فكـــــــــرة مشـــــروع هايـــــلة...
 

أخوانى وأصدقائى
بلدنا مليانا بجد بشباب زى الفل ربنا يطرح فيهم جمعيا البركة ..عاوزين يعملوا أى حاجة يساعدوا بيها نفسهم وينموابيها مجتمعهم ..وكتير منهم عاوز يبدا حياته ويستقل بنفسه (يتجوز ويفتح بيت ويبقى عنده عيال يربيهم ويعلمهم الصلأة وقول كلمة الحمد لله على السراء والضراء )
الأستعداد لعمل الخير موجود بس لللأسف هما مش عارفين يبداءو أزاى ومنين ..محتاجين للى ياخد بأيديهم وينور لهم الطريق محتاجين للى يخللصهم من الفراغ اللى عايشين فيه والنوم الكتير لغاية الضهر ثم الوقوف على النواصى ومعاكسة اللى رايحة واللى جاية .
كـــــن شمعة تنير الطريق لغيرك ..أعمل الخير وأستثمره عند ربك ليزيد وينمو و ليكن لك عمل صالح ينير قبرك فى الظلمات.
مش بس فكـرة مشروع .. كمان نوجهم أزاى يلأقوا نفسهم ويتعرفوا على زاتهم -يكتشفوا امكانيتهم ويبداءو من خلألها -يشوفوا مجتمعهم محتاج لأى تخصصات ويتوجهوا لها . فكثيرا من شبابنا ولد وقد وجد أباه قد توفى من الصغر فلم يجد النصيحة الكافية والتوجيه السليم لأستغلال امكانياته - فالأم مهما كأن معروفة بالحننية والخوف الزائد على أبنها وده بيكون فى بعض أحيان تعطيل لأمكانيات كتير داخل الطفل .وكثيرا من الشباب بسب عدم التوجيه السليم أصبحوا يفقدوا ويضيعوا الكثير من عمره فى تعليم غير مثمر للحصول على شهادة أيا كانت ثم يرميها فى البيت ويشتغل فى مجال تانى خالص بعيد عن تخصصه .طب يبقى أيه لزمة التعليم وتضيع الوقت وحرقة الدم والأعصاب فى الأمتحانات ثم يروح يشتغل أى حاجة

أنا عن نفســــــــــى مأكنتش عارف أنا عاوز أيه وزيى زى كل الأطفال لما كان حد بيسألنى نفسك تكون أيه لما تكبر كنت على طول بجاوب اقول دكتور ومرة اقول طيار .لكن لما كبرت اكتشفت أنى بكره جدا الرياضة والفيزياء وعلى طول بجيب فيهم ملأحق ولكن كنت بحب أوى التاريخ واللغات وبجيب فيهم أعلى الدرجات -عشان كده كنت بتعلم أى لغة بسرعة وبسهولة جدا وأصبحت مرشد سياحى.
كـــــــــــــــل من لديه أستعداد لفعل الخير بسرد تجربة كفاحه الشخصية للوصول للنجاح أو فكـــرة مشرع ناجح يستطيع أن يفيد به أخوه يكتبها لنستفاد منها جميعا يمكن يكون الخير على أيدكم ويجد شبابنا الذين لم يجدوا الطريق بعد الهداية والبداية أن شاء الله على أيديكم

بـســــــــــــــــــم الله وعليه توكلنا ليفتح باب النقاش وفى أنتظار ردودكــــم :وعاوزين أراء كتير وخبرات كل واحد..وجزاكم الله كل الخير عن شباب مصــــــــــرالجميل ..

رد: فكـــــــــرة مشـــــروع هايـــــلة...
 

رد: فكـــــــــرة مشـــــروع هايـــــلة...
 

شكرا علي الموضوع

رد: فكـــــــــرة مشـــــروع هايـــــلة...
 

رد: فكـــــــــرة مشـــــروع هايـــــلة...
 

بص يا باشا
اولا شكرا علي الموضوع ده اللي وراه معاني كتير و بيدل اد ايه انت انسان مثقف و محترم و من ناحية المبدا انا معاك و موافق علي الفكرة لكن ....

