مصر موتورز مجتمع السيارات - محتار في اختيار افضل نوع زيت مع هيونداي Accent RB

مصر موتورز مجتمع السيارات (https://www.masrmotors.com/vb/index.php)

- سوق قطع الغيار (https://www.masrmotors.com/vb/forumdisplay.php?f=203)

- - محتار في اختيار افضل نوع زيت مع هيونداي Accent RB (https://www.masrmotors.com/vb/showthread.php?t=135412)

محتار في اختيار افضل نوع زيت مع هيونداي Accent RB

السلام عليكم ورحمة الله ..

اولاً : كل الشكر والتحية والتقدير لهذا المنتدى الجميل بناسه المحترمين ..

ثانياً : نخض في الموضوع علطول .. بقالي فترة مش مبسوط من زيت العربية اللي بستخدمه وبدأت احس انه بيسود بسرعة وصوت الموتور عالي .. ناس كتير بتشكر في لوكو مولي وتوتال وكاسترول .. انا بصراحة عايز انظف زيت اجيبه للعربية ومش عارف اختار ايه .. فقررت اطرح سؤالي هنا والناس تساعدني ..

نوع العربية : هيونداي Accent RB موديل 2011 ماشية 53,000 كم .. وتقريبا كل يوم بمشي حوالي 70 كم بالعربية ..

نوع الزيت المستخدم : موبيل 3000 كم تم استخدامه اول 20,000 كم وبعد كده اتجهت لزيت موبيل وان 10,000 كم لحد النهاردة ..

دي علبة الـ 10,000 كم
http://s12.postimg.org/7odn1pvs9/IMG...226_141918.jpg

دي علبة الـ 3000 كم
http://s12.postimg.org/z7wizkbhl/IMG...226_141923.jpg

شكراً مقدما على مساعدتكم ..

رد: ## محتار في اختيار افضل نوع زيت مع هيونداي Accent RB ##

اقتباس:

المشاركة الأصلية كتبت بواسطة ahmed_eng2001 (المشاركة 993630)

متابع معاك

واضح ان انا وانت هنفضل متابعين ومستنيين ومحدش واخد باله مننا ..

في 150 شافو الموضوع ولا حد قال رأيه ..

يا مسهل ,, ده انا عايز اغير الزيت النهارده اصلا .. :)

رد: ## محتار في اختيار افضل نوع زيت مع هيونداي Accent RB ##

فيه ناس كتيرة مش عارفة ... فاكتفت بالقراءة ....
الكتالوج بتاع عربة حضرتك مذكور فيها نوع الزيت ايه ؟؟

الزيت مش مشكلة .. فيه مواضيع كتير بتتكلم عن موضوع الزيوت و اختلاف انواعها
المشكلة ان فيه انواع كتيرة مضروبة فى السوق ...
على العموم ... انا كنت بحط موبيل 1 ... 10 الف كم .. و بستخدم شيل هيلكس 10 الف كم حاليا

رد: ## محتار في اختيار افضل نوع زيت مع هيونداي Accent RB ##

اعتقد انه ذكر فى المانيوال ان الزيت المناسب لدرجة الحرارة فى مصر ...20W-50
ده معناه ... اى زيت كويس بالمواصفات دى ينفع .... الناس .. و انا واحد منهم .. بيحبوا يحطوا زيت معروف و متجرب ... زى موبيل 1 او شيل هيليكس زى ما ذكر فى المانيوال برضوا ...

فيه ناس جربت زيوت مولى ... زيوت وولف ... زيوت الامارات و بيشكروا فيهم ...
فى عربيتى القديمة كنت بحط زيت التعاون ( و لا زلت ) ..و كان كويس على الموتور القديم و مبيعملش مشاكل ... بس كنت بغيره كل فترات قصيرة

رد: ## محتار في اختيار افضل نوع زيت مع هيونداي Accent RB ##

كاسترول ايدج , أفضل زيت