جلب مقص + لحام + مقص
 

كنت غيرت الجلب وتم تبنيط الجلب باللحام فى المقص
http://www.masrmotors.com/vb/showthread.php?t=135579

حاليا الاراء بان ما تم خطأ يلزم معه تغير المقصات والجلب
وطبعا التكلفة هتكون كبيره
لانى محتاج
4 مقص
+
8 جلبة
+
مصنعية


يعنى فى حدود الالف جنيه

السؤال
هل استعجل التغيير لخطورة المقصات باللحام حاليا - علما بعدم وجود شكوى الان
ولا اصبر كام شهر

؟

رد: جلب مقص + لحام + مقص
 

عذرا ... انا مش متخيل .... يعنى تم تبنيط الوردة الخارجية الحديد فى المقص ؟
هل ده اثر على المقص كتير ؟
لو حضرتك قلقان ... لازم ميكانيكى يشوف المقصات دى .... لو قلبك تقيل .. امشى عليها شوية و شوف ايه الاخبار
متابع معاك

رد: جلب مقص + لحام + مقص
 

هى مسالة معرفة وحذر اكثر منها تجميد قلب
يعنى لو المخاطرة اكبر فى حالة الاستمرار بالمقصات المتبنطه بالجلب --- يبقي مضطر انى اغيرهم
لو الحكاية تستحمل لحد ما يظهر اعراض تلف للمقص او الجلب
يبقي استنى

رد: جلب مقص + لحام + مقص
 

هأسأل لك محمد طلبه و أرد عليك
بس هأقولك رأيهلما ناقشته فى الموضوع دة قبل كده
قالى الجلب الصح مقاساتها صح و بيكون لها شفة تدخل مكان فتحة المقص بالمضبوط, و لا محتاجة لحام و لا غيره
الصنايعية بيضطروا يلحمو الجلب لما تكون مبوشة مكانها
هو عن نفسة بيلحم مكان الجلبة و يضبطة عالفيللر و لا يلحم الجلبة نفسها
يعنى بيضبط مكانها فى المقص لو مبوش و واسع, بس المهم الجلبه تركب مكانها صح بدون لحامات

و هأسألك سؤال... ليه بتسأل لما مفيش مشاكل و الحمد لله
ربنا يديم علينا الستر

رد: جلب مقص + لحام + مقص
 

ادى خبير اللادا قالك رأيه ... و بالطبع انا مش حينفع اقول حاجة تانية :0959C9~155:
و موافق بالطبع على هذا الكلام

رد: جلب مقص + لحام + مقص
 

عذرا .. الرد ده كان المفروض يكون قبل رد الاستاذ ذينج

زى ما فهمت .. الجلبة واسعة و بتلق فى مكانها ... و هو لحمها فى مكانها جوة المقص علشان متتحركش و متعمل صوت صح كدة ؟
المهم اللحام شكله عامل ازاى ؟ قوى و لا اى كلام و حيفك من المطبات
لو العربي مش بتعمل مشاكل .. امشى عليها و كل شوية تبص على المقص ده

فى انتظار راى الاستاذ زينج خبير اللادا :fun_36_1_7[1]:

رد: جلب مقص + لحام + مقص
 

يا بشمهندس ربنا يباركلك, أنا و لا خبير و لا صبى حتى, كل ما فى الموضوع إنى عرفت معلومة من صنايعى محترم بيستحمل الصداع المزمن اللى بسببهوله و بأرد على قدر محدود
و المنتدى هنا فعلاً مليان خبراء صح, أتشرف إنى أكون أحد تلامذتهم, و يا رب مأكونش تلميذ خيبان.

نرجع لكلامنا ....
اللى الأستاذ abokoko عمله ده السائد و المعمول بيه فى معظم العربيات اللادا بسبب سوء قطع الغيار و فى نفس الوقت قلة خبرة الصنايعى, معظم الملاكى و التاكسى اللادا ماشى كده و ده عادى , هتحتاج مع الوقت تكشف على المقصات و أنت بتربط عفشة بشكل دورى زى ما البشمهندس أحمد قالك
و لو تعرف توصل لمحمد طلبه و يشوف المقصات بنفسه و يطمنك يبقى عملت الصح , لإن معظم مقصات اللادا بيكون فيها "نسبة شرخ" طبيعية... حاجة زى تنميل الخرسانة المسلحة كده
المهم تتابع من وقت للثانى و متشغلش بالك, هتمشى و تستحمل و متقولش لأ إن شاء الله
كان أحد الإخوة المقص عنده أتكسر و العربية فضلت ماشية على الياي بس لمدة شهر, طبعاً لما راح يربط عفشة العفشجى حبسه فى الورشة تأديب على اللى عمله فى العربية :) - دى ميزة الثمانية جلبة (بدل 4) و الأربع مقصات (بدل 2) و 4 بيضات (بدل 2) زى باقى العربيات.
خليها على الله و متقلقش, و زيادة للإطمئنان حاول توصل لمحمد طلبه فى الوراق, صدقنى هتبيع الصنايعية اللى عندك.

ده البشمهندس محمد طلبه كان لسه مجمع فتيس لادا بعد الإصلاح و بيجرب قبل التركيب
http://im51.gulfup.com/6UkE0H.jpg
و ده البشمهندس هشام زميله و بيغير جلب برضو
http://im51.gulfup.com/u5dEQD.jpg
و دى شكل الجلب الروسى الأصلى اللى بيشتغلوا بيها هناك (لاحظ فيه شفه خفيفة فى وسط جسم الجلبة)
(عندهم ميزة مش عند حد... يجيبلك حاجة اللادا سواء جديد أو إستيراد بسعرها فى السوق بس بحرفية صنايعى فاهم الفرق بين النوعيات الجيدة و المضروبة لأنها فى وشه) - و أنا بقى وظيفتى أصدعه فى الفرق بينهم.
http://im51.gulfup.com/A5lSFv.jpg

أعانك الله و يسر لنا أحوالنا