|
ما هى قوة ماتور موديلات كيا برايد
الأخوة الكرام بالقسم
الحقيقة أنا لسة جديد تماما فى العربيات وكنت عايز أعرف العربية كيا برايد أية هى أفضل موديلاتها ؟ وكمان أنا بلاقى منها 1100 سى سى وكمان 1300 سىى سى .. هل دة حسب الموديل ولا دة فى كل الموديلات ( يعنى كل موديل بينزل منة الأتنين ولا موديلات معينة فقط ) ؟ وأية أفضلهم الــ 1100 ولا الــ 1300 ؟ |
رد: ما هى قوة ماتور موديلات كيا برايد
حضرتك الكيا برايد معروفه مفيش منها أنواع و لا فئات
البرايد العصفورة (الهاتشباك) بدون شنطة 1100 و البرايد السيدان (بشنطة) 1300 و الإثنين زى الفل و سمعتهم 10/10, و السيدان مطلوبه أكتر طبعاً علشان الشنطة العربية دى أول منزلت من شركة كيا كوريا ,تقريباً كان سنه 96 و كانت زيرو بـحوالى 15000, دلوقتى مستعمله و سعرها دخل على الثلاثين !!! مفيش عربية سعرها يزيد إلا لو أثبتت وجودها. و الأستاذ أبو نورا يفيدنا أكتر, متخصص البرايد فى المنطقة كلها. :CONGRA~238: |
رد: ما هى قوة ماتور موديلات كيا برايد
تسلم يا باشا
بإنتظار أخونا أبو نورا يقولنا رأية |
رد: ما هى قوة ماتور موديلات كيا برايد
الموتور 1100 بيكون بقوة 54 حصان والموتور 1300 كربراتير بيكون بقوة 62 حصان انما لو الموتور 1300 انجيكشن (استيراد) بيكون بقوة 73 حصان .... بس اجمالا القدرة الحصانية للموتور مش بتبان الا بعد ما تعدى سرعة 100كم/ساعة ... والفروق فى المواتير ان الموتور الاصغر فى سى سى بيكون اقل استهلاك فى البنزين بس بيكون اضعف من ناحية تشغيل التكييف او حمولة السيارة ب 5 افراد عكس الموتور الاكبر بيكون استهلاك البنزين فيه ازيد شوية بس بيكون افضل نسبيا مع التكييف او حمولة 5 افراد فى السيارة
اجمالا البرايد عربية حمااااااااااااالة اسية فى الشوارع المصرية وسهل صيانتها واصلاحها وعيوبها بسيطة ما عدا الكماليات والعزل الداخلى ودة ميعتبرش عيب لان العربية اصلا فى كوريا اسمها سيارة الشعب يعنى كانت نازلة للفئة الشعبية فى كوريا |
رد: ما هى قوة ماتور موديلات كيا برايد
اقتباس:
بس كان عندى إستفسار هى أية أفضل موديلات الكيا برايد لأنى سمعت أن فى منها كورى وحاجة أسمها سايبا وبصراحة شم فاهم حاجة خالص من النوعين ولا عارف المقارنة بينهم |
رد: ما هى قوة ماتور موديلات كيا برايد
زى ما تفضل الزملاء وقالو البرايد عربية ناجحة طول تاريخها اللى بداء فى نهاية التمانينات مع تصميم مشترك بين شركة مازدا اليابانية وشريكتها فورد الامريكية اشتركو مع بعض فى هندسة التصميم الاول وطلعو بشكلين مختلفين واحدة فورد فيستيفا لاسواق امريكا واروبا وواحدة مازدا 121 لاسواق اليابان واسيا
كيا فى بدايتها اشترت التصميم ( خط الانتاج ) والحقوق وكل حاجة وطلعت نفس الهندسة ونفس التصميم باسم كيا برايد للمرة الاولى وجتلنا هنا فى مصر فى منتصف التسعينات تصنيع وتقفيل كورى فى اواخر التسعينات كانت العربيه نجحت هنا فى مصر جدا فجة التوكيل المصرى ساعتها كان وليد توفيق اخد حق تجميع العربيه فى مصر وقفلها فى مصانع AAV الهيئه العربية للتصنيع فضلت تتجمع فى مصر تحديدا الموديل السيدان ( الصالون ) ال 1300 سى سى لحد 2004 بعدها اتوقف تجميعها هنا فضلت العربيه ناجحة برضو وفضل الناس تسال عليها جديدة وده اللى خلى توكيل تانى ( الامل - توكيل الادا والبى واى دى ) يستوردها من ايران اللى اشترت حق التصنيع بتاعها من كوريا ونزلت لاول مرة السايبا برايد موديل 2006 وهى هى القديمة مع اختلاف انها انجكشن واختلافات طفيفة فى الشكل الخارجى وفى 2007 نزل موديل جديد من المصنع الايرانى ( شركة سايبا الايرانية ) يعتمد على نفس اساسيات القديم لكن مع تغييرات اكتر فى تصميم الصالون والتصميم الخارجى انا عارف انك ممكن تكون تهت منى كدة بس انا هحاول الخص اللى قولته وانت عليك تقراء باقى اهم الموضوعات اللى موجودة فى قسم الكيا برايد هنا علشان تعرف كل حاجة عن العربيه واراء وتجارب باقى الزملاء عنها كده يبقى عندنا لحد دلوقتى تاريخ البرايد كالتالى كل الموديلات تكنولوجيا مازدا + فورد موديلات تسعينات = صناعة وتقفيل كورى موديلات 2000 - 2004 = صناعة كورى تقفيل مصرى / ايرانى 2006 وما بعدها = صناعة ايرانى (سايبا) تقفيل ايرانى طبعا طالما بنتكلم فى مستعمل فمفيش اولوية كبيرة لفروق التقفيل والصناعة كلهم تقريبا نفس التكنولوجيا وقطع غيارهم مشتركة فى الاساسيات لكن الاهم الحالة وانا افضل موديلات الالفينات بالنسبة للمستعمل وتحت امرك فى استفسار تانى وديه بعض الموضوعات عن العربيه اهم مواضيع الكيا برايد و السابيا - مصر موتورز مجتمع وسوق السيارات العربى رابطة ملاك الكيا برايد - مصر موتورز مجتمع وسوق السيارات العربى سايبا تيبا 2014 !!! - مصر موتورز مجتمع وسوق السيارات العربى تجربة سايبا برايد 1.3 - مصر موتورز مجتمع وسوق السيارات العربى انا لسه مشترى سايبا 2009 امبارح الحمد لله - مصر موتورز مجتمع وسوق السيارات العربى سايبا برايد السياره المهضوم حقها في مصر ؟؟؟؟؟ - مصر موتورز مجتمع وسوق السيارات العربى الشركة الايرانية سايبا SAIPA - مصر موتورز مجتمع وسوق السيارات العربى احلى تعديلات على الكيا برايد - مصر موتورز مجتمع وسوق السيارات العربى حجزت سايبا برايد الإيرانيه وهاستلم خلال إسبوع - مصر موتورز مجتمع وسوق السيارات العربى لكل عشاق السابيا برايد وخصوصا وائل باشا - مصر موتورز مجتمع وسوق السيارات العربى سايبا برايد 2009 / 2010 - مصر موتورز مجتمع وسوق السيارات العربى الكيا برايد في رأيي - مصر موتورز مجتمع وسوق السيارات العربى ما الفارق بين كيا برايد الكوري و السايبا؟؟؟ - مصر موتورز مجتمع وسوق السيارات العربى رابطة ملاك الكيا برايد - مصر موتورز مجتمع وسوق السيارات العربى كيا نسيم هاتش باك - مصر موتورز مجتمع وسوق السيارات العربى افضل زيت للكيا برايد؟ - مصر موتورز مجتمع وسوق السيارات العربى اشتريت كيا برايد باركولى - مصر موتورز مجتمع وسوق السيارات العربى ايهما افضل الشاهين ام السايبا بريد..؟ - مصر موتورز مجتمع وسوق السيارات العربى المسافة التي قطعتها بالسايبا بريد 2009 والاصلاحات التي تمت فيها - مصر موتورز مجتمع وسوق السيارات العربى مركز خدمة برايد سايبا اكتوبر بشرى ساره - مصر موتورز مجتمع وسوق السيارات العربى غرائب كيا برايد - مصر موتورز مجتمع وسوق السيارات العربى |
رد: ما هى قوة ماتور موديلات كيا برايد
انا من متبعتى للموضوع احب اشكرابو نورا بالنيابه عن نيو 2014وذلك لمجهوده الذى ابذله للرد وشكرا
|
| الساعة الآن 08:44 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017