متور لادا 2107
 

السلام عليكم ورحمة الله وبركاتة

انا نازل كمان 3 او 4 ايام اجيب موتور سيارة لادا 2107 موديل 93 كنت عايز اعرف سعرة كام واجيب موتور كام سى سى واجيب الفتيس 4 ولا 5 غيار واعرف الموتور حالة كويسة ولا تعبان واجيبة منين لو حد يعرف حد موثوق فية اجيبة منة ياريت يدلينى علية .. للعلم انا من القاهرة

رد: متور لادا 2107
 

السعة الترية الافضل 1600
وطبعا الفتيس الـ 5 غيار افضل بكتير
هتلاقى نص عزبة شلبي بتشتغل فى لادا
لازم يكون معاك ميكانيكى
تاخد الموتور على التجربة اسبوع
السعر بيختلف على حسب الفتيس اربعة ولا خمسة لان فرق السعر بنهم كبير جدا
الـ 4 غيار ممكن يعمل 400 جنية انما الخمسة غيار حوالى 1200 جنية
انما الموتور ثابت بحوالى 2500 جنية

رد: متور لادا 2107
 

برضو تانى هأقولك : خلى محمد طلبه يجيبه و يسقطه و يجربه و تأخده على ضمانته, و لو مستبعد المشوار ممكن يسقطهولك عندك (عنده صنايعى إسمه هشام للتنقلات الخارجية) - دليفرى يعنى :)
إدى العيش لخبازه
و حضرتك ليك مطلق الحرية
========================
مبدئياً المكنه الصح المفروض خراطيمها مقطوعه (مش مخلوعة) و القواعد بتاعتها كاوتش لادا الأصلى (قطعة واحدة مش كاوتش مزيكا), و طبعاً المكنه كل مساميرها و خراطيمها قديمة (بزيتها و ترابها) مفيش أى حاجه جديدة أو بتلمع.
هتشوف البوجيهات (تفكها) و تبص عالسن علشان تشوف عليه زيت و لا لأ و تبص على كارتيرة الزيت (الجوان و الطبة) فيه تعريق زيت و لا مفيش.

كل الكلام ده كلام للكشف المبدئى, و أكيد التجار ميفوتش عليهم حاجه من دى

اللى خايف عليك منه تجيب مكنه 1200 على إنها 1600 لإن مش أى حد يعرفها و كل المكن نفس الشكل بالتمام.

أعانك الله

رد: متور لادا 2107
 

مكتوب كود على البلوك من برة بيفرق بين السعة اللترية

رد: متور لادا 2107
 

الف شكرا على المعلومة:Bravo::Bravo:

رد: متور لادا 2107
 

والله انا مقدر خوفك عليا من غش التجار وسعيد جدا بذالك بس المشكلة ان والدى اتفق مع مكانيكى قربنا من غير ما يعرفنى وانا بصراحة مش واثق فى المكانيكى دة لما ينزل معايا نجيب الموتور من ناحية الخبرة وادبس لو ينفع محمد طلبة يزل معايا نجيبة والمكانيكى تبعنا يسقطة واكمل بعد كدة باقى شغل العربية عندة

رد: متور لادا 2107
 

أعانك الله, بس المهم دايماً تأكد على الميكانيكى إن كل حاجه على مسئوليته - ده شغله و هو اللى يفهم فيه
ربنا يكرمك و يعينك و تشوفها عروسة و يطعمك بخيرها و يحميك من شرها

قد أكون مفهمتش الموضوع بالضبط, بس أنا أعرف إن الكود مش عبارة عن رقم (غير مباشر) الصنايعى الصح بيفهم الرقم ده معناه إيه, يعنى مش هيكتب 2107-1600 مثلاً, الروس غاويين يحيرونا معاهم.
عالعموم ربنا يوفق صاحب الموضوع
و نعيش و نتعلم من أستاذنا Mr Astra ربنا يبارك له فى صحته و عمره و ميحرمش الناس من علمه.