|
عايزة اشترى عربيه فى حدود 37 الف
السلام عليكم
انا ايناس مشتركه جديد فى المنتدى وعايزة اجيب عربيه مستعمله فى حدود 37 الى 40 الف بفكر فى هيدونداى اكسيل 1500 سى سى او فولوكس بولو محتاره بينهم ياريت تفيدونى بمعلوماتكم عنهم وانهى احسن على كافه المستويات |
رد: عايزة اشترى عربيه فى حدود 37 الف
اهلا بيكى فى مصر موتورز
فى البداية ياريت نعرف ايه متطلباتك فى العربية وطبيعة استخدامك ليها علشان نقدر نفكر معاكى افضل لاكن عامة العربيتين كويسين مع اختلاف اعتمادية اعلى للبولو فى مقابل سعر قطع غيار اعلى والاهم فى المستعمل دائما شرط الحالة |
رد: عايزة اشترى عربيه فى حدود 37 الف
اهلا بيكي ...
بصي انت لازم تقارني الكماليات بتاعت كل عربية و كمان انت عايزة ايه ... بس عموما انا رأيي البولو أحسن بكتير كشكل و تصنيع و سعر بيع . |
رد: عايزة اشترى عربيه فى حدود 37 الف
طب يا جماعه فى كمان كيا برايد سيدان
سمعت انها حلوه ايه رايكم والاتوماتيك منها ايه ظروفه واعطاله وطبعا انا استعمالى عائللى بس مشاويرى كتير جدا يعنى عايزة موتور جامد |
رد: عايزة اشترى عربيه فى حدود 37 الف
وعليكم السلام ورحمة الله أرشح تويوتا كريسيدا، Toyota cressidaأظن ممكن تجدي واحدة حالتها كويسة بالسعر ده http://www.toyoland.com/photos/cressida/cressida.jpg http://www.toyoland.com/photos/cressida/1989.jpg http://www.toyoland.com/photos/cressida/toyota.jpg |
رد: عايزة اشترى عربيه فى حدود 37 الف
الحالة هي المهمة فعلا
لو العربيتين موجودين و بنفس الحالة أفضل البولو و خصوصا ان حضرتك واضح انك ميالة للهاتش باك الاكسل حتبقي احسن في و جدود شنطة مساحتها كويسة ، مش عارف دي تفرق معاكي و لا لأ لكن المشاوير الطويلة متفرقش مع البولو (عن تجربة) طالما حالتها كويسة الكريسيدا عربية جميلة جدا بس قدمت و في اسكتدرية علي الاقل ملهاش قطع غيار |
رد: عايزة اشترى عربيه فى حدود 37 الف
اقتباس:
ردى على سؤالك : انا افضل الأكسل , و لكن مميزات و عيوب الأكسل و البولو كالتالى....... كبر حجم الموتور فى الاكسل 1500 cc , حيث ان البولو 1000 cc فقط التكييف قوى بالسيارات الهيونداى عموما , البولو اغلبها بلا تكييف و بالذات الموديلات القديمه. تأثير التكييف على محرك 1500 cc لا يذكر . بالنسبه لقطع الغيار الأتنين فى نفس السعر تقريبا بالنسبه للقطع الخارجيه من العربيه ( رفارف , شنطه , كبوت , - مجملا الصاج نفس الأسعار- ) بالنسبه لقطع الغيار الداخليه ( سيور - طرمبات بأنواعها - مياه , بنزين - و ما يخص قطع غيار الموتور الهيونداى اكسل ارخص عوامل الأمن و قوه الصاج : البولو احسن من الأكسل بفرق كبير و ده بيبان فى الحوادث الكبيره ( ربنا يبعدنا عنها) لكن بالنسبه لحوادث الطريق العاديه يبقى كله زى بعضه . انا لو هاشترى لنفسى ..... هاركب الأكسل بس على شرط انها تكون حاله نضيفه جدا و ذات اساسيات سليمه 100 % |
| الساعة الآن 07:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017