|
اشتريت نسيان صني 2011 وفيها رفرف وكابوت فيها مشكله .؟
السلام عليكم ورحمة الله وبركاته
انا اشتريت عربية نسيان صني 2011 سوبر صالون ماشيه 55 الف كليو العربية فيها كابوت متغير مع رفارف هل دا يعيب العربية ولالا وانا اصلا شاري العربية انها فيها مرمات بس وبعد ماشتريت لاقيت العربية متغير فيها الكلام دا وواحد سمكري قالي فيها بوهيه كمان من الجنبين فكنت عاوز من الشباب المحترم اللي هنا يقولو الشغل اللي في العربية دا يعيب منها ولالا والعربية دواخل فبريكه الفبريكه وكنت عاوز اعرف سعرها يعمل كام وابيعها ولا اخليها ..؟ ويقولو ليا تسوي كام العربية دي العربية حاله كويسه ومن تحت كويسه جدا مشاء الله وفي السحب كويسه العربية مفيش فيها اي حاجة بس انا مبحبش اركب عربية يكون فيها بوهيه اجو منكم حد يطمني لان انا قلقان جدا من الحورات دي وواخد العربية غالية اوي كمان فعاوز اعرف السعر اية بعد الللي قولت ليكم عليه دا والرجاء من الاخوه اللي معاهم النسيان صني الشكل القديم يقولو رايهم في العربية ... وشكرا واسف علي الاطاله |
رد: اشتريت نسيان صني 2011 وفيها رفرف وكابوت فيها مشكله .؟
ربنا معاك لو تعرف ترجع العربية رجعها ولو هتخسر 1000 أو 2000 رجعها |
رد: اشتريت نسيان صني 2011 وفيها رفرف وكابوت فيها مشكله .؟
الف مبروك ولا يهمك
|
رد: اشتريت نسيان صني 2011 وفيها رفرف وكابوت فيها مشكله .؟
4BY4:fun_7_5_128[1]:
|
رد: اشتريت نسيان صني 2011 وفيها رفرف وكابوت فيها مشكله .؟
السلام عليكم
انا رأيى الشخصى انة طالما الموضوع كبوت ورفارف وشغل سمكرة ورشة نظافة وبعيد عن الاساسيات وعظم العربية يعنى العربية مش عاملة حادثة جامدة تأثر على العربية فدة مش مشكلة خالص لكن كان من الامانة انة كان يعرفك باللى فى العربية قبل ما يبيعهالك . طالما العربية كويسة من سحب وتكييف وكهرباءوسرعة يبقى اى حاجة فى الصاج مش مشكلة خالص دة رائى الشخصى لكن واحد جارى شغال بالحرفيين رأية ان رش العربية يعيبها جدا لان ممكن اللى هيشتريها يقول انها عاملة حادثة جامدة فلازم يفتح العربية على قوائم العربية ويبص على كل الزونب الخاصة بتربيط العربية كلها يارب اكون قدرت اوصل المعلومة تحياتى |
رد: اشتريت نسيان صني 2011 وفيها رفرف وكابوت فيها مشكله .؟
انا بشكر كل الشباب اللي ردو عليا والله الف شكر ليكو بس حبيت اقول للباشا ان العربية دواخل فبريكه الفبريكه مفيش فيها اي مشكله لكن العربية زي ما قولتلك اللي فيها كله كابوت ورفرف بس وواحد سمكري شاف العربية قالي العربية كويسه جدا من جوه مفيش فيها اي حاجة بس انا معرفش اية رايكم في الكلام دا العربية انا اول ورقه وخلاص للاسف للي بيقولي رجع وبتاع كان عمل توكيل فالشهر العقاري وكل شي انتهي عاوز بس السعر اعرف بتاعها كام لان انا عارضها للبيع دلوقتي وعاوز اشوف هخسر كتير ولالا بس الاسعار اللي يعرف يقولي بالضبط مش اسعار في الهوا يعني لو عربية حاله حاله تسوي كام واللي معايا دي تعمل كام ؟؟؟ وشكرا ياشباب
|
| الساعة الآن 07:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017