عايز اشترى عربية ومحتار فى ميزانية 120 الف
السلام عليكم ورحمة الله
انا عايز اشترى عربية ومحتار جدا جدا انا ميزانيتى مش اكتر من 120000 ودورت لقيت ان فى الحدود دية عربيات كتير انا من عشاق البى ام بس عايز اعرف رايكم * بى ام 318 2002 *كرولا 2008/او 2006 *سيراتو 2011 *اوكتفيا 2007 *سيفيك 2008 *كروز 2011 *فيكترا 2008 مع العلم طبعا ان الاسعار مش واحدة الاسعار من 95000الى 120000 بس انا نفسى فى البى ام 318 2001 او 2002 وانا اسف انى طولت عليكم ياريت الرد سريعا وشكرا[/I] |
رد: 120000
نصيحه اخويه سيبك من البى ام لان العربيه عدى عليها 12 سنه وحاجاتها غاليه جداً
لو هتجيب مستعمل عندك هوندا سيفيك - اوكتافيا - وفيكترا - وكروز وان كنت افضل السيفيك او الكروز لو عاوز زيرو يبقى اكتر عندك بيرسونا |
رد: عايز اشترى عربية ومحتار فى ميزانية 120 الف
اولاً ربنا يوفقك ويهديك للاصلح بس انا مش عارف حيرتك فى ايه بالظبط وبتقارن على اساس ايه واولوياتك وطبيعة استخدامك ايه !! لان من غير تحديد الحاجات ديه اللى هينصحك هيحسبها باستخدامة وحساباته هو مش بالانسب ليك ولاستخدامك
لكن على اى حال طالما انت بتحب البى ام اركب بى ام بس اهم حاجة بالنسبة للمستعمل عموماً والاروبى خصوصاً تكشف عليها كويس جداً قبل الشراء وتعرف لو فيها مصروف قد ايه |
رد: عايز اشترى عربية ومحتار فى ميزانية 120 الف
اقتباس:
|
رد: عايز اشترى عربية ومحتار فى ميزانية 120 الف
على حسب اللى انت كاتبه فالأوكتافيا , ثم السيفيك بس واطية على شوارعنا
تم الكرولا بس لو انت نفسك فى البى ام , يبقى اعمل اللى انت بتحبه |
رد: عايز اشترى عربية ومحتار فى ميزانية 120 الف
عليك وعلى الكرولا او الاوكتافيا وسيبك من اى حاجة تانية
|
رد: عايز اشترى عربية ومحتار فى ميزانية 120 الف
تمام يا احمد باشا طالما الوضع كدة اجل البى ام دلوقتى خالص وخليك فى العملى وفى الحالة ديه يبقى الكرولا بس اهم حاجة الحالة طبعاً والعداد ميكونش معدى ال 100 الف
البى ام علشان تركبها مستريح تجيبها زيرو او كسر زيرو فى اول خمس سنين بعدها بتفتح بقها فمبالك بالموديلات القديمة السيفيك ركوبة جميلة وخاصة موديل 2008 ده انا شخصيا بحترمة جداً بس كصيانة وقطع غيار نار يا حبيبى نار برضو الفيكترا تجرى منها مش بس تبعد عنها وقطع الغيار برضو نار والصيانات عايزة علماء فضاء من ناسا يا التوكيل ملهاش تالت الاوكتافيا مش بطالة خالص بس علشان تلاقى حالة كويسة مش وارد اوى بس عامة هى ارزاق كمان نضيف للقائمة ديه الهيونداى النترا اجدع بكتيييييييير من السيراتو وبيتقارن بره وجوة بالكرولا وبتتفوق عليها كمان بتكلم طبعاً عن موديلات 2008 - 2009 - 2010 -2011 وعامة شوف هتلاقى ايه قدامك وتعالى نفكر مع بعض فى الانسب ومبروك مقدماً |
الساعة الآن 04:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017