|
الطمبورة اتكسرت و انا ماشي
قبل وصولى المنزل بحوالى 2 كيلو
سمعت صوت جاى من الموتور ركنت لقيت الطمبورة اللى راكب عليها سير الدينامو اتشرخت وماليه وعاملة احتكاك حركت السير وفلته منها وبسرعه رجعت للبيت قبل ما البطارية تفضي الغريب ------------------ العربيه سخنت ومروحة الكهرباء لم تشتغل ----------------- هل المروحة بتاخد كهربتها لما الدينامو يكون شغال فقط ؟؟؟ |
رد: الطمبورة اتكسرت و انا ماشي
يجاوبك بدقة اكتر احد العالمين ببواطن اللادا .... و لكن فى الغالب ...
طرمبة المياه بتكون على نفس السير ده ... ده معناه ان المياه الساخنة الموجودة بداخل الموتور مش حتنتقل للردياتير .. و بالتالى .. المياه الى جوة الموتور ستزداد سخونة و المياه الى فى الردياتير تبرد اكتر المروحة بتاخد كهرباء من البطارية او من الدينامو ... بس بتاخد امر الشغل من حساس الحرارة الى فى الردياتير |
رد: الطمبورة اتكسرت و انا ماشي
كلام حضرتك فعلا اكيد بالنسبة لطرمبة المياه
و فسر لى سبب الارتفاع فى درجة الحراره رغم صغر المسافة اللى مشيتها لكن لسه مش عارف سبب عدم اشتغال مروحة الرداتير وليه مرتبطه بالدينامو مش بالبطاريه |
رد: الطمبورة اتكسرت و انا ماشي
عشان طلمبة المياه مشتغلتش
|
رد: الطمبورة اتكسرت و انا ماشي
اقتباس:
اقتباس:
لسه السؤال مروحة الرداتير الكهرباء ليه مرتبطه بالدينامو -- وليه مشتغلتش على البطارية ؟ |
رد: الطمبورة اتكسرت و انا ماشي
اقتباس:
انا بنتظر مشاركات حضرتك علشان اتعلم |
رد: الطمبورة اتكسرت و انا ماشي
اقتباس:
مروحة التبريد مش مرتبطة بالدينامو ..... مروحة التبريد زى اغلب الاجزاء الكهربائية فى السيارة .... مرتبطة بدائرة الكهرباء فى السيارة ... التى يقوم الدينامو بدور المغذى الدائم لهذه الدائرة .... و لما الدينامو ميشحنش .... الدائرة فيها خزان للطاقة الكهربائية لبعض الوقت .. الى هو البطارية مروحة التبريد مشتغلتش .... علشان مجلهاش امر شغل .... يعنى هيا واصلها كهرباء .. بس لم تأخذ امر الشغل انها تلف .... مين المسئول عن امر الشغل ده ؟؟؟!!!! حساس الحرارة الموجود فى الردياتير ... طب ليه حساس الحرارة مداش امر الشغل للمروحة ؟؟!! علشان المياه الى فى الردياتير باردة ... نتيجة انقطاع الاتصال بين المياه الموجودة داخل بلوك الموتور ( الساخنة ) و المياه الموجودة فى الردياتير ( الباردة ) طيب ليه الاتصال انقطع بين المياه الى داخل الموتور و الى فى الردياتير ؟؟!! علشان طرمبة المياه وقفت نتيجة انقطاع السير بالمناسبة .. حرارة حريق الموتور عالية جدا ... و كافية لرفع درجة حرارة المياه فى ثوان معدودة انظمة الكهرباء الموجودة فى العربيات القديمة زى اللادا و الشاهين و ال فيات القديمة و الامريكى القديم ... هى افضل انظمة ممكن الواحد يتعلم منها ... انما فى العربيات الحديثة ... العربيات معقدة شوية |
| الساعة الآن 02:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017