علي ارض الواقع الموضوع مختلف تماما. الشباب اللي انت بتكلم عليهم صدقني بقو عملة نادرة و نادرة جدا كمان. للاسف معظم الشاب في مصر(الاغلبية مش الكل) فكرتهم عن الشغل مشوهة و غريبة جدا. الكل عايز يبذل اقل مجهود و يجني اكبر عائد و انا لا انكر ان دي امنية اي حد في العالم بس بيتهيقلي الكل عارف ان ده شبة مستحيل خصوصا في الزمن اللي احنا عايشين فيه ده. عشان كدة الناس اللي فاهمة و اللي بتفكر بيحاربوا و يكافحوا و بيحفرا الارض باظافرهم عشان يجيبوا لقمة العيش و بيحاولوا بشتي الطرق يطورا من نفسهم عشان يقدروا يستمروا لكن الاغلبية العظمي من الشباب لما بيلاقي الموضوع فية تعب و جهد علطول يجيب ورا و يقولك انا ايه اللي يجبرني علي كدا و يروح يقعد في بيتهم او يتلقح علي القهوة او علي الناصية و يقعد يندب حظة و يشتم في الحكومة و البلد و الناس . و علي فكرة النظرة دي اتكونت عندي من خلال التجربة مش . احنا في مصر عندنا حتة ارض علي طريق الاسماعيلية و شركاء في شركة استثمار عقاري و بنحتاج عمال دايما و مش لاقيين و اللي بييجوا معظمهم مبيكملش اسبوع و بيزوغ خصوصا العمال اللي في الارض علما بان الاقامة و الاكل و الشرب علينا يعني مرتبهم مبينجرحش و برضة مش عاجب و عمال اليومية اللي في المنطقة شغلهم من 8 - 12 و طبعا خد منهم لكاعة و خناقات للصبح و يوم تحصلهم و 10 لا. ده طبعا غير ان والدي كل لما يلاقي شحات و يشوف انة ممكن يشتغل يعرض علية شغل و كلة بيرفض و في مرة واحد فية صحة ما شاء االه تهد حيطة و لما عرضنا علية شغل قالنا بالحرف يعني هتدوني كام ده انا في اليوم الواحد بلم فوق ال 800 جنية. شفت اعجب من كدة بيفضل الشحاتة و قلة القيمة عن ان يشتغل. ده طبعا غير الشباب اللي معاهم شهادات خصوصا الجامعية لكنه في الحقيقة لا يفقهون شيئا و ما اكثرهم و محتاجين تعليم من اول و جديد و ان كان الذنب الاكبر لا يقع عليهم لكنهم رضيو بكدة و استسلموا

طبعا انا عارف ان ده ميمنعش ان فية شباب كويس و مكافح و زي الفل بس قصاد كل شاب من دول في 10 من اياهم و اي حد هيفكر في الفكرة اللي انت طرحتها و قابلتة العينة دي هيكره نفسة و اليوم اللي فكر فية يعمل حاجة.

فزي ما انت قلت الموضوع حجمة اكبر بكتير من كدة و راي ان المشاريع الحقيقية لازم تكون موجهة لتغير طريقة تفكير و تربية و تعليم الناس عشان في الاخر نحصل علي شباب قادر و مؤهل علي الشغل و الانتاج و ساعتها الشغل هيجيلهم لغاية عندهم. لكن في ظل الظروف المحيطة بينا و الفوضي اللي حوالينا اي محاولة للاسف مصيرها الفشل. بس في الاخر الواحد يعمل اللي ربنا يقدره عليه و خلاص


معلش انا طولت في الكلام بس اتمني تكون وجهة نظري و صلت و نقدر نعمل حاجة بجد و تكون نتايجها مضمونة

رد: فكـــــــــرة مشـــــروع هايـــــلة...
 

شكرا يا حورس على كلأمك الجميل ..وأنا متفق معاك أن فعلأ فى شباب زى ما أنت بتقول عاوزة تشتغل فترة قليلة وتجنى فلوس كتير بس أنا شايف أن ده يمكن بيرجع لحاجتين مهمين جدا ..أولأ مغريات الحياة اللى أصبحت حواليهم من عربيات فاخرة وأعلأنات عن شقق على النيل والبحر كتيرة أوى ..بلأش ديه شوف سعر أى قميص أو أى بنطلون فى أى محل بقى بكام دلوقتى ..دلوقتى الف جنيه لو هاتجيب بيهم ملأبس يعنى يادوبك يجيبوا طقمين تلأتة بالكتير أوى حلوين وكويسين .. من ناحية تانية شوف العامل النفسى وتأثيره على شبابنا النهاردة عامل ايه من أول الأفلأم اللى بالى بالك والأنترنت والدش -الفيديو جيم وغيره وغيره ..طب تصدق بالله أنا بشوف هنا فى جنوب سيناء شباب زى الفل بتيجى للعمل من محافظات متعددة وتلأقى الواحد منهم شاب زى الفل طول بعرض و ماشى مع واحدة أجنبية صلأحيتها انتهت من تلأتين سنة وماعادتش تنفع خالص وكل ده عشان أيه ..عشان يكسب من وراها حتة موبايل مالوش لزمة ولأعشان تشتريلله لبس شيك وهو بكدة فاكر أن هو بيضحك عليها عشان بتصرف عليه وبتجبله اللى هو عايزه من غير ما يغرم من جيبه ولأ مليم -بس الحكاية مش كدة ومفيش حد بيدى حاجة ببلأش ولكل شىء مقابل .............!!!!!!!!!!!! !!!!!!!!!!!!!
أنا عن نفســـــــى شايف أن فى حاجة مهمة أوى بتحكم المواضيع دى كلها وهى ( العبادة والصلأة).فربنا خلق الاديان للناس عشان يعرفوا أن ليهم رب فميخافوش من ظلم حد ولأ من فوات الرزق (فاللى خلق الكون منسهوش وهو أقرب لعباده من حبل الوريد -اذا دعوه سمعهم واذا جاءوا اليه مشيا جاء اليهم هرولة) ثم وضع الله عز وجل الكتب المقدسة (التوراة والأنجيل والقران ) لتكون للناس دستورا ومنهاجا وهداية ليأخذوا منها ويمشوا عليها ( قال الرسول صلى الله عليه وسلم :"تركت فيكم ما أن تمسكتم به لن تضلوا بعدى أبدا كتاب الله وسنتى " صدق رسول الله ) .لأزم كل واحد أولأ يبقى راضى بللى ربنا قاسم له بيه فى دنيته وما يبصش للى فى أيد غيره وده مش معناه أنه يقف محلك سر مستنى الفرج بل عليه أنه يحاول ويجتهد عشان لو فشل يبقى مرضى ويبقى أسمه عمل اللى عليه أدام ربنا ..وفى الأول وفى الأخر(أن رضى العبد او لم يرضى فلن يناله الأ ماكتب الله له )..
ولأزم أحنا كمان نبقى برده مقتنعين ونعرف أن مفيش حد بياخد رزق التانى -لأن فعلأ فى شباب بتتعب كتير عشان تلأقى شغل ويوم ماربنا بيكرمها بتلأقى فى ناس تانية لسه لحد دلوقتى لما يجلهم زميل جديد فى العمل تلأقيهم يقفوا ضده ويحاولوا يوقعوا فى الغلط ويكرهوا فى المكان عشان يطفشوه ويخللهم الجو والرزق اللى كان بيجى على تلأتة يتقسم على أتنين (منطق غريب وعجيب)..!!!!!!!!!!!!
انا فعلأ مازلت مؤمن ان لسه فى شباب كتير كويس بتفكـر وعايزة تبنى وتعللى البنيان يس مستنين الأيد اللى تاخد بأيدهم وأن شاء الله هما دول ثمرة بكرة وهما دول الشجرة اللى هاتطرح خير وتزيد أن شاء الله -هما دول أبنى وأبنك -بنتى وبنتك -هما دول شباب مصـــــــــر بصح اللى هاينصروها ويملوها خير وأمل..جزاكم الله جميعا كل خير وجعلكم خيرا لغيرك .." أحسنكم للناس أنفعكم للناس "

رد: فكـــــــــرة مشـــــروع هايـــــلة...
 

العفو يا باشا
الحمد لله اني وجهة نظري وصلتك و امثلة اللي انت ذكرتها بتؤيد ذلك
و كدة برضة احنا متفقين ان عشان نصلح الوضع ده لازم نبتدي من بدري و نشتغل علي الفكر بتاع الناس. لازم ثقافة الناس تتغير و لازم نظام التعليم يتفور و لازم اخلاق الناس تتحسن عشان نوصل لنتيجة. بس انت ادري بالوضع و ان الكلام ده تنفيذة بقي اصعب مما اي حد يتخيل و الصعوبات و الحروب اللي لازم تتخاض اكبر من مقدرة الشخص العادي.

نقطة اخيرة ربنا قال اسعي يا عبد و انا اسعي معاك ففكرة ان في شباب كويس مستنية اللي بنتشلها دي انا شايف ان زيهم زي الشباب اللي ملهومش لازمة. الكلام ده مينفعش اللي عايز بيلف و يدور و الاهم من كدة يطور من نفسة و يميز نفسة عن الاخرين عشان فرصتة تزيد و ربنا مبيضيعش تعب حد. و هما الدول اللي فعلا الواحد لما بيساعدهم بيحس انة عمل حاجة و انة حقق انجاز و العائد بيبقي مضاعف بفضل الله. و ربنا يوفقنا دايما لعمل الخير و الصواب