ارجو المساعدة فى ميكانيكى يكون صنايعى وحنين فى القديم 127
ارجو من الاخوة المساعدة فى ايجاد ميكانيكى صنايعى وابن حلال ويكون فاهم وما يكون حلانجى وبتاع تلات ورقات او ما بيفهمش وبيحب يعمل فاهم ولا يكون نصاب وطماع الانى عنيت من الصنايعية اوعى وتعبت اوى منهم ويريت للى حيعمل حاجة لوجة لله ما يكونش صديق الميكانيكى او جيران او صاحبة وعوز يجاملة وانا عارف انة بحسن نية اتمنى من لله انى المارة دة حد يوصفلى حد ابن حلال يارب
|
رد: ارجو المساعدة فى ميكانيكى يكون صنايعى وحنين فى القديم 127
بص يا ريس
أنا لفيت و لفيت زيك بالضبط و يمكن أكتر لحد الآن مقدرش أضمنلك من الصنايعية غير دول (معلش المشوار ليهم ممكن يكون بعيد بس دول لو عندك مشكلة قرفاك بيجيبوا من الآخر, خبرة و أسعار و أمانة) ميكانيكا و عفشة محمد طلبة ده فى الوراق أمام شركة الغاز, كان شغال فى شركة ماس إليكتريك و بعدها أشتغل مع والدة فى توكيل لادا و أخذ دورات تدريبية فى روسيا و شغال فى القديم و فى الكورى و فى اللادا طبعاً اقتباس:
اقتباس:
اقتباس:
اقتباس:
اقتباس:
|
رد: ارجو المساعدة فى ميكانيكى يكون صنايعى وحنين فى القديم 127
ربنا يباركلك اخى زينجو
مجهود كبير والله وربنا يجازيك عنا خير لكن تقريبا الاخ السائل من اسكندرية |
رد: ارجو المساعدة فى ميكانيكى يكون صنايعى وحنين فى القديم 127
بارك لله فيك اخى الكريم ولله انا فرحت اوى وقولت مشكلتى اتحلت واخى الفاضل عمل معاية واجب ولكن اتصدمت الانى من اسكندارية مش من مصر
|
رد: ارجو المساعدة فى ميكانيكى يكون صنايعى وحنين فى القديم 127
معلش شباب انا من اسكندارية مش من مصر فا ارجو من الاخوة الافاضل للى يدلنى علية يكون من اسكندارية وشكرا
|
رد: ارجو المساعدة فى ميكانيكى يكون صنايعى وحنين فى القديم 127
سلام عليكم
حضرتك منين بالظبط في الاسكندريه في والاسطي كامل في المندره و الاسطي مجدي في العصافره والاسطي نبيل في المندره والاسطي جابر في المندرة شوف حضرتك وانا تحت امرك |
رد: ارجو المساعدة فى ميكانيكى يكون صنايعى وحنين فى القديم 127
ربنا يخليك اخى الفاضل معلش اعزرنى الانى بجد بكلمك الانى عنيت اوى فوق ما تتصور فى تجارب الميكانيكية فية ولله دة الدربوكس لوحدة متصلح اكثر من اربع مرات وكل واحد يفتكس وياخذ فلوس اد كدا وحغيرلك تروس وغوايش تركى وحورات وفى الاخر النتيجة بدون جدوة وبعد المعاناة دة كلة وخيبت الامل غيرت الدربوكس وبرضة فى النقل تقيل مش ثلث وناعم تمام ويامة ويامة بس انا مش اوجع دماغك الخدمة للى تعملة مع اخوك تقولى الافضل فى الميكانيكية للى زكرتهم الانى مش حمل حد يجرب تانى انا عوز واحد اول ما يشوف العربية يكون خبرة وفاهم واستاذ بمعنى الصحيح وانا من المنشية مفيش مشكلة نروحلهم لو كان فى المريخ بس يكون بفائدة وانا اسف على الاطالة
|
الساعة الآن 04:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017