هل i10 عربيه سفر و كده
 

سؤال جيه فى دماغى امبارح بعد مكالمه من زميل لينا فى المنتدى بيسالنى هو العربيه دى تنفعه ولا لالآ

و هو اصلا بيعمل فى حدود كل اسبوع 400 كيلو سفر غير مشاويره اللى داخل البلد و كان بسالنى العربيه تستحمل ولا لآ


و كان ردى عليه ان العربيه اصلا مصنفه انها تكون سياره مدينه يعنى مش بتاعه سفر كتير

لان العربيات المخصصه للسفر بيكون المصنع واخد باله من انها هاتمشى كتير على سرعات عاليه و بالتالى بيحاول بقد الامكان انه بيكون مريح الماتور بتاع العربيه على الرعات دى

ومدام الاى 10 مصنفه كسياره مدينه يبقى النقطه دى مش متوفره فيها على ما اظن

و ده كان رائى بناء على تحليلاتى لانى ما جربتش الاى 10 دى خالص

فما رايكم ادام الله فضلكم

رد: هل i10 عربيه سفر و كده
 

هتكون مجازفة ptmnlo123per1127

رد: هل i10 عربيه سفر و كده
 

رد: هل i10 عربيه سفر و كده
 

لآ طبعآ تنفع ونص ! أنا لا ركبتها ولا لى مصلحه ولكن أى سياره تستطيع بلوغ أى مكان

حتى من القاهره الى أسوان ! بس العبره بالصيانه وطريقة القياده والاستعمال !

يعنى أنا كان عندى سيات 133 لمدة 16 سنه ! كنت بأسافر بيها من المنصوره للقاهره صد رد !

ومن القاهره للاسكندريه ومن المنصوره لبورسعيد و بمتوسط سرعات 100 كم/ الساعه !

و كنت بأسابق بها أى سياره ! بس كان ايدى فيها على طول ! ما بهبدهاش فى رصيف !

ما بطيرش بيها فوق مطب وأنزل منه فى حفره ! الخلاصه العربيات الصغيره دى عايزه

" سواق " يعنى واحد بيفهم كويس جدآ فى العربيات وعارف امكانياتها وامتى يقرص عليها

وامتى يسايسها وامتى يلم الدور ! وطبعآ الآى تن موتورها أكبر من السيات وتكنولوجيا متفوقه

حوالى 30 سنه ! هذا رأيى والآجر على الله !

Dr. Bolbolan ptmnlo123per122

رد: هل i10 عربيه سفر و كده
 

انا معاك ان اى عربيه ممكن تمشى بس مع كامل احترامى السؤال يكون عل هى انسب عربيه للسفر بهذا بالسعر؟؟ و اعتقد ان فى عربيات كتير انسب فى السفر و بسعر مفارب جداً

رد: هل i10 عربيه سفر و كده
 

يا باشا أنا اجابتى كانت عن سؤال الآخ اجابه محدده لسؤال محدد ! تنفع تسافر أم لا ؟

ولم يكن السؤال ما هى أنسب سياره للسفر بسعر مقارب للآى تن ؟

ربما صاحب السؤال عاجباه العربيه وربما أمامه واحده مستعمله ولقطه ! يبقى ما غلطناش ؟

وبعدين 400 كم فى الاسبوع دى مش سفر ! عمومآ ممكن حضرتك تجاوبه عن أنسب عربيه

للسفر بسعر مقارب علشان احنا كمان نستفيد ! وأهلا بك زميل جديد بالمنتدى !

Dr. Bolbolan ptmnlo123per122

رد: هل i10 عربيه سفر و كده
 

السؤال بياع انسب عربيه للسفر بسعر مقارب سؤالى انا و اقصد بيه اقصى مساعده و نصح لصاحب السؤال الاصلى
اما من حيث السيارات ذات السعر المقارب (فرق 3000-6000 جنيه) فهى:
و هذه اسعار الـi10 للمقارنه ( i10 مانيوال تكيف و باور بـ 59الف و مانيوال جميع الكماليات بـ 64الف و اوتوماتيك بـ 72الف)

-هيونداى فيرنا مانيوال تكيف و باور 65الف و مانيوال جميع الكماليات 68الف و اوتوماتيك 75الف
-الدايو لانوس تكيف و باور 66500 و كل الكماليت 70الف
-رينو لوجان مانيوال 63الف و مانيوال كل الكماليات 67الف
-كيا بيكانتو (سياره من نفس الفئه ولكنها اوسع و مساحه تخزين اكبر قليلاً و اكثر ثباتاً على السرعات العاليه اللازمه للسفر) و اسعارها بيكانتو بايسك 55الف و منيوال تكيف و باور 60الف و مانيوال كل الكماليات 63الف و اوتوماتيك 70الف
-هذا بخلاف السيارات الصينى مثل سبيرانزا(a516 مانيوال كل الكماليت 68الف) و السياره سابيا برايد (ارخص و انسب) و الكثير من السيارات فى نفس الفئه السعريه

و شكراً لإهتمامك و انا يشرفنى انى اكون عضو جديد فى هذا المنتدى المتميز و إن شاء الله مع الوقت و إكتساب الخبرات و المعرفه اكون عضو قديم مفيد فى المنتدى
و ارجو ان تتقبلنى كأخ اصغر يريد الإستفاده من هذا المنتدى و شكراً
ptmnlo123per1147