان اسخنها ساعات تدور وساعات ما تدورش واخدت البطارية وشحنتها دارت شويه وبعدين فصلت خالص بس للعلم لما انزل وادوس على طرف البطاريه اللمبات تنور وتدور لكن سرعان ما تبطل يا ترى دى مشكلة بطاريه ولا الموضوع اخطر من كده ارجوكم افيدونا انا اشتريتها علشان اتمتع بيها وبتعلم عليها السواقة والحمد لله قربت اتعلم لكن اللى بيحصل ده انا مش فاهمه يا ريت حد يفهمنى اروح لمين كهربائى ولا ميكانيكى ولا اغير البطاريه ولا ايه بالظبط

رد: اشتريتها وللان لم استمتع بها
 

اهلا بيك فى المنتدى ..
لو العربية بتطلع دخان كتير من خركوم الفايظ ... فى الغالب ده بيكون طقم شنبر .... الصنايعى يفك الومتور ... و يطلع البساتم برة .. و يبص على كل حاجة ... لو محتاجة خراطة للشمايز او الكرنك او وش السلندر .... دى بيسموها عمرة كاملة ... و مش حتتعرف الا بعد فك الموتور
و دى مشكلة للميكانيكى

اما مشكلة البطارية ... فدى محتاجة كهربائى ... يقيس البطارية .. و يشوفها كويسة و لا محتاجة تتغير ... و كمان يراجع على الكابلات و التوصيلات

رد: اشتريتها وللان لم استمتع بها
 

شكرا جزيلا على ردك السريع

رد: اشتريتها وللان لم استمتع بها
 

اية راى حضرتك لو ركبتلها موتور جديد انا رحت لميكانيكى وقلت له انا جايبها اتعلم عليها السواقة وبعدين هابيعها وعارف انى اخسر فى تمنها فقلى خلاص هاركب طقم بوجيهات وشويه حاجات كدة تتكلف 200 جنيه وامشى بيها 5 او 6 شهور بس ما تقرص عليها فتكلمت معاة فى موضوع الموتور الجديد قالى هيتكلف زى 3500 جنيىه بالمصنعية وهتشترى دماغك ايه رايك انه الصح علشان اعمله وشكرا على تجاوبك

سامحونى على كثرة الاسئلة
 

لكن والله انا زى الغرقان
عايز اعرف ايه الحل الافضل لمشكلة الفايظ
يا ريت التوضيح الله يكرمكم

رد: سامحونى على كثرة الاسئلة
 

ولا يهمك يا استاذ سعد ومتضايقش نفسك ان شاء الله خير وكل مشكلة وليها حلول

ديه موضوعات فيه شرح كامل وتجارب لزملاء فى المنتدى ان شاء الله تفيدك
الموتور بينفخ جامد من الفايظ اية الحل ؟ - مصر موتورز مجتمع السيارات

الموتور الخفيف وعلاجة - مصر موتورز مجتمع السيارات

خروج هواء من خرطوم الفايظ - مصر موتورز مجتمع السيارات

ولو استخدمت محرك البحث هتلاقى مواضيع اكتر عن مشكلتك ومشاكل الادا عموما وربنا يوفقك

ده رابط محرك البحث وتقدر توصله من القائمة فى مقدمة المنتدى فوق
ظ…ط*ط±ظƒ ط¨ط*ط« ظ…طµط± ظ…ظˆطھظˆط±ط² - ظ…ظˆط§ظ‚ط¹ ط§ظ„ط³ظٹط§ط±ط§طھ ط§ظ„ط¹ط±ط¨ظٹط©

رد: اشتريتها وللان لم استمتع بها
 

لو تعرف تجى بها صقرقريش المعادى وانا اقول لك الحل المضمون لها