عندي مشكلة كرولا 2004 الرجاء الافاده
عندي مشكلة في العربيه ( كرولا 2004 اوتوماتيك 1300cc)
السحب بتاع العربيه ملاحظ انه ضعف بعد تشغيل العربيه صباحا و اعطائها ال D و الضغط على دواسة البنزين تسارعها بطيء ثم يزيد رحت للميكانيكي قالي المشكلة في علبة البيئه غيرتها و مفيش فرق جرب هو غير طلمبة البنزين برده مفيش فرق و رجعت ركبت القديمه تاني غيرت رشاشات و برده مفيش فرق و رجعت ركبت القديمه تاني غيرت حساس كامه برده مفيش فرق و رجعت ركبت القديمه تاني غيرت حساس العمه برده مفيش فرق و رجعت ركبت القديمه تاني الرجاء الافاده و شكراً |
رد: عندي مشكلة كرولا 2004 الرجاء الافاده
الفتيس بياخد نقلاته مظبوطة وبيطلع على الاول عادى ولا ايه ؟؟
ارجو توضيح المشكلة بشكل اكتر علشان نقدر نساعد حضرتك |
رد: عندي مشكلة كرولا 2004 الرجاء الافاده
الفتيس بياخد نقلاته للاول مظبوطه بس العربيه عموما سحبها مش قوي و مش مظبوط
و شكراً على الرد |
رد: عندي مشكلة كرولا 2004 الرجاء الافاده
اقتباس:
بالنسبة للمشكلة هل فى اى اعراض فى الموتور زى تنتيشه او رعشه او اى حاجة مش طبيعية ؟؟ لمبة الاعطال منورة ولا لأ ؟؟ هل المشكلة حصلت فجاه بعد اخر تفويله بنزين ؟؟ لو كل ده تمام راجع على البوبينه ممكن تكون كهربتها ضعيفة وممكن حساس الكرنك .. متابع معاك .... |
رد: عندي مشكلة كرولا 2004 الرجاء الافاده
مش متاكد اذا كان بعد اخر تفويله بس فولت اكتر من مره بعدها و مفيش فرق
و لمبة الاعطال مش منوره و لسه مغير بوجيهات العربيه ماشيه 110 الف اعتقد مش عيب بوبينه ولا اجرب ملحوظه : من فتره لمبة الحساس نورت و كشفت لقيته حساس كامه و الميكانيكي طفاها و قالي هنغيره بس منورتش تاني و غيرت الحساس و جربت و مفيش فايده شاكر جداً لحضرتك و اهتمامك |
رد: عندي مشكلة كرولا 2004 الرجاء الافاده
هل ممكن يكون بدي بلف فتيس ( الميكانيكي شاكك في كده )
بس قولت مش هجرب تاني |
رد: عندي مشكلة كرولا 2004 الرجاء الافاده
هل ممكن يكون بدي بلف ( فتيس ) الميكانيكي قالي كده
|
الساعة الآن 05:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017