|
ساعدونى فى ال 128 انا جديد
السلام عليكم
شباب انا الحمدلله ربنا كرمنى ومن فضل الله عليا اشتريت 128 موديل 72 متبهدله من بره قلت مش مشكله اكتشفت بعد كدا ان البارومه واكلاها من تحت الدواسات ومن عند الشنطه وكدا المهم قولت الحمدلله على كل شئ وربنا يبارك للى باعهالى ب 9 الاف جنيه ودتها لسمكرى قالى هتكلفك بويه وسمكره 3000ج وهلملك كل اللى فيها وهظبطهالك تمام التمام انا بقى محتاج اعرف اسعار الاتى 1- تكلفة السمكره والدكو بشكل تقريبى يعنى من بالضبط 2 - تكلفة السروجى شد الصالون سقف وكراسى 3 - تكلفة تغير العفشه 4 - تكلفة الاكسسوار 5 - ايه بقى اللى ممكن اعمله فى العربيه يخلي شكلها شيك وتمشى معايا سنه ولا اتنين ملحوظه محدش يقولى احسلك بعها وكمل وهاتلك حاجه تانيه اولا لانى مش هينفع ابيعها من غير ماقول للى هيشترى على كل اللى فيها وطبعا السعر هيبوظ يعنى هخسرلى 2000 او 3000 ثانيا لانى ماعرفش حد فى مصر يلف معايا ويشتريلى عربيه تانيه على قد فلوسى فهى غلطه من الاول ولازم اتحملها على فكره مكانيكى شافها قالى المكنيكا فيها تمام جدا والكهرباء كمان مافيهاش مشاكل |
رد: ساعدونى فى ال 128 انا جديد
ايه ياجماعه انتو مابتردوش على الاعضاء الجدد ولا ايه
|
رد: ساعدونى فى ال 128 انا جديد
ايـــــــــــــــــــــــ ـــــــــــــــــــــــــ ــــــــــــــــــــــه
|
رد: ساعدونى فى ال 128 انا جديد
بص أنا هأقولك على أد علمى لحد ما حد يفيدنا أكتر
مبدئياً أدام ناويت تصرف يبقى تضبطها و تخليها معاك عالأقل سنتين تلاته تستمتع باللى صرفته الأول قبل متفكر فى البيع. السمكرة و الدوكو 3000 يعتبر سعر عالى على عربية قديمة إلا لو هيحرق الصاج و يمسكها من الأول للآخر أى مرمة بارومة يعملها و يعملها تقويات للحوض و الركب تمام و بعدين يأسس معجون على خفيف و يرشها دوكو فى الفرن على نظافة. السروجى معرفش أسعار, بس واحد عامل شركة صغيرة عالفيس كان بيعلن عن أسعار حاجتة, ممكن تأخد فكرة عن متوسط الأسعار https://www.facebook.com/mhmoudshosha.gmail اقتباس:
و الأكسسوارات حسب الذوق. ممكن حاجات بسيطة فى حدود 100 ج و ممكن تفترى و تدخل فى الافات..... حسب إنت عاوز إيه. أعانك الله |
رد: ساعدونى فى ال 128 انا جديد
تمام تسلم ياهندسه وانا وصلت لسمكرى كويس هيعملها دوكو وسمكره ب2400 وهيلم كل حاجه فيها بارومه وكله وبعد كدا هدخل على العفشه والف شكر للرد والمتابعه
|
رد: ساعدونى فى ال 128 انا جديد
بس خالى بالك من حاجه معظم الصنايعيه بيقول مبلغ وساعة التنفيذ بتفوجىء بحاجه تانى بحجة اصل العربيه فتحت وظهر فيها حاجات وانا شايف الافضل ان بتاع البويه يكون من طرفك عشان لو فى عيوب فى السمكره يقولك عليها عشان مش تستخبى بالمعجون واستلم من السمكرى قبل بتاع البويه وشوف اللحامات وخليه يستعمل صاج محمل فى اللارضيه والبارومه عشان 128 عربيه ضعيفه ويعمل شدادات فى الحوض عشان متفتح
وبالنسبه للسعر حلو لو فغلا عنده ضمير وهيشتغل فيها صح والعفشه مصنعيتها جوالى من 120 الى 150جنيه غير تمن الحاجه ( مساعدين بارات جلب مقاصات ) والسروجه نفس السعر بس طبعا الخامات عليك ويكون شغله بعد البويه عشان يعمل عزل ضد البارومه تحت الفرش ( البوهيجى ) واى استفسار كلمنى وانا تحت امرك انا لسه مجدد بس دخلت فى سبع الاف فخلى بالك واصرف على المطلوب بس |
رد: ساعدونى فى ال 128 انا جديد
انا عفشه عربيتى كلفت جزء امامى 620ج ماعدا المساعدين
|
| الساعة الآن 02:21 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017