مصر موتورز مجتمع السيارات - إستشارة بخصوص ال Throttle & Idle Sensor

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - إستشارة بخصوص ال Throttle & Idle Sensor (https://www.masrmotors.com/vb/showthread.php?t=135556)

إستشارة بخصوص ال Throttle & Idle Sensor

السلام عليكم،

محتاج خبراتكم في إستشارة ميكانيكية. أنا عندي لوجان بلاك لاين موديل ٢٠١٢. من فترة والعربية أحيانا بتبطل عند السلانسيه. يعني أبقي سايق ولما أجي أدوس فرامل ودبرياج العربية تبطل. الموضوع عشوائي تماما يعني ساعات يحصل وساعات لأ. بس بيحصل أكتر لو ماشي في طريق زحمة فبتحرك وبقف كتير. أو لو اتحركت بالعربية الصبح من غير ماسخن.

المهم رحت بالعربية للتوكيل فرع المقطم ولما كشفوا عليها قالولي محتاج تغير ال Throttle وهتدفع ٢٠٠٠ جنيه!! كنت عايز أشتم الصراحة. من ناحية تانية فهمت من المهندس الفني إن المشكلة مش في ال Throttle شخصيا المشكلة في ال Idle Sensor!! هو دا اللي شايفين إن المشكلة فيه لكن السنسور مابيتباعش لوحده. لازم أغير ال Throttle كله!!
في الأخر إتفقت معاهم إنهم ينضفوا ال Throttle وامشي بيه كدة واشوف هل المشكلة هتتحل ولا لأ. طبعا مش عايز أقولكم العربية بطلت مني وانا لسة خارج من عندهم.

أنا محتاج مساعة حضراتكم في الأتي:
١. هل فيه مكان بيبيع ال Idle Sensor لوحده؟
٢. لو مافيش، فيه مكان بيبيع ال Throttle بسعر أرخص
٣. هل فيه إحتمالات تانية إن المشكلة ماتكونش بسبب ال Idle Sensor?
٤. هل فيه مكان تاني ممكن أروحه غير الوكيل المستفز دا وخصوصا إن عربيتي طلعت برة الضمان خلاص؟ بس يكون مركز صيانة مش ورشة. أنا ساكن في الشيخ زايد يعني الأفضلية لزايد وأكتوبر.

شكرا مقدما

رد: إستشارة بخصوص ال Throttle & Idle Sensor

حصلت مع اتنين زمايلى ف الشغل وجابوا أيدل سنسور جديد ب 350 او 400 تقريبا وانتهت المشكلة نهاااااااااائى

رد: إستشارة بخصوص ال Throttle & Idle Sensor

ولو الموضوع أكبر من كدا تروح لجمال القاضى ف الحرفيين مدينة السلام تروح من الدائرى وتسأل عليه
راجل محترم جدا وعنده كل حاجة تخص الرينو

رد: إستشارة بخصوص ال Throttle & Idle Sensor

لو سمحتوا ممكن اعرف عدد قوه الدفع للسيارة سيينا 1600 س س

رد: إستشارة بخصوص ال Throttle & Idle Sensor

شكرا أستاذ/ هشام
ممكن أعرف زمايلك جابو ال Idle Sensor منين؟ وهل ركبوه في التوكيل ولا برة؟!

رد: إستشارة بخصوص ال Throttle & Idle Sensor

اقتباس:

المشاركة الأصلية كتبت بواسطة mmabdelaal (المشاركة 994386)

شكرا أستاذ/ هشام
ممكن أعرف زمايلك جابو ال Idle Sensor منين؟ وهل ركبوه في التوكيل ولا برة؟!

اقتباس:

المشاركة الأصلية كتبت بواسطة Hisham.Elgazzar (المشاركة 994332)

هو تعليقى الوحيد انه صمام ايدل
دا مش سينسور خالص ............ مبيحسش بحاجة

رد: إستشارة بخصوص ال Throttle & Idle Sensor

هو في الغالب صمام فعلا Valve مش سنسور
أنا دورت علي الإنترنت ولقيت الموقعين دول بيبيعوا ال Idle Valve بس بيتباعوا في أوروبا

Dacia Logan, Solenza Idle Control Valve, air supply 7701206370 - Daciashop.eu

ERA Sensor, throttle position Anti-clockwise rotation (550150) buy cheap online - ALFA ROMEO, FIAT, LANCIA, RENAULT, DACIA

الإتنين حاجتين بسعرين مختلفين!! أرجو الإفادة