مصر موتورز مجتمع السيارات - سؤال كهرباء عالسريع

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - سؤال كهرباء عالسريع (https://www.masrmotors.com/vb/showthread.php?t=136321)

سؤال كهرباء عالسريع

السلام عليكم
إمبارح إشتغلت فى الكلاكس شوية , كان بيعلق و غيرت الترمل علشان كان مجنزر و الحمد لله
بعد ما خلصت و بأجرب, كانت الدنيا ليل, بأشغل الكشاف أشتغل و بعدين فرده طفت و بقت شغالة عالسهارى
جربت العالى... الإتنين تمام الحمد لله
يعنى كده واحده بس مش شغاله فى النور الواطى و التانية شغالة
و فى العالى الإتنين شغالين, و فى السهارى برضو الـنين شغالين الحمد لله

المفروض أكشف على أيه بالضبط

جزاكم الله خيراً

رد: سؤال كهرباء عالسريع

على اللمبه أو الفيوز أو فيشة الكشاف أو سلك ارضى فصل منك

رد: سؤال كهرباء عالسريع

اخى الكريم .... العيب ان شاء الله فى المبة بتاعت الكشاف اللى مش شغال فية النور الواطى لان لمبة الكشفات الكبيرة بتبقى حاجة اسمها 2 بول - بول للنور العالى وبول للنور الواطى الكشاف اللى فاصل النور الواطى فقط غيير اللمبة بتاعتة لانها شغالة بول واحد بس اللى هو العالى .

رد: سؤال كهرباء عالسريع

اقتباس:

المشاركة الأصلية كتبت بواسطة sherif iraqi (المشاركة 999696)

كلام سليم وده
وفيه احتمال تانى ان ممكن تكون الفيشة اللى راكبة فى المبة اتهزت وفصلت خط النور الواطى
للتأكد
شيل الفيشة من اللمبة وركبها تانى
لو فضلت المشكلة جرب اللمبه فى الفانوس اللى شغال لو ما شتغلتش غيرها
وخد بالك من اتجاه تركيب اللمبة عشان ضبط النور العالى والواطى

رد: سؤال كهرباء عالسريع

1000 شكر يا جماعة... جزاكم الله كل الخير
هتابع الحاجات دى إن شاء الله و أرد عليكم

رد: سؤال كهرباء عالسريع

ربنا يبارك فيكم
فعلاً اللمبة 2 بول و طلع التنجستن بتاع النور الواطى مش شغال لإنه مقطوع
و بعدها بإسبوع العالى كمان طار, يعنى كده اللمبة كلها مش شغالة
الموضوع إنى عاوز أطمئن على سبب ضرب العالى و الواطى وراء بعض بسرعة علشان لو فيه أى مشكلة نحاول نعملها قبل تركيب لمبة غيرها
ثانياً سألت على اللمبات لاقيت صينى بـ 5 ج و تايوانى أو كورى مش فاكر بـ 20 و ألمانى (زى اللى راكبة) بـ 25
أجرب بالصينى الأول لحد ما أطمئن إن مفيش أى مشاكل و لا أخش عالألمانى على طول؟

رد: سؤال كهرباء عالسريع

أخى الكريم ... اللمبات التايوانى كويسة ولو فى مشكلة هتبقى فى الكتاوت لاكن بأذن الله الكتاوت سليمة والا كانت حرقت لمبة الكشاف التانى . توكل على الله وركب لمبة تايوانى 2 بول
وان شاء الله خير ..