استفسار عن سكودا فابيا 2009
انا محتار يا جماعه انا عايز اجيب سكودا فابيا 2009
بس مافيش عنها معلومات وكل الناس بتقول مش حلوه وعربيه مش منتشره انا عايز اى حد يفيدنى بس يكون مجربها مش عايز كلام وخلاص وشكراا |
رد: استفسار عن سكودا فابيا 2009
تجربة للرائعة فابيا مينى من سكودا والتى تشبه المينى كوبر كما ان سكودا لم تبخل عليها فى الكماليات
العربية متاحة بموتورين الاول سعته 1400سى سى و الثانى 1600سى سى و الاتنين عليهم علامة فولكس فاجن محفورة و كمان وحدة التحكم بتاعتهم عليها العلامة من الخارج التقفيل بتاعها رائع و جودة الدهان و التفاصيل لا تختلف عن الاوكتافيا الكاوتش يا إما مقاس 14 بطاسات و عليها كاوتش متادور ، أو جنوط 15 أو 16 (على حسب الجنط ) و كاوتش كونتننتال الفوانيس في الفئة المنوال مفيهاش عدسات ، و كل الفئات الأخرى عدسات ، و كل الفئات فيها فوجات أمامي و خلفي من داخل الصالون العربية واسعة جداً و خامات الفرش أكتر من رائعة ، زائد كمان إن الفئة السبورت إلي فيها سقف أبيض فرشها الداخلي جامد جداً في لونه و خامته ، و فيه مسند في المنتصف بين الكراسي الأممية بس وضعه مش مريح خصوصاً إن عصاية الفتيس قصيرة ، بس ممكن يترفع لفوق و كأنه مش موجود بس فرش الباب حسيته بلاستك كدة و إن كان مش رديء بس مش رائع ذي باقي العربية الكاست بقى هو أحلى حاجة في العربية دي ، و ده محتاج موضوع لوحده يتشرح فيه ، عيبه الوحيد إن العربية فيها سماعات قدام فقط و وراء ليها مكان بس مش راكبة ولا في أي فئة من الفئات فاضل حاجة واحدة بس ، البنزين إلي بتحتاجه العربية دي يا إما 92 يا إما 95 فقط منقول |
رد: استفسار عن سكودا فابيا 2009
شكراا يا استاذ ايمن على المعلومات القيمه .
بس انا عايز اعرف ايه امكانيات الفابيا 1400 المانيوال |
رد: استفسار عن سكودا فابيا 2009
http://www.carsyr.com/includes-doc/d...s/image002.jpg
ياباشا سيبك من اللى بيقولوا -هو أحنا جبنا لورا غير كلمة بيقولوا وعلى فكرة كتروا قوى اللى بيقولوا دول وأنا مش عارف الأقيهم ...!!!!! انت بتتكلم فى عربية المانى حائزة على 4 من تقدير 5 فى أختبارات التصادم يورو ان كاب www.euroncap.com وديه نسبة عالية وكويسة .. وعشان حضرتك تبقى عارف العربية دى هيا والسيات أبيزا موتور واحد من مجموعة فولكس فاغن القوة 105 حصان عند 5600 لفة للموتور الطول 3392 العرض1642 الارتفاع عن اللارض1498 الوزن 1115 كيلو غرام سعة خزان الوقود 45 لتر التسارع من 0 الى 100 (11.5)ثانية أستهلأكها للبنزين داخل المدينة (كم/20لتر)196 خارج المدينة (كم/20لتر)327 أتكل على الله وهتها وأوعى تقول بيقولوا عشان أنا بصراحة متجنن منهم اللى بيقولوا دول .. |
رد: استفسار عن سكودا فابيا 2009
واليك هذا الرابط لتحصل على المقارنة المظبوطة بين هذه السيارة وسيات أبيزا.
http://www.youtube.com/watch?v=8wBNo_ZfaDA ...بس خليك صبور وتابع للنهاية |
رد: استفسار عن سكودا فابيا 2009
انظـــــــــر أيضا هذا الرابط http://www.euroncap.com/Player.aspx?...7-a67421791a5e
|
رد: استفسار عن سكودا فابيا 2009
حاول تلأحظ فى أختبار التصادم هذا أن اثر الصدمة القوية لم يصل الى الكبينة
http://www.youtube.com/watch?v=IuOQrDcHtGo |
الساعة الآن 02:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017