أسألة عن بيجو 505
 

رد: أسألة عن بيجو 505
 

بص يا سيدي

الفروقات بين الموديلات بتبقي في الكماليات و في بع الاوقات في الموتور و الجير بوكس

و عموما بلاش الاوتوماتيك القديم هو كويس بس تعب بمعني اصح المانيوال افضل في ال 505


و مفيش 505 gti في مصر

و الفروقات هتلاقيها بين الموديلات القبل 86 و الموديلاتالبعد ذالك الهو موديل الطيارة

و بالنسبه لقطع الغيار هي 75 % من قطع غيارها نفس قطع غيار ال 504 و اسعارها معقوله



تيل الفرامل الاسباني ب 40 جنيه

لطنابي الاماميه ب 100 بيقولو اصلي

و هككذا هذا المنوال و اسف علي التاخير

رد: أسألة عن بيجو 505
 

بص يا زعيم
احنا كان عندنا 505 SR موديل 83
و دي كانت اوتوماتيك و مكيفة و باور و فيها سنتر و الزجاج الامامي كهرباء (مواصفات خليجي لانها كانت من الكويت)

بالنسبة للاوتوماتيك لازم تكشف عليه كويس لو ما فيهوش مشاكل توكل علي الله بس اعمل حسابك اي حاجة فيه في الغالب هتتجاب استيراد.

قطع الغيار زي ما نور باشا قالك متوفرة و سعرها معقول.

بشكل عام العربية كويسة و متورها لو حالتة كويسة جبار و صاجها تقيل و العربية ثباتها كويس
و عيوبها ان حجمها كبير سنة ففي الزحمة و الركنة بتتعب و استهلاكها للبنزين عالي

رد: أسألة عن بيجو 505
 

رد: أسألة عن بيجو 505
 

بالنسبة لعربيتنا كان اقل حاجة 90
يمكن عشان خليجي
الباقي معنديش فكرة بصراحة

رد: أسألة عن بيجو 505
 

اي عربيه كلبرتير يشتغل عليها البنزين ال 80 عادي ب لو العربيه اتظبت صح

رد: أسألة عن بيجو 505
 

كانت عندنا موديل 80
ال GR من غير اي كماليات خالص
ال SR بتبقي فيها باور و زجاج كهربائي و فتحه سقف
و فيه منها بتكييف بس من غير فتحه سقف.
(فتحه تانك البنزين بتبقي علي الشمال و مسطخه و علبه الشكمان علي اليمين)

موديلات ما بعد ال 83 و لحد 86 كانت كالأتي
GL من غير كماليات
SL بكماليات
(بمعني اصح حرف ال R استبدل ب L )
و دي بتعرفها من تانك البنزين
بيبقي علي اليمين و مرفوع لفوق ناحيه السوكه العلويه و علبه الشكمان الخلفيه علي الشمال
مع بعض التعديلات الطفيفه الداخليه
(الساعه في الكونسول الوسطي ديجتال مش بعقارب زي الموديل الاول )
و طاره الدركسيون نفس الطاره و لكن اسد بيجو لم يعد في المنتصف ولكنه تحرك الي اليمين.

موديلات ما فوق ال 86
ظهر فيها تعديلات في الاكصدامات الاماميه و الخلفيه و الفوانيس الخلفيه
و الكراسي و فرش الابواب و التابلوه و اصبحت احدث نسبيا
و نزل فيها مواتير 6 سلندر و مانزلتش رسميا مصر و كانت بتيجي من بره
و مش حقدر افيدك في تسميتهم علشان ما احتكتش بيهم جامد:)

بالنسبه لقطع الغيار فكانت كلها متوافره لحد اخر 505 ركبتها سنه 2003
و بتمشي ببنزين 80 عادي جدا
وكانت بتعمل شويه خمسات اووووووووووووووف:HAPPY_~2 11: