التعرف على الطائرات عن قرب ... كيف تطير الطائرة
 

نبذة صغيرة عن كيفية استطاعة الطائرة الارتفاع فى الهواء

نظرية عالم ( الله يسامحه ) اسمه برنولى .... قال ان الهوا لما سرعته تزيد ضغطه يقل .. و لما سرعته تقل ضغطه يزيد نتيجة الانضغاط الى بيحصل لجزيئات الهوا

شكل الجناح بيسموه ... ايروفويل .. و ده افضل شكل بيحقق الكلام الى قاله برنولى

http://7rea.com/d/142213495671.gif

و لما الهوا يعدى على الجناح .. يقل ضغطه اعلى الجناح و يزداد ضغطه اسفله ... فيقوم الهواء برفع الجناح من منطقة الضغط المرتفع الى المنخفض

http://7rea.com/d/1422134956732.jpg

و فى حالة الثبات فى الجو ... تتعادل قوة الرفع على الطائرة مع وزنها

http://7rea.com/d/1422134956753.jpg

و نذكر بدور المحركات .... بانها هى الى تقوم بسحب الطائرة للامام فيصطدم الهواء بالجناح ... فتتولد قوة الرفع فترتفع الطائرة لأعلى

يتبع ان شاء الله

رد: التعرف على الطائرات عن قرب ... كيف تطير الطائرة
 

بابا ربنا يخليه كان قالي كدة
ان الطيارة بتطير عشان الجناح وشرحهولي
سبحان الله
علم الانسان مالم يعلم

رد: التعرف على الطائرات عن قرب ... كيف تطير الطائرة
 

:018A1D~146:

بالفعل ..... الجناح هو العنصر الاساسى فى الطيران .... و الكلام فى الجناح لوحده محتاج اسابيع ... الديناميكا الهوائية الى عليه .... هيكله و تحمله ... المواد المستخدمة فى تصنيعه .. تنكات الوقود الموجودة داخله :01AD96~139:

وظيفة المحركات دفع الطائرة للامام لتقابل الهواء فيقوم الجناح برفع الطائرة لأعلى

محركات الصواريخ هى التى تقوم بحمل وزن الصاروح لأعلى و ده موضوع تانى :pty:

http://7rea.com/d/1422174310379.gif

مجموعة الديل هى المسئولة عن مناورة الطائرة ... صعودا و هبوطا

http://7rea.com/d/1422174310265.gif

الديل الرأسى .. هو المسئول عن لف الطائرة يمين و شمال

http://7rea.com/d/14221743104110.gif

اسطح التحكم فى الجناح هى المسئولة عن لف الطائرة حول محورها

http://7rea.com/d/1422174310011.gif

صور مبسطة لتوضيح اجزاء الجسم الخارجى للطائرة

http://7rea.com/d/1422174310142.jpg

http://7rea.com/d/1422174310223.gif

http://7rea.com/d/1422174310317.gif

يتبع ان شاء الله

رد: التعرف على الطائرات عن قرب ... كيف تطير الطائرة
 

متابع معاك فى هذا الموضوع الشيق، شفت فيديو لأكبر طائرة فى العالم وهى طائرة نقل ثقيل من طراز أنتينوف وبها ثلات محركات نفاثة على كل جناح وقد تعجبت من إستطاعة هذه الطائره الجرى بسرعه كبيرة ثم التحليق والإقلاع من على المدرج
https://www.youtube.com/watch?v=gIvyAK3sicQ&spfre load=10

رد: التعرف على الطائرات عن قرب ... كيف تطير الطائرة
 

الطائرات الروسية مختلفة كتير عن الايرباص و البوينج .... و الانتينوف من اكبر طائرات الشحن فى العالم بالفعل .. زى ما حضرتك ذكرت ... و ممكن تشيل لغاية 250 طن حمولة

http://7rea.com/d/1422219320391.jpg

فيه كمان طائرة النقل الخاصة بشركة ايرباص ... و بيسموها White Whale

http://7rea.com/d/1422218874031.jpg

و تستخدم فى نقل اجزاء من الطائرات الاصغر حجما

http://7rea.com/d/1422218874042.jpeg

http://7rea.com/d/1422218874083.jpeg

بوينج جامبو 747 ... و هى طائرة حمل مكوك الفضاء الامريكى ....
و كان المكوك بيتركب على طائرة جامبو و تطير الجامبو لارتفاع و سرعة معينة و بعد كدة يشغل المكوك محركاته و يكمل للفضاء
او يطلق بالطريقة الحالية من الارض باستخدام 3 خزانات وقود ضخمة

http://7rea.com/d/1422219514191.jpg

يتبع ان شاء الله

رد: التعرف على الطائرات عن قرب ... كيف تطير الطائرة
 

نكمل الطائرات ذات الحجم الكبير
اكتر طائرة انا معجب بها شخصيا ..... الجامبو 747 .... واحدة من افضل ما انتجت بوينج
تصميم الستينات ... و انتاج اواخر الستينات .. و دخلت الخدمة فى اوائل السبعينات !!!!!!!!

http://7rea.com/d/1422473051211.jpg

انتج منها 747-100 ... و تم تطويرها قليلا ل 747 - 200 و التى كانت تدار بصورة كبيرة بالكابلات المعدنية !!!!! يعنى ... لما تشد عصاية التحكم ... مربوط فيها واير حديد من اول عصاية التحكم لغاية الديل و يطلق على الطائرات دى ... fly by cable .... و بعد فترة تم انتاج 747 - 300 و دى كانت تدار بالكهرباء ... و يطلق على الانواع دى fly by wire .... و بعدين 747 - 400 ... و دى نفس كابينة ال 777 ... يعنى ... متطورة جدا ...بس يفرق عنها ان فيها تجهيزات ل اربع محركات
و حديثا ... تم انتاج 747 - 800 ... و دى اكبر فى الحجم من ال 747 السابقة ... طولوها شوية

http://7rea.com/d/142247305132.jpg

وزن الجامبوالاقصى الاقصى ... تقريبا 350 طن ... اقل من نصفهم قليلا وقود
بيركب عليها 4 محركات بقدرة 60 الف وحدة دفع تقريبا للمحرك الواحد
كل الطائرات تقريبا عندها 2 ماكينة تكييف ( باك ) ماعدا الجامبو .... فيها 3 باكلت للتكييف
كل الطائرات تقريبا فيها 3 تانكات وقود .... ما عدا الجامبو .. فيها 4 تانكات ... و خد من دى حاجات كتير زى كدة
كابينة القيادة اوسع كابينة فى الطائرات المدنية ..... و زمان كان يقودها .... طيار و مساعد ... و مهندس


http://7rea.com/d/1422473051383.jpg

دى صورة للجامبو التى تستخدم فى الشحن الجوى
عنصر اساسى فى نجاح طائرات الشحن ... هو باب الشحن فى الطائرة
فيه بعض الاشياء بيكون حجمها كبير و تحتاج لباب كبير

http://7rea.com/d/1422473051494.jpg

رد: التعرف على الطائرات عن قرب ... كيف تطير الطائرة
 

موضوع رائع يا باشمهندس
و بعد اذنك ليا تعليق بسيط
ال 747 تستخدم فقط لنقله من مكان لاخر او لاختبار هبوطه و التدريب على الهبوط
لا يمكن اطلاقه الى الفضاء من ال 747 :)