مشكلة فى اسبراتير الكترونى
مشكلة غريبة اول مرة تقابلنى فى لادا السمارة العربية من امبارح مكنتش عايزة تشتغل المارش شغال كويس وبيلف كويس بس العربية مبتشتغلش المهم غيرنا ابلاتين داخلى ( الحساس الداخلى ) للاسبراتير الكترونى مكان الابلاتين الداخلى اللى باظ المهم العربية اشتغلت والحمد لله ولكن عملت بيها مشوار بتاع 5 ك جيت اشغلها بعد شوية العربية مش عايزة تشتغل تانى الابلاتين الداخلى ( الحساس الداخلى ) الجديد باظ فيا ريت لو حد يفيدنى فى المشكلة دية اللى بتخلى الابلاتين الداخلى يبوظ مرتين ورا بعض مع ان الحساس الاولانى اللى باظ بقاله 7 سنين شغال كويس انا خايف اركب الحساس الجديد اللى هيبقى التالت يبوظ هوة كمان انا حاسس ان فيه حاجة مش مظبوطة هى اللى بتخلى حساس الاسبراتير الداخلى يبوظ الموبينة شغالة كويس وكذلك المشط الالكترونى شغال كويس مع تحياتى للجميع
|
رد: مشكلة فى اسبراتير الكترونى
متابع سوقسوق
|
رد: مشكلة فى اسبراتير الكترونى
انا الصراحة حتابع برضه لانى معرفش
بس ممكن صورة للحساس دا و مكانه يمكن اقدر افهم و اربط |
رد: مشكلة فى اسبراتير الكترونى
يا اما النوعيه رديئه او الموبينه مش تمام والله اعلم
|
رد: مشكلة فى اسبراتير الكترونى
المشط ووصلاته تمام ؟
|
رد: مشكلة فى اسبراتير الكترونى
السلام عليكم اما الوصلات الكهربائيه مش متثبته كويس او البوبينه فيها عطل تعطي كهرباء زياده والله المستعان |
رد: مشكلة فى اسبراتير الكترونى
شكرا لكل من اعطانى رايه ومحاولته المساعدة ولكن بسبب المشكلة دية غيرت طقم كهربة العربية وربنا يسهل ان شاء الله ومترجعش المشكلة دية تانى غيرت حساس الاسبراتير مرة اخرى 65 ج وموبينة بيقولو عليها انجليزى بس اشك فى الكلام ده ب 75 ج ومشط روسى ب 125 ج والعربية الحمد لله اشتغلت كويس وان شاء الله مترجعش المشكلة دية تانى
|
الساعة الآن 12:48 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